ກອງປະຊຸມວຽກງານຕິດຕາມກວດກາການປະຕິບັດ ກົດໝາຍຂອງສານໃນການດຳເນີນຄະດີແພ່ງ

      ອົງການໄອຍະການປະຊາຊົນສູງສຸດໂດຍໄດ້ຮັບການສະໜັບສະໜູນຈາກມູນນິທິຣັນໄຊເດັນປະເທດເຢຍລະມັນໄດ້ເປີດກອງປະຊຸມຍົກສູງຄວາມສາມາດຂອງພະນັກງານອົງການໄອຍະການປະຊາຊົນ ກ່ຽວກັບການຕິດຕາມກວດກາການປະຕິບັດກົດໝາຍຂອງສານໃນການດຳເນີນຄະດີແພ່ງຂຶ້ນໃນລະຫວ່າງວັນທີ 23 - 25 ຕຸລາ 2013  ທີ່ໂຮງແຮມຈຳປາສັກແກຼນ ແຂວງຈຳປາສັກ ເຂົ້າຮ່ວມມີທ່ານຫົວໜ້າອົງການໄອຍະການປະຊາຊົນ, ສານປະຊາຊົນແຂວງພາກໃຕ້, ອົງການໄອຍະການທະຫານຂັ້ນສູງ, ຕຳຫລວດເສດຖະກິດແຂວງພາກໃຕ້, ທ່ານຜູ້ຕາງໜ້າສະພາເຂດເລືອກຕັ້ງ 15 ແຂວງຈຳປາສັກພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ 70 ກວ່າຄົນຊື່ງໃນກອງປະຊຸມຄັ້ງນີ້ຈະໄດ້ນຳເອົາການເຜີຍແຜ່ບາງມາດຕາຂອງກົດໝາຍວ່າດ້ວຍການດຳເນີນຄະດີແພ່ງສະບັບປັບປຸງປີ 2012, ການຕິດຕາມກວດກາການປະຕິບັດກົດໝາຍຂອງສານໃນການດຳເນີນຄະດີແພ່ງຢູ່ສານຂັ້ນຕົ້ນ, ຂັ້ນອຸທອນ, ຂັ້ນລົບລ້າງ, ຂັ້ນຮື້ຟື້ນ ແລະ ການພົວພັນສາກົນໃນການດຳເນີນຄະດີແພ່ງ.

    ກອງປະຊຸມໂດຍການເຂົ້າຮ່ວມເປັນປະທານ ແລະ ກ່າວເປີດຂອງທ່ານ ໄຊຊະນະ ໂຄດພູທອນຮອງຫົວໜ້າອົງການໄອຍະການປະຊາຊົນສູງສຸດບາງຕອນທ່ານໄດ້ກ່າວວ່າ: ການ ຝຶກອົບຮົມຄັ້ງນີ້ແມ່ນເພື່ອຍົກລະດັບຂີດຄວາມສາມາດຂອງພະນັກງານໄອຍະການໃນການຕິດຕາມກວດກາການປະຕິບັດກົດໝາຍຂອງສານໃນການດຳເນີນຄະດີແພ່ງຢູ່ແຕ່ລະ ຂັ້ນໆ. ດັ່ງນັ້ນການຝຶກອົບຮົມຄັ້ງນີ້ຖືວ່າມີຄວາມໝາຍສຳຄັນຍິ່ງສຳລັບພະນັກງານໄອຍະການປະຊາຊົນພວກເຮົາທີ່ປະຕິບັດໜ້າທີ່ຢູ່ຂັ້ນຕົ້ນ, ຂັ້ນອຸທອນ, ຂັ້ນລົບລ້າງ. ກົດໝາຍສະບັບນີ້ແມ່ນໄດ້ຮັບການປັບປຸງຫຼາຍຂຶ້ນທາງດ້ານຫລັກການ, ດ້ານເນື້ອໃນບາງມາດຕາຈຳນວນໜຶ່ງ ແລະ ເພີ່ມມາດຕາໃຫ້ຫຼາຍຂຶ້ນ. ຈາກນັ້ນທ່ານໄດ້ຮຽກຮ້ອ ງໃຫ້ພະນັກງານໄອຍະການຕ້ອງໄດ້ມີຄວາມຮັບຜິດຊອບສູງ ແລະ ເຂົ້າໃຈຢ່າງເລິກເຊິ່ງກ່ຽວກັບກົດໝາຍການດຳເນີນຄະດີແພ່ງສະປັບໃໝນີ້່ຢ່າງມີຄວາມກົມກຽວສາມາດນຳໄປຈັດຕັ້ງປະຕິບັດໜ້າທີ່ຕົນຮັບຜິດຊອບໃຫ້ເກີດດອກອອກຜົນ.

   ໂອກາດດັ່ງກ່າວທ່ານ ຮອງຫົວໜ້າອົງການໄອຍະການປະຊາຊົນສູງສຸດ ພ້ອມດ້ວຍຄະນະກໍ່ໄດ້ໄປຢ້ຽມຢາມໂຄງການກໍ່ສ້າງອາຄານອົງການໄອຍະການປະຊາຊົນພາກທີ່ຕັ້ງຢູ່ບ້ານໂນນດູ່ ເມືອງປາກເຊ ແຂວງຈຳປາສັກ, ປະຈຸບັນການກໍ່ສ້າງສຳເລັດແລ້ວ 60%.

2013-10-29

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ