ພິທີສະເຫຼີມສະຫຼອງວັນສ້າງຕັ້ງ ອົງການໄອຍະການປະຊາຊົນ ຄົບຮອບ 25 ປີ

ພິທີສະເຫຼີມສະຫຼອງວັນສ້າງຕັ້ງ ອົງການໄອຍະການປະຊາຊົນ ຄົບຮອບ 25 ປີ (09/01/1990-09/01/2015) ໄດ້ຈັດຂື້ນໃນວັນທີ 08 ມັງກອນ 2015 ເປັນກຽດເຂົ້າຮ່ວມໂດຍທ່ານ ບຸນປອນ ບຸດຕະນະວົງ ກໍາມະ ການກົມການເມືອງ ສູນກາງພັກ ເລຂາທິການສູນກາງພັກ ຮອງນາຍຍົກລັດຖະມົນຕີ, ມີບັນດາແຂກຖືກເຊີນ ພ້ອມ ດ້ວຍພະນັກງານອົງການໄອຍະການປະຊາຊົນ ທົ່ວປະເທດເຂົ້າຮ່ວມ.

ພິທີສະເຫຼີມສະຫຼອງວັນສ້າງຕັ້ງ ອົງການໄອຍະການປະຊາຊົນ ຄົບຮອບ 25 ປີ (09/01/1990-09/01/2015) ໄດ້ຈັດຂື້ນໃນວັນທີ 08 ມັງກອນ 2015 ເປັນກຽດເຂົ້າຮ່ວມໂດຍທ່ານ ບຸນປອນ ບຸດຕະນະວົງ ກໍາມະ ການກົມການເມືອງ ສູນກາງພັກ ເລຂາທິການສູນກາງພັກ ຮອງນາຍຍົກລັດຖະມົນຕີ, ມີບັນດາແຂກຖືກເຊີນ ພ້ອມ ດ້ວຍພະນັກງານອົງ ການໄອຍະການປະຊາຊົນ ທົ່ວປະເທດເຂົ້າຮ່ວມ.ທ່ານ ຄໍາສານ ສຸວົງ ຫົວໜ້າອົງການໄອຍະການປະຊາຊົນສູງສຸດກ່ວາວ່າ: ພາຍຫຼັງປະເທດຊາດໄດ້ຮັບການປົດປ່ອຍ ແລະ ສ້າງຕັ້ງ ລະບອບສາທາລະນະລັດ ປະຊາຊົນຂື້ນ ໃນວັນທີ 2 ທັນວາ 1975 ໄດ້ຫັນການຄຸ້ມຄອງລັດ, ຄຸ້ມຄອງສັງຄົມດ້ວຍມະ ຕິຄໍາສັ່ງຊຶ່ງ ເບື້ອງຕົ້ນຖືເອົາຄໍາສັ່ງ ສະບັເລກທີ53/ນຍ ລົງວັນທີ 15 ຕຸລາ 1976 ກ່ຽວກັບການຈັບຕົວ, ການສຶບບສວນ-ສອບສວນ ແລະ ການ ຕັດສິນຄະດີຜູ່ກະທໍາຜິດເປັນບ່ອນອິງໃນການເຄື່ອນໄຫວຂອງອົງການຕຸລາການ, ໃນໄລຍະດຽວກັນວຽກງານໄອຍະການໄດ້ຮັບການ ສ້າງຕັ້ງເປັນກົມໄອຍະການປະຊາຊົນ ສັງກັດຢູ່ກະຊວງຍຸຕິທໍາ ຢູ່ແຂວງ-ກໍາແພງນະຄອນ ເປັນຂະແໜງ ໜຶ່ງຂື້ນກັບພະແນກຍຸຕິທໍາ; ມາຮອດປີ 1983-1990 ວຽກງານໄອຍະການຂື້ນກັບການຄຸ້ມຄອງຊົ່ວຄາວຂອງສານປະຊາຊົນສູງສຸດ ໃນໄລຍະນີ້ເອີ້ນວ່າ: ໄອຍະການ ຫຼື ສານໄອຍະການ; ຫຼັງຈາກນັ້ນ, ມາຮອດກອງປະຊຸມສະໄໝສາມັນຂອງສະພາປະຊາຊົນສູງສຸດ ຊຸດທີ II ໃນວັນທີ 2 ພະຈິກ 1989 ໄດ້ຮັບຮອງເອົາກົດໝາຍວ່າດ້ວຍອົງການໄອຍະການປະຊາຊົນແຫ່ງ ສປປ ລາວ ສະບັບທໍາອິດ ແລະ ປະກາດໃຊ້ ໂດຍລັດຖະດໍາລັດຂອງປະທານປະເທດ ສະບັບເລກທີ 05/ປທປທ, ລົງວັນທີ 09 ມັງກອນ 1990.ຕະຫຼອດໄລຍະ 25 ປີ ນັລ ແຕ່ວັນທີ 09 ມັງກອນ 1990 ເປັນຕົ້ນມາອົງການໄອຍະການປະຊາຊົນໄດ້ຜ່ານຂະບວນວິວັດແຫ່ງການທົດສອບຫຼາຍປະການ ໂດຍເອົາໃຈໃສ່ຍົກສູງຄຸນນະພາບການຄົ້ນຄວ້າ ແລະ ພິຈາລະນາຄະດີເປັນໜ້າທີສໍາຄັນຕົ້ນຕໍ ໂດຍເຄົາລົບຫຼັກການຮອບດ້ານ, ຄົບຖ້ວນ, ພາວະວິໄສ ແລະ ຍຶດໝັ້ນ 4 ຮັບປະກັນຄື: ຮັບປະກັນຄວາມຖືກຕ້ອງ, ຍຸຕິທໍາ, ໂປງໃສ ແລະ ທັນຕາມກໍານົດເວລາ; ຜ່ານມາ, ຄະອາຍາຂັ້ນຕົ້ນໃນທົ່ວປະເທດ ໃນສົກປີ 2013-2014 ລວມມີ 6.325 ເລື່ອງ, ແກ້ໄຂໄດ້ 5.972 ເລື່ອງ; ຄະດີອາຍາຂັ້ນອຸທອນທົ່ວປະເທດມີ 380 ເລື່ອງ, ແກ້ໄຂໄດ້ 378 ເລື່ອງ; ຄະດີອາຍາຂັ້ນລົບລ້າງໃນທົ່ວປະເທດມີ 212 ເລື່ອງ; ຄະດີແພ່ງຂັ້ນລົບລ້າງມີ 306 ເລື່ອງ, ແກ້ໄຂໄດ້ 299 ເລື່ອງ, ຄະດີແພ່ງຂັ້ນຮື້ຟື້ນມີ 115 ເລື່ອງ, ແກ້ໄຂໄດ້ 38 ເລື່ອງ.

2015-01-12

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ