ກອງປະຊຸມກະກຽມເນື້ອໃນ ເຮັດທົດລອງວຽກງານ 3 ສ້າງຢູ່ ອົງການໄອຍະການປະຊາຊົນ ນະຄອນຫລວງວຽງຈັນ

ຕອນເຊົ້າວັນທີ 18 ຕຸລາ 2013ນີ້, ອົງການໄອຍະການປະຊາຊົນສູງສຸດ ໄດ້ຈັດກອງປະຊຸມກະກຽມເນື້ອໃນເຮັດທົດລອງວຽກງານ 3 ສ້າງໂດຍການເຂົ້າຮ່ວມເປັນປະທານຂອງ ທ່ານ ຄຳສານ ສຸວົງ ກຳມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ.

 

ຜູ້ເຂົ້າຮ່ວມຈະໄດ້ພ້ອມກັນຄົ້ນຄວ້າປຶກສາຫາລື 3 ບັນຫາໃຫຍ່ທີ່ຕິດພັນກັບການປະຕິບັດພາລະບົດບາດສິດ ແລະ ໜ້າທີ່ຂອງອົງການໄອຍະການປະຊາຊົນເປັນຕົ້ນແມ່ນບັນດາຫົວຂໍ້ ແລະ ເອກະສານ ທີ່ ຈະເຊື່ອມຊືມກ່ຽວກັບມະຕິ 03 ຂອງກົມການເມືອງສູນກາງພັກວ່າດ້ວຍວຽກງານ 3 ສ້າງເພື່ອຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງ ຂອງ ລະບົບອົງການໄອຍະການປະຊາຊົນ ໂດຍສະເພາະແມ່ນຢູ່ໃນເຂດຈຸດສຸມ ເຂດ 3 ນະຄອນຫລວງວຽງຈັນ; ປຶກສາຫາລືກ່ຽວກັບການສະຫຼຸບຕີລາຄາ ແລະ ການກຳນົດທິດທາງເພື່ອປັບປຸງກົນໄກແບບແຜນວິທີເຮັດວຽກ ເປັນຕົ້ນ ແມ່ນການຄຸ້ມຄອງການບໍລິຫານເອກະສານຢູ່ພາຍໃນ ແລະ ການຄົ້ນຄວ້າກຳນົດກ່ຽວກັບຫົວຂໍ້ເພື່ອເປັນການເພີ່ມທະວີຍົກສູງຄຸນນະພາບໃນການປະຕິບັດພາລະບົດບາດສິດໜ້າທີ່ຂອງອົງການໄອຍະການປະຊາຊົນໂດຍອິງໃສ່ກົດໝາຍທີ່ມີສ່ວນພົວພັນກັບພາລະບົດບາດດັ່ງກ່າວເພື່ອເຮັດໃຫ້ກອງປະຊຸມມີຜົນສຳເລັດຕາມຈຸດປະສົງ ແລະ ຄາດໝາຍທີ່ວາງໄວ້.

2013-10-18

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ