ອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ສສ ຫຽວນາມເພີ່ມທະວີການຮ່ວມມື

ໂດຍຕອບສະໜອງຕາມຄໍາເຊີນຂອງ ທ່ານຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ຄະນະຜູ່ແທນຂັ້ນສູງ ອົງການໄອຍະການປະຊາຊົນສູງສຸດ ແຫ່ງ ສສ ຫຽວນາມ ນໍາໂດຍ ສະຫາຍ ເຈິນ ກົງຟານ, ຮອງຫົວ ໜ້າອົງການໄອຍະການປະຊາຊົນສູງສຸດ ແຫ່ງ ສສ ຫຽວນາມ ພ້ອມດ້ວຍຄະນະໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຢ່າງເປັນທາງການ ລະຫວ່າງວັນທີ 15-18 ກັນຍາ 2014 ຊຶ່ງໄດ້ຮັບການຕອບຮັບຢ່າງອົບອຸ່ນຈາກຄະນະພັກ - ຄະນະນໍາ ອົງການໄອຍະການປະຊາຊົນສູງສຸດ ແຫ່ງ ສປປ ລາວ.

ໂດຍຕອບສະໜອງຕາມຄໍາເຊີນຂອງ ທ່ານຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ຄະນະຜູ່ແທນຂັ້ນສູງ ອົງການໄອຍະການປະຊາຊົນສູງສຸດ ແຫ່ງ ສສ ຫຽວນາມ ນໍາໂດຍ ສະຫາຍ ເຈິນ ກົງຟານ, ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫຽວນາມ ພ້ອມດ້ວຍຄະນະໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຢ່າງເປັນທາງການ ລະຫວ່າງ ວັນທີ 15-18 ກັນຍາ 2014 ຊຶ່ງໄດ້ຮັບການຕອບຮັບຢ່າງອົບອຸ່ນ ຈາກຄະນະພັກ - ຄະນະນໍາ ອົງການໄອຍະການປະຊາຊົນສູງສຸດ ແຫ່ງ ສປປ ລາວ.

ໃນວາລະຢຽ້ມຢາມ ແລະ ເຮັດວຽກ ຢູ່ ສປປ ລາວ ຄະນະຜູ່ແທນຂັ້ນສູງ ອົງການໄອຍະການປະຊາຊົນສູງສຸດ ແຫ່ງ ສສ ຫຽວດນາມ ໄດ້ພົບປະແລກປຽ່ນບົດຮຽນ ກັບຄະນະຜູ່ແທນຂັ້ນສູງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ ນໍາໂດຍ ສະຫາຍໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ກຽ່ວກັບການຈັດຕັ້ງປະຕິບັດບົດບັນທຶກການພົບປະລະຫວ່າງ ຄະນະຜູ່ແທນຂັ້ນສູງອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ສສ ຫວຽດນາມ ທີ່ໄດ້ລົງນາມ ໃນວັນທີ 27 ມີນາ 2012 ທີ່ນະຄອນຫຼວງຮ່າໂນ້ຍ ສສ ຫວຽດນາມ, ການກະກຽມກ້ອງປະຊຸມ ອົງການໄອຍະການປະຊາຊົນ ບັນດາ ແຂວງທີ່ມີຊາຍແດນຮ່ວມກັນ ລາວ - ຫວຽດນາມ ຄັ້ງທີ 4 ທີ່ຈະໄຂຂື້ນ ໃນປີ 2015 ທີ່ແຂວງຫຼວງພະບາງ ພາກເໜືອຂອງລາວ, ການຈັດຕັ້ງປາຖະກະຖາກຽ່ວກັບການປັບປຸງວຽກງານ ຍຸຕິທໍາ, ວຽກງານໄອຍະການປະຊາຊົນຂອງ ສປປ ລາວ ແລະ ສສ ຫວຽດນາມ ໃນ ເງື່ອນໄຂໃໝ່ ໃຫ້ຄະນະຜູ່ແທນກອງປະຊຸມ ແລະ ພະນັກງານ ແຂວງຫຼວງພະບາງ ເພື່ອເປັນບົດຮຽນໃນການປັບປຸງວຽກງານ ຍຸຕິທໍາ ແລະ ວຽກງານໄອຍະການປະຊາຊົນ ຂອງສອງປະເທດໃນຕໍ່ໜ້າ.

ພ້ອມນັ້ນ, ຄະນະຜູ່ແທນຂັ້ນສູງ ອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ຍັງໄດ້ເຂົ້າຢ້ຽມຂໍ່ານັບ ທ່ານ ອາຊາງລາວລີ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງການໄອຍະການປະຊາຊຊົນສູງສຸດ, ຢຽ້ມຢາມ ຄະນະນໍາ ແຂວງຊຽງຂວາງ ແລະ ອົງການໄອຍະການປະຊາຊົນ ແຂວງຊຽງຂວາງ, ທຽ່ວຊົມສະຖານທີ່ທ່ອງທຽ່ວຈໍານວນໜຶ່ງໃນນະຄອນຫຼວງວຽງຈັນ ແລະ ແຂວງຊຽງຂວາງດ້ວຍຄວາມເບີກບານມ່ວນຊື່ນ.
 
ການມາຢຽ້ມຢາມ ແລະ ເຮັດວຽກຂອງ ຄະນະຜູ່ແທນຂັ້ນສູງອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ໃນຄັ້ງນີ້ ໄດ້ຮັບຜົນສໍາເລັດຢ່າງຈົບງາມ ຊຶ່ງປະກອບສ່ວນສໍາຄັນເຂົ້າໃນການປັບປຸງ ແລະ ເສີມຂະຫຍາຍ ສາຍພົວພັນມິດຕະພາບ ທີ່ມີມູນ
ເຊື້ອ, ຄວາມສາມັກຄີ ແລະ ການຮ່ວມມືຮອບດ້ານທີ່ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-
ລາວ ໄດ້ເພີມພູນຄູນສ້າງມາແລ້ວນັ້ນໃຫ້ນັບມື້ນັບເລິກເຊິ່ງ ແລະ ປະສົບຜົນສໍາເລັດຫຼາຍຂື້ນຢ່າງບໍ່ຢຸດຢັ້ງ.

2014-09-26

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ