ຫຼາຍພາກສ່ວນ ອຸປະຖຳງານແຂ່ງຂັນກິລາ 4 ພາກສ່ວນ ທີ່ອົງການໄອຍະການ ປະຊາຊົນສູງສຸດເປັນເຈົ້າພາບ ຫຼາຍກ່ວາ 40 ລ້ານກີບ

ປີ 2014 ນີ້ອົງການໄອຍະການປະຊາຊົນສູງສຸດໄດ້ຮັບກຽດເປັນເຈົ້າພາບຈັດການແຂ່ງຂັນກິລາພາກສ່ວນປະກອບດ້ວຍສະພາແຫ່ງຊາດກະຊວງຍຸຕິທຳສານປະຊາຊົນສູງສຸດເພື່ອເປັນການສະເຫຼີມສະຫຼອງວັນລັດຖະທຳມະນູນແຫ່ງຊາດຄົບຮອບ 23 ປີໃຫ້ມີບັນຍາກາດຟົດຟື້ນແລະເຕັມໄປດ້ວຍຄວາມໜາຍຄວາມສຳຄັນ

ປີ 2014 ນີ້ອົງການໄອຍະການປະຊາຊົນສູງສຸດໄດ້ຮັບກຽດເປັນເຈົ້າພາບຈັດການແຂ່ງຂັນກິລາພາກສ່ວນປະກອບດ້ວຍສະພາແຫ່ງຊາດກະຊວງຍຸຕິທຳສານປະຊາຊົນສູງສຸດເພື່ອເປັນການສະເຫຼີມສະຫຼອງວັນລັດຖະທຳມະນູນແຫ່ງຊາດຄົບຮອບ 23 ປີໃຫ້ມີບັນຍາກາດຟົດຟື້ນແລະເຕັມໄປດ້ວຍຄວາມໜາຍຄວາມສຳຄັນ ໃນ​ຕອນ​ເຊົ້າ​ວັນ​ທີ 31 ກໍລະກົດ 2014 ນີ້, ທ່ານ ຄຳ​ສານ ສຸ​ວົງ ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ຕາງໜ້າ​ໃຫ້​ຄະນະ​ພັກ -​ ຄະນະນຳ, ພະນັກງານ​​ທົ່ວ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ຕ້ອນຮັບ ຜູ້ອຳນວຍການ​ບໍລິສັດ ອີ​ຊຸ​ຊຸ​ລາວ ທີ່​​ເຂົ້າສະ​ເໜີ​ໃຫ້ການ​ອຸປະຖຳ ງານ​ແຂ່ງຂັນ​ກິລາ​ຄັ້ງນີ້ ມູນ​ຄ່າ 30 ລ້ານ​ກີບ, ຜູ້ອຳນວຍການ​ບໍລິສັດ ສົມ​ວັນ​ຈະ​ເລີ​ນກໍ່ສ້າງ ຂົວ - ທາງ ຈຳກັດ ມູນ​ຄ່າ 7 ລ້ານ​ກວ່າ​ກີບ ​ແລະ ບໍລິສັດ​ເບຍ​ລາວ​ໃຫ້ການ​ສະໜັບ ສະໜູນ ມູນ​ຄ່າ 6 ລ້ານ​ກວ່າ​ກີບ. ການ​ປະກອບສ່ວນ​ຂອງ​ບັນດາ​ບໍລິສັດ​ໃນ​ຄັ້ງນີ້ ຖື​ໄດ້​ວ່າ​ເປັນ​ການ​ປະກອບ ສ່ວນ​ອັນ​ສຳຄັນ​ໃນ​ການພັດທະນາ​ວຽກ​ງານ​ຂະ​ບວນການ​ ກໍ​ຄື​ວຽກ​ງານໄອ​ຍະ​ການ​ປະຊາຊົນ​ ​ໂດຍ​ມີ​ສ່ວນ​ຮ່ວມ​ຂອງ​ພາກສ່ວນ​ຕ່າງໆ​ໃນ​ສັງຄົມ ຈາກ​ນັ້ນ ທ່ານ​ຫົວ​ໜ້າ ອົງການ​ໄອ​ຍະ​ການ​ປະຊາຊົນ​ສູງ​ສຸດ ກໍໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ ​ແລະ ຮູ້​ບຸນຄຸນ ຕໍ່​ 3 ພາກສ່ວນ​ດັ່ງກ່າວ ທີ່​ໄດ້​ໃຫ້​ການ​ປະກອບສ່ວນ​ຊຸກຍູ້ ງານ​ແຂ່ງຂັນ​ກິລາ 4 ພາກສ່ວນ ທີ່​ຈະ​​ໄຂຂຶ້ນລະຫວ່າງ​ວັນ​ທີ 7-8 ສິງຫາ 2014 ຈະ​ມາ​ເຖິງ​ນີ້. ງານ​ແຂ່ງ​ຂັນ​ກິລາ​ຄັ້ງນີ້, ມີ​ຄວາມ​ສຳຄັນ​ຫຼາຍ ທ່າມກາງ​ບັນຍາກາດ ການສະ​ເຫຼີ​ມສະ ຫຼອງວັນ​ສຳຄັນ​ຂອງ​ຊາດ, ທັງ​ເປັນ​ການ​ຜູກ​ແໜ້ນ​ຄວາມ​ສາມັກຄີ​ ຂອງນັກ​ກິລາທັງ 4 ພາກ ສ່ວນ. ສຳລັບ​ປີນີ້ອົງການ​ໄອ​ຍະ​ການ​ປະຊາຊົນ​ສູງ​ສຸດ​ແມ່ນ​ໄດ້​ເພີ່ມ ກິດຈະກຳ​​ເກ​ມການຫຼິ້ນ, ການ ສະ​ແດງ ​ເປັນຕົ້ນ ກິລາ​ບານ​ເຕະ ຊາຍ-ຍິງ, ກິລາ​ເປ​ຕັງ, ກິລາ​ແລ່ນ​ໄຖ່, ດຶງ​ເຊືອກ ​ແລະ ການສະ​ແດງ​ສິລະ​ປະ, ຮ້ອງ​ເພັງ​ລວມໜູ່ ຍິງ-ຊາຍ ຂອງ​ຊາວ​ໜຸ່ມ​ອົງການ​ໄອ​ຍະ​ການ​ປະຊາຊົນສູງ​ສຸດ ​ແລະ ມ່ວນ​ຊືນ​ລຳວົງ​ລາວກາງ​ແຈ້ງ ສະຫລັບ​ສາກ​ໄປ​ພ້ອມໆ​ກັບ​ການ​ແຂ​່ງຂັນ​ກິລາ​ຢ່າງ​ເບີກ ບານ​ມ່ວນ​ຊື່ນ.

2014-08-05

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ