ທ່ານ ພົນເອກ ສີສະຫວາດ ແກ້ວບຸນພັນ ໂອ້ລົມຕໍ່ ຄະນະພັກ ຄະນະນໍາ ແລະ ພະນັກງານ ອົງການ ໄອຍະການປະຊາຊົນສູງສຸດ.

          ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 65 ປີ ( 20/1/1949 20/1/2014) ແລະ ວັນຊາດທີ 2 ທັນວາ ຄົບຮອບ 38 ປີ (2/12/19752/12/2013). ທ່ານ ພົນເອກ ສີສະຫວາດ ແກ້ວບຸນພັນ ອະດີດກໍາມະການກົມການເມືອງສູນກາງພັກ,​ ອະດີດນາຍົກລັດຖະມົນຕີ, ອະດີດປະທານສູນກາງແນວລາວສ້າງຊາດ ໄດ້ໃຫ້ກຽດໂອ້ລົມຕໍ່ຄະນະພັກ-ຄະນະນໍາ ແລະ ພະນັກງານອົງການໄອຍະການປະຊາຊົນສູງສຸດ, ຊື່ງມີ ທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດທ່ານຮອງຫົວໜ້າອົງການໄອຍະການປະຊາຊົນສູງສຸດ, ຫົວໜ້າຫ້ອງການຮອງຫົວໜ້າຫ້ອງການ, ຫົວໜ້າກົມ, ຮອງກົມ, ຫົວ ໜ້າສະຖາບັນຄົ້ນຄ້ວາ-ຝຶກອົບຮົມວຽກງານໄອຍະການ, ທ່ານຫົວໜ້າອົງການໄອຍະການປະຊາຊົນພາກກາງ ພ້ອມດ້ວຍພະນັກງານເຂົ້າ ຮ່ວມ 200 ກ່າວຄົນ.

 

         ທ່ານ ພົນເອກ ສີສະຫວາດ ແກ້ວບຸນພັນ ໄດ້ຍົກໃຫ້ເຫັນເຖິງປະຫວັດແຫ່ງການກໍາເນີດ ແລະ ເຕີບໃຫ່ຍຂະຫາຍຕົວຂອງກອງ ທັບປະຊາຊົນລາວ ເຊີ່ງກອງທັບປະຊາຊົນລາວ (ປະຈຸບັນ) ໄດ້ຮັບການສ້າງຕັ້ງຂື້ນຢ່າງເປັນທາງການໃນວັນທີ 20/1/1949 (ກອງທັບອິດ ສະຫຼະໃນເມື່ອກ່ອນ) ຢູ່ເຂດລາວຮຸ່ງພຽງສາ, ເມືອງ ຊຽງຄໍ້, ແຂວງຫົວພັນ ໂດຍແມ່ນ ປະທານ ໄກສອນ ພົມວິຫານ ເປັນຜູ້ບັນຊາການໂດຍກົງ. ພາຍໃຕ້ການນໍາພາຂອງພັກທີ່ມີແນວທາງການເມືອງ, ການທະຫານອັນຖືກຕ້ອງ ແລະ ປະດິດສ້າງ, ກອງທັບລາວໄດ້ເຕີຍໃຫ່ຍເຂັ້ມແຂງ ແລະ ກ້າວຂື້ນຍາດເອົາໄຊຊະນະຢ່າງເນື່ອງນິດລຽນຕິດ, ຍິງຕີຍິງເຕີບໃຫ່ຍເຂັ້ມແຂງພ້ອມດຽວກັນນັ້ນ ທ່ານຍັງໄດ້ຍົກໃຫ້ເຫັນເຖິງຜົນງານທີ່ພົ້ນເດັ່ນຂອງກອງທັບປະຊາຊົນໃນໄລຍະຕໍ່ສູ້ກູ້ຊາດ ແລະ ປົກປັກຮັກສາປະເທດຊາດ ຄື: ໄລຍະຕໍ່ສູ້ຕ້ານຈັກກະພັດລ່າເມືອງຂຶ້ນແບບເກົ່າແຕ່ປີ 1949-1954, ໄລຍະຕໍ່ສູ້ຕ້ານຈັກກະພັດລ່າເມືອງຂຶ້ນແບບໃໝ່ 1955-1975 ແລະ ໄລຍະປົກປັກຮັກ ສາ ແລະ ສ້າງສາພັດທະນາປະເທດຊາດແຕ່ ປີ 1975 ເຖິງປະຈຸບັນ.

         ທ່ານຍັງຍົກໃຫ້ເຫັນເຖິງທາດແທ້ ແລະ ມູນເຊື້ອອັນສະຫງ່າອົງອາດຂອງກອງທັບປະຊາຊົນລາວ ແລະ ການເສີມຂະຫຍາຍມູນເຊື້ອກອງທັບປະຊາຊົນລາວຕິດພັນກັບການຈັດຕັ້ງປະຕິບັດມະຕິກອງປະຊຸມໃຫ່ຍ ຄັ້ງທີ່ IX ຂອງພັກໃຫ້ປະກົດຜົນເປັນຈິງ.

2013-12-11

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ