• Desert
  • Desert
  • Desert
  • Desert


ມອບ-ຮັບໂຄງການກໍ່ສ້າງຫ້ອງການອົງການໄອຍະການປະຊາຊົນ ເຂດ 1 ເມືອງຂວາ ແຂວງ ຜົ້ງສາລີ

ໂຄງການກໍ່ສ້າງຫ້ອງການ ອົງການໄອຍະການປະຊາຊົນ ເຂດ 1 ເມືອງຂວາ ແຂວງຜົ້ງສາລີ ໄດ້ລົງມືກໍ່ສ້າງມາ ແຕ່ວັນທີ  17 ກໍລະກົດ 2013 ມາຮອດປັດຈຸບັນໄດ້ສໍາເລັດການກໍ່ສ້າງ 100% ແລະ ໄດ້ຈັດພິທີມອບ - ຮັບ ເດືອນ ທັນວາ 2014 ຜ່ານມານີ້, ໂດຍການເຂົ້າຮ່ວມເປັນປະທານ ແລະ ໃຫ້ກຽດຕັດແຖບຜ້າໄຂການນໍາໃຊ້ຢ່າງເປັນທາງການຂອງ ທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ, ທ່ານ ບຸນໄມ ຫົງວິໄລຈິດ ກໍາມະການປະຈໍພັກແຂວງ, ປະທານກວດກາພັກ - ລັດແຂວງຜົ້ງສາລີ, ທ່ານ ຄໍາອ້ວນ ອຸດວງວິໄລ ເລຂາພັກເມືອງ ເຈົ້າເມືອງ ເມືອງຂວາ, ມີຄະນະກໍາມະການຊີ້ນໍາໂຄງການຂັ້ນສູນກາງ, ຜູ່ຕາງໜ້າຂະແໜງການຕ່າງໆ ພ້ອມດ້ວຍພະ ນັກງານ-ວິຊາການເຂົ້າຮ່ວມຢ່າງພ້ອມພຽງ

ອ່ານຕໍ່ >>>

ທ່ານ ຄໍາສານ ສຸວົງ ລົງຊີ້ນໍາວຽກງານ 3 ສ້າງ ຢູ່ອົງການໄອຍະການປະຊາຊົນ ເຂດ III ແລະ ເຂດ IV ນະຄອນຫຼວງວຽງຈັນ

ຕອນເຊົ້າວັນທີ 28 ຕຸລາ 2014 ນີ້, ທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານ 3 ສ້າງຢູ່ອົງການໄອຍະການປະຊາຊົນ ເຂດ 3 ທີ່ຕັ້ງຢູ່ ເມືອງ ສີສັດ<ຕະນາກ ນະຄອນຫຼວງວຽງຈັນ ມີຜູ້ເຂົ້າຮ່ວມທັງໝົດ 40 ກວ່າທ່ານ.

ອ່ານຕໍ່ >>>

ຄະນະບໍລິຫານງານຊາວໜຸ່ມ ອົງການໄອຍະການປະຊາຊົນສູງສຸດ ຈັດກິດຈະກໍາຕ້ອນຮັບກອງປະຊຸມໃຫ່ຍຊຸດທີ II

ທ້າຍອາທິດມານີ້, ຄະນະບໍລິຫານງານຊາວໜຸ່ມ ອົງການໄອຍະການປະຊາຊົນສູງສຸດ ໄດ້ນໍາພາສະມາຊິກຊາວໜຸ່ມຈາກ ອົງການໄອຍະການປະຊາຊົນສູງສຸດ, ອົງການໄອຍະການປະຊາຊົນພາກກາງ ແລະ ສະຖາບັນຄົ້ນຄວ້າ - ຝຶກອົບຮົມໄອຍະການ ຈໍານວນ 100 ກວ່າສະຫາຍ ເຄື່ອນໄຫວສ້າງຂະບວນການ ອອກແຮງງານ ແລະແຂ່ງຂັນກິລາຢູ່ພາຍໃນ ອົງການຂອງຕົນ ດ້ວຍບັນຍາກາດຢ່າງຄຶກຄື້ນມ່ວນຊື່ນ ແລະ ເຕັມໄປດ້ວຍອັນມີຄວາມໝາຍ ຄວາມສໍາຄັນ.

ອ່ານຕໍ່ >>>

ກອງປະຊຸມສໍາມະນາ ກ່ຽວກັບການປັບປຸງລັດຖະທໍາມະນູນ ໃນຂົງເຂດຍຸຕິທໍາ ແລະ ກົດໝາຍ

ອົງການໄອຍະການປະຊາຊົນສູງສຸດ ຮ່ວມກັບສານປະຊາຊົນສູງສຸດ ໄດ້ຈັດກອງປະຊຸມສໍາມະນາ ຫົວຂໍ້ ວິທະຍາສາດກ່ຽວກັບການປັບປຸງ ລັດຖະທໍາມະນູນ ໃນຂົງເຂດຍຸຕິທໍາ ແລະ ກົດໝາຍ ໃນຕອນເຊົ້າ ວັນທີ 10 ຕຸລາ 2014 ນີ້, ທີ່ນະຄອນຫຼວງວຽງຈັນ. ໂດຍການເປັນປະທານຮ່ວມຂອງ ທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ແລະ ທ່ານ ຄໍາພັນ ສິດທິດໍາພາ ກໍາມະການສູນກາງພັກ, ປະທານສານປະຊາຊົນສູງສຸດ, ມີບັນດາທ່ານ ຮອງຫົວໜ້າອົງການໄອຍະການປະຊາຊົນສູງສຸດ, ທ່ານຮອງປະທານສານປະຊາຊົນສູງສຸດ, ກໍາມະການໄອຍະການປະຊາຊົນ, ສະມາຊິກສະພາຜູ້ພິພາກສາສານປະຊາຊົນສູງສຸດ, ຫົວໜ້າກົມ, ຫ້ອງການ, ຫົວໜ້າອົງການໄອຍະການປະຊາຊົນພາກກາງ, ປະທານສານປະຊາຊົນພາກກາງ, ນະຄອນຫຼວງວຽງຈັນ ແລະ ເຂດIII ເຂົ້າຮ່ວມ 40 ກວ່າທ່ານ.

ອ່ານຕໍ່ >>>

ອົງການໄອຍະການປະຊາຊົນສູງສຸດ ໄດ້ຮັບເຄື່ອງຊ່ວຍເຫຼືອ ມູນຄ່າ 3 ພັນກວ່າໂດລາ

ທ່ານ ຊ໋ອດຈູ ຄິມ ຊ່ຽວຊານໄອທີ ຈາກມູນນິທິຄົ້ນຄວ້າແຫ່ງຊາດ ສາທາລະນະລັດເກົາຫຼີ ໄດ້ນໍາເຄື່ອງອຸປະກອນ ຮັບໃຊ້ວຽກງານໄອທີ ລວມມີ 9 ລາຍການ ໃນມູນຄ່າ 3 ພັນກ່ວາໂດລາສະຫາລັດ ມາມອບໃຫ້ ອົງການໄອ ຍະການປະຊາຊົນສູງສຸດ ໃນຕອນບ່າຍຂອງ ວັນທີ 23 ກັນຍາ 2014 ມານີ້, ໂດຍມີທ່ານ ສີສູນທອນ ສໍຜາບມີໄຊຄະນະພັກ, ຫົວໜ້າຫ້ອງການ ອົງການໄອຍະການປະຊາຊົນສູງສຸດ ເປັນຜູ່ກ່າວຮັບ ໂດຍຊ້ອງໜ້າພະນັກງານຂັ້ນສູງ ຈໍານວນໜຶ່ງ.

ອ່ານຕໍ່ >>>

ປຶກສາຫາລືການຕ້ານ ແລະ ສະກັດກັ້ນອາຊະຍາກໍາປ່າໄມ້ ແລະ ສັດປ່າ ຢູ່ລາວ

ອົງການໄອຍະການປະຊາຊົນສູງສຸດ, ກົມກວດກາປ່າໄມ້ ກະຊວງກະສິກໍາ - ປ່າໄມ້ ແລະ ອົງການ UNODC ຜູ່ສະໜັບສະໜູນດ້ານທືນ ຮ່ວມກັນຈັດກອງປະຊຸມປຶກສາຫາລືກ່ຽວກັບວິທີການ, ມາດຕະການໃນການຕ້ານ ແລະ ສະກັດກັ້ນອາຊະຍາກໍາປ່າໄມ້ ແລະ ສັດປ່າຢູ່ ສປປ ລາວ ຂື້ນໃນວັນທີ 23 ກັນຍາ 2014 ນີ້ຢູ່ທີໂຮງແຮມເມີກຽວນະຄອນຫຼວງວຽງຈັນ. ໂດຍການເຂົ້າຮ່ວມເປັນປະທານຂອງ ທ່ານ ລັງສີ ສີບຸນເຮືອງຮອງຫົວໜ້າອົງການໄອຍະການປະຊາຊົນສູງສຸດ, ທ່ານຜູ່ຕາງໜ້າຈາກອົງການ UNODC ປະຈໍາລາວ, ຜູ່ຕາງໜ້າສະຖານທູດສະຫະລັດອາເມຣິກາ, ຜູ່ຕາງໜ້າຈາກກະຊວງຂະແໜງການທີ່ກ່ຽວຂ້ອງເຂົ້າຮ່ວມ.

ອ່ານຕໍ່ >>>

ຄະນະຜູ່ແທນຂັ້ນສູງ ອົງການໄອຍະການປະຊາຊົນ ແຫ່ງ ສສ ຫວຽດນາມ ຢ້ຽມຢາມ ແຂວງຊຽງຂວາງ

ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ ສປປ ລາວ ລະຫວ່າງ ວັນທີ 16-18 ກັນຍາ 2014 ນີ້. ສະຫາຍ ເຈິນກົງຟານຮອງຫົວໜ້າອົງການໄອຍະການປະຊາຊົນສູງສຸດແຫ່ງ ສສ ຫວຽດນາມພ້ອມດ້ວຍຄະນະໄດ້ເດີນທາງໄປຢ້ຽມຢາມ ແລະ ເຮັດວຽກຢູ່ທີ ແຂວງຊຽງຂວາງ ພາກເໜືອຂອງລາວ. ຊື່ງມີສະຫາຍ ສີສູນທອນ ສໍຜາບມີໄຊ ຄະນະພັກຫົວໜ້າອົງການໄອຍະການປະຊາຊົນສູງສຸດເປັນເພື່ອນພາທາງ.

ອ່ານຕໍ່ >>>

ອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ສສ ຫຽວນາມເພີ່ມທະວີການຮ່ວມມື

ໂດຍຕອບສະໜອງຕາມຄໍາເຊີນຂອງ ທ່ານຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ຄະນະຜູ່ແທນຂັ້ນສູງ ອົງການໄອຍະການປະຊາຊົນສູງສຸດ ແຫ່ງ ສສ ຫຽວນາມ ນໍາໂດຍ ສະຫາຍ ເຈິນ ກົງຟານ, ຮອງຫົວ ໜ້າອົງການໄອຍະການປະຊາຊົນສູງສຸດ ແຫ່ງ ສສ ຫຽວນາມ ພ້ອມດ້ວຍຄະນະໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຢ່າງເປັນທາງການ ລະຫວ່າງວັນທີ 15-18 ກັນຍາ 2014 ຊຶ່ງໄດ້ຮັບການຕອບຮັບຢ່າງອົບອຸ່ນຈາກຄະນະພັກ - ຄະນະນໍາ ອົງການໄອຍະການປະຊາຊົນສູງສຸດ ແຫ່ງ ສປປ ລາວ.

ອ່ານຕໍ່ >>>



                           

ແຈ້ງການ

ວາລະສານ

ປະຕິທິນ

Aug-2017
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ຈຳນວນຜູ້ເຂົ້າຊົມ

»  1   ອອນໄລ
»  3 ມື້ນີ້
»  2 ມື້ວານນີ້
»  5 ອາທິດນີ້
»  71 ເດືອນນີ້
»  1170 ປີນີ້
»  1645 ທັງໜົດ

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ