ກອງປະຊຸມວຽກງານໄອຍະການທົ່ວປະເທດປະຈໍາປີ 2013-2014 ໄຂຂື້ນຢ່າງເປັນທາງການ

ກອງປະຊຸມວຽກງານໄອຍະການທົ່ວປະເທດ ປະຈໍາສົກປີ 2013-2014 ໄຂຂື້ນຢ່າງເປັນທາງການ ລະຫວ່າງ ວັນທີ 6-7 ມັງກອນ 2015 ມານີ້, ພາຍໃຕ້ການເປັນປະທານ ຂອງທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງ ການໄອຍະການປະຊາຊົນສູງສຸດ, ໂດຍໃຫ້ກຽດເຂົ້າຮ່ວມຂອງທ່ານ ນາງ ປານີ ຢາທໍ່ຕູ້ ກໍາມະການນົມການເມືອງສູກກາງພັກ, ປະທານສະພາແຫ່ງຊາດ, ມີການນໍາກະຊວງ -ອົງການອ້ອມຂ້າງຂັ້ນສູນກາງ, ອົງການໄອຍະການປະຊາຊົນພາກ, ແຂວງ-ນະຄອນຫຼວງ ແລະ ບັນດາກົມ ອ້ອມຂ້າງອົງ ການໄອຍະການປະຊາຊົນສູງສຸດ ເຂົ້າຮ່ວມຢ່າງຫຼວງຫຼາຍ.

ກອງປະຊຸມວຽກງານໄອຍະການທົ່ວປະເທດ ປະຈໍາສົກປີ 2013-2014 ໄຂຂື້ນຢ່າງເປັນທາງການ ລະຫວ່າງ ວັນທີ 6-7 ມັງກອນ 2015 ມານີ້, ພາຍໃຕ້ການເປັນປະທານ ຂອງທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ, ໂດຍໃຫ້ ກຽດເຂົ້າຮ່ວມຂອງທ່ານ ນາງ ປານີ ຢ່າທໍ່ຕູ້ ກໍາມະການນົມການເມືອງສູກກາງພັກ, ປະທານສະພາແຫ່ງຊາດ, ມີການນໍາກະຊວງ - ອົງການອ້ອມ ຂ້າງຂັ້ນສູນກາງ, ອົງການໄອຍະການປະຊາຊົນພາກ, ແຂວງ-ນະຄອນຫຼວງ ແລະ ບັນດາກົມ ອ້ອມຂ້າງ ອົງການໄອຍະການປະຊາຊົນສູງສຸດ ເຂົ້າ ຮ່ວມຢ່າງຫຼວງຫຼາຍວົງ ຫົວໜ້າອົງການໄອຍະການປະຊາຊົນສູງສຸດ ກໍ່ໄດ້ຂື້ນກ່ວາຕໍ່ກອງປະຊຸມຄັ້ງນີ້ວ່າ: ກອງປະຊຸມວຽກງານໄອຍະການປະຊາຊົນທົ່ວປະເທດປະຈໍາສົກປີ ຄັ້ງນີ້ ມີຄວາສໍາຄັນ, ຊື່ງກ້າວເຂົ້າສູ່ປີມ້ວນທ້າຍແຫ່ງການຈັດຕັ້ງຜັນຂະຫຍາຍກອງປະຊຸມໃຫ່ຍ ຄັ້ງທີ IX ຂອງ ພັກ, ແຜນພັດທະນາເສດຖະກິດ-ສັງຄົມ 5 ປີຄັ້ງທີ VII ແລະ ປີທີ 3 ແຫ່ງການຈັດຕັ້ງປະຕິບັດມະຕິກອງປະຊຸມໃຫ່ຍ ຄັ້ງທີ III ຂອງອົງຄະນະພັກອົງການໄອຍະການປະຊາຊົນສູງສຸດ ກໍ່ຄືສືບຕໍ່ຈັດຕັ້ງຜັນຂະຫຍາຍມະຕິ 3 ຂອງກົມການເມືອງ ສູນກາງພັກ. ໃນໜື່ງປີ ຜ່ານມາດ້ວຍຄວາມບຸກບືນຜ່ານຜ່າ ແລະ ຄວາມເອົາໃຈໃສ່ສູ້ຊົນ ຂອງອົງການໄອຍະການປະຊາຊົນຂັ້ນຕ່າງໆ ແຕ່ສູນກາງລົງ ຮອດທ້ອງ ຖິ່ນ, ສາມາດຍາດໄດ້ຜົນງານຫຼາຍປະການທີ່ສໍາຄັນ ປະກອບສ່ວນເຮັດໃຫ້ປະເທດຊາດ ສືບຕໍ່ມີສະຖຽນລະພາບ ທາງດ້ານການເມືອງ ຢ່າງ ໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ ໂດຍພື້ນຖານ, ເສດຖະກິດ-ສັງຄົມ ໄດ້ ຮັບການພັດທະນາຢ່າງຖືກທິດ ແລະ ຂະຫຍາຍຕົວຢ່າງຕໍ່ເນື່ອງໄປພ້ອມກັນນັ້ນ ຄວາມສັກສິດແຫ່ງການຄຸ້ມຄອງລັດ-ຄຸ້ມຄອງເສດຖະ ກິດ-ສັງຄົມ ດ້ວຍກົດໝາຍ ໄດ້ຮັບ ການຍົກສູງຂື້ນ, ປະກົດການຫຍໍ້ທໍ້ໃນສັງຄົມ ກໍ່ຄືການສະເມີດລະບຽບ, ກົດໝາຍໄດ້ຮັບການ ແກ້ ໄຂດ້ວຍກົດໝາຍ ແລະ ມາດຕະການ ຕ່າງໆຢ່າງເປັນເຈົ້າການ. ຈາກນັ້ນກອງປະຊຸມຍັງໄດ້ຮັບຟັງບົດສະຫຼຸບການ ເຄື່ອນໄຫວຮອບດ້ານ ປະຈໍາສົກປີ 2013-2014 ແລະ ທິດທາງ ແຜນການເຄື່ອນໄຫວ ວຽກງານປະຈໍາສົກປີ 2014-2015 ຈາກທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນ ສູງສຸດ ແລະ ການປະກອບຄໍາເຫັນກ່ຽວກັບການ ຕິດຕາມກວດກາການປະຕິບັດກົດ ໝາຍຂອງອົງການສືບສວນ-ສອບສວນ ແລະ ການສັ່ງ ຟ້ອງ ຈາກຄະນະປົກປ້ອງກົດໝາຍຂັ້ນແຂວງ ແລະ ນະຄອນຫຼວງ. ກອງປະຊຸມ ຍັງໄດ້ຮັບຟັງການໂອ້ລົມຂອງທ່ານ ນາງ ປານີ ຢ່າທໍ່ຕູ ປະ ທານສະພາແຫ່ງຊາດ ຊື່ງບາງຄໍາເຫັນທີສໍາຄັນທ່ານໄດ້ກ່າວວ່າ: ພະນັກງານປົກປ້ອງກົດໝາຍ, ປົກປ້ອງຄວາມຍຸຕິທໍາກໍ່ຄືພະນັກງານໄອຍະ ການແຕ່ລະຄົນຕ້ອງເອົາໃຈໃສ່ຝຶກຝົນຫຼໍ່ຫຼອມຕົນເອງໃຫ້ມີລະດັບ
ຄວາມຮູ້ ທີ່ແນ່ນອນເພື່ອຮັບປະກັນຜົນສໍາເລັດ ໃນການປະຕິບັດໜ້າທີ່ ວຽກງານທີ່ໄດ້ຮັບມອບໝາຍໃນແຕ່ລະໄລຍະ, ລະດັບຄວາມ ຮູ້ແມ່ນ ຄວາມຮຽກຮ້ອງຕ້ອງການອັນຈໍາເປັນພາວະວິໄສຂອງພວກເຮົາໂດຍ ສະເພາະພະນັກງານປົກປ້ອງກົດໝາຍ, ປົກປ້ອງຄວາມ ຍຸຕິທໍານັ້ນ ຍິ່ງມີຄວາມຈໍາເປັນໃຫ້ມີຄວາມຮູ້ໃນ 2 ດ້ານຄື: ດ້ານທັດສະນະແນວ ຄິດ-ທິດສະດີ ແລະ ວິຊາສະເພາະ, ວິຊາການທາງ ດ້ານກົດໝາຍ ໃນລະດັບທີ່ແນ່ນອນທີ່ສຸດ.ກອງປະຊຸມຍັງໄດ້ມອບຫຼຽນກາລະນຶກ 25 ປີ ຂອງອົງການໄອຍະການປະຊາຊົນ ໃຫ້ອາດີດການນໍາອົງການໄອຍະການປະຊາຊົນສູງສຸດ ແລະ ພະນັກງານບໍານານ, ມອບໃບຍ້ອງຍໍໃຫ້ກົມກອງ ແລະ ບຸກຄົນດີເດັ່ນໃນການປະຕິບັດຂໍ້ແຂ່ງຂັນຮັກຊາດ ແລະ ພັດທະນາດ້ວຍຄໍາ ຂັວນ 3 ມີ 4 ຮັບປະກັນ ອີກດ້ວຍ.

 

2015-01-12

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ