ທ່ານ ຄໍາສານ ສຸວົງ ລົງຊີ້ນໍາວຽກງານ 3 ສ້າງ ຢູ່ອົງການໄອຍະການປະຊາຊົນ ເຂດ III ແລະ ເຂດ IV ນະຄອນຫຼວງວຽງຈັນ

ຕອນເຊົ້າວັນທີ 28 ຕຸລາ 2014 ນີ້, ທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານ 3 ສ້າງຢູ່ອົງການໄອຍະການປະຊາຊົນ ເຂດ 3 ທີ່ຕັ້ງຢູ່ ເມືອງ ສີສັດ<ຕະນາກ ນະຄອນຫຼວງວຽງຈັນ ມີຜູ້ເຂົ້າຮ່ວມທັງໝົດ 40 ກວ່າທ່ານ.

ຕອນເຊົ້າວັນທີ 28 ຕຸລາ 2014 ນີ້, ທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ພ້ອມ ດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານ 3 ສ້າງຢູ່ອົງການໄອຍະການປະຊາຊົນ ເຂດ 3 ທີ່ຕັ້ງຢູ່ ເມືອງ ສີສັດຕະນາກ ນະຄອນຫຼວງ ວຽງຈັນ ມີຜູ້ເຂົ້າຮ່ວມທັງໝົດ 40 ກວ່າທ່ານ.ຊຶ່ງທ່ານ ນາງ ອໍາໄພ ນ້ອຍວົງ ຫົວໜ້າອົງການໄອຍະການປະຊາຊົນ ເຂດ 3 ໄດ້ຂຶ້ນລາຍງານຜ່ານບົດສະຫຼຸບ ຕີລາຄາຄືນ ກ່ຽວກັບການຈັດຕັ້ງປະຕິບັດ ການເຮັດທົດລອງວຽກງານ 3 ສ້າງຢູ່ເຂດດັ່ງກ່າວ ນັບແຕ່ເດືອນ 6 ປີ 2014 ເປັນຕົ້ນມາ, ໄດ້ມີການກໍານົດແຜນການ ແບ່ງຄວາມຮັບຜິດຊອບ ແລະ ນໍາພາຊຸກຍູ້ການຈັດຕັ້ງປະຕິບັດຕາມພາລະບົດບາດ ເພື່ອເຮັດທົດລອງວຽກງານ 3 ສ້າງຊຶ່ງໄດ້ກໍານົດກິດຈະກໍາຕົວຈິງ ຢູ່ອົງການໄອຍະການປະຊາຊົນ ເຂດ 3 ສ້າງເປັນບົດຮຽນເພື່ອຜັນຂະຫຍາຍໄປສູ່ອົງການໄອຍະການປະຊາຊົນເຂດ ໃນເຂບເຂດທົ່ວປະເທດ. ໄດ້ປະສານສົມທົບກັບ ອົງການປົກຄອງຂັ້ນເມືອງ, ຂັ້ນບ້ານ, ອົງການປົກປ້ອງກົດໝາຍ, ຫ້ອງການຍຸຕິທໍາ, ໜ່ວຍງານປະຕິບັດຄໍາຕັດ ສິນຂອງສານເມືອງ ແລະ ໄດ້ລົງເຄືອນໄຫວເຮັດວຽກຮ່ວມກັບ ບ້ານທົດລອງ 3 ສ້າງຢູ 2 ເມືອງຄື: ສີສັດຕະນາກ ແລະ ຈັນທະບູລີ. ຈາກ ນັ້ນໜ່ວຍງານດັ່ງກ່າວໄດ້ເຄື່ອນໄຫວວຽກງານຕົວຈິງ ໂດຍປະສານສົມທົບກັບພາກສ່ວນກ່ຽວຂ້ອງ ໃນການບໍລິຫານຄະດີຢູ່ຂັ້ນຕົ້ນ ໂດຍສະ ເພາະແມ່ນການຕິດ ຕາມກວດກາສໍານວນຄະດີ, ຮັບເຂົ້າ - ສົ່ງອອກ, ການຄຸ້ມຄອງ ແລະ ຈໍລະຈອນ ເອກະສານ ຄະດີ, ບົດລາຍງານ ຂໍຄໍາ ສັ່ງຕ່າງໆຂອງອົງການສືບສວນ - ສອບສວນ, ບົດລາຍງານກ່ຽວກັບຄະດີແພ່ງ - ອາຍາ, ຄໍາຮ້ອງຟ້ອງຂໍຄວາມເປັນທໍາ ແລະ ອື່ນໆ.ຈາກນັ້ນທ່ານ ຄໍາສານ ສຸວົງ ພ້ອມດ້ວຍຄະນະ ໄດ້ສືບຕໍ່ເຄື່ອນໄຫວເຮັດວຽກ ຢູ່ອົງການໄອຍະການປະຊາຊົນ ເຂດ 4 ທີ່ຕັ້ງຢູ່ເມືອງ ຫາດ ຊາຍຟອງ ແລະ ໄດ້ຮັບຟັງການລາຍງານສະພາບການເຄື່ອນໄຫວປະຕິບັດໜ້າທີ່ວຽກງານຕາມພາລະບົດບາດ ໂດຍສັງເຂບ ຈາກທ່ານລັດຕະນະພອນໄຊ ວົງຄໍາຊາວ ຫົວໜ້າອົງການໄອຍະການປະຊາຊົນ ເຂດ 4, ອົງການດັ່ງກ່າວ ເປັນອົງການທີ່ໄດ້ຮັບການສ້າງຕັ້ງໃໝ່ ຮັບຜິດຊອບ 2 ເມືອງຄື: ເມືອງຫາດຊາຍຟອງ ແລະ ເມືອງໄຊເຊດຖາ ຊຶ່ງມີການປະສານສົມທົບວຽກງານ ກັບອົງການສືບສວນ - ສອບສວນຂອງເຈົ້າໜ້າທີ່ຕໍາຫຼວດ ທັງ 2 ເມືອງ, ເພື່ອເຮັດໜ້າທີ່ ຄົ້ນຄວ້າ, ຖະແຫຼງສັ່ງຟ້ອງ ຂຶ້ນສານຕາມກົດໝາຍ ຊຶ່ງຜ່ານມາແມ່ນຖືເອົາການສຶກສາອົບຮົມການເມືອງ - ນໍາພາແນວຄິດໃຫ້ພະນັກງານພາຍໃນເປັນກົກ ແລະ ເປັນປົກກະຕິ.ໂອກາດດັ່ງກ່າວທ່ານຫົວໜ້າອົງການໄອຍະການປະຊາຊົນສູງສຸດ ກໍ່ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ການປະຕິບັດໜ້າທີ່ວິຊາສະເພາະໄລຍະຜ່ານມາ ຂອງອົງການໄອຍະການປະຊາຊົນ ທັງ 2 ເຂດ ແລະ ໃຫ້ທິດຊີ້ນໍາ ໃນການສືບຕໍ່ຈັດຕັ້ງຜັນຂະຫຍາຍແນວທາງຂອງພັກ, ນະໂນບາຍ ແລະ ກົດໝາຍຂອງລັດ ຕາມທິດນໍາ 3 ສ້າງ ແລະ ຍົກສູງຂີດຄວາມສາມາດຂອງພະນັກງານ ຢູ່ຂັ້ນເຂດໃຫ້ສູງຂຶ້ນ ທາງດ້ານຈໍານວນ ແລະ ຄຸນນະພາບ, ຕາມຂໍ້ແຂ່ງຂັນຮັກຊາດ ແລະ ພັດທະນາ ດ້ວຍຄໍາຂັວນ 3 ມີ 4 ຮັບປະກັນ ຂອງອົງການໄອຍະການປະ ຊາຊົນວາງອອກໃຫ້ປະກົດຜົນເປັນຈິງ

2014-10-31

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ