ອົງການໄອຍະການປະຊາຊົນສູງສຸດແຫ່ງ ສປປ ລາວ ແລະ ອົງການໄອຍະການສູງສຸດ ປະຈໍາສານສູງສຸດແຫ່ງ ຣາຊະອານາຈັກກໍາປູເຈຍ ເພີມທະວີການຮ່ວມມືນໍາກັນ

ໂດຍຕອບສະໜອງຕາມຄໍາເຊີນຂອງທ່ານ ຄໍາສານ ສຸວົງ,ຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ. ຄະນະຜູ່ແທນຂັ້ນສູງ ແຫ່ງ ຣາຊະອານາຈັກກໍາປູເຈຍ ນໍາໂດຍທ່ານ ນາງ ເຈຍ ລຽງ, ຫົວໜ້າອົງການໄອຍະການສູງສຸດ ປະຈໍາສານສູງສຸດ ແຫ່ງຣາຊະອານາຈັກກໍາປູເຈຍ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ເຮັັດວຽກຢູ່ ສປປ ລາວ ເປັນເວລາ 5 ວັນ ນັບແຕ່ວັນທີ 09-13 ກຸມພາ 2015.

ໂດຍຕອບສະໜອງຕາມຄໍາເຊີນຂອງ ທ່ານ ຄໍາສານ ສຸວົງຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ. ຄະນະຜູ່ແທນຂັ້ນສູງ ແຫ່ງ ຣາຊະອານາຈັກກໍາປູເຈຍ ນໍາໂດຍທ່ານ ນາງ ເຈຍ ລຽງ, ຫົວໜ້າອົງການໄອຍະການສູງສຸດ ປະຈໍາສານສູງສຸດ ແຫ່ງ ຣາ ຊະອານາຈັກກໍາປູເຈຍ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ເຮັັດວຽກຢູ່ ສປປ ລາວ ເປັນເວລາ 5 ວັນ ນັບແຕ່ວັນທີ 09-13ກຸມພາ 2015.ໄລຍະການຢ້ຽມຢາມ ແລະ ເຮັດວຽກຢູ່ລາວ ຄັ້ງນີ້, ຄະນະຜູ່ແທນຂັ້ນສູງດັ່ງຈະໄດ້ເຂົ້າພົບປະ ແລກປ່ຽນບົຮຽນ ກັບອົງການໄອຍະການ ປະຊາຊົນສູງສຸດ ແຫ່ງ ສປປ ລາວ. ຊຶ່ງຝ່າຍລາວນໍາໂດຍທ່ານ ຄໍາສານ ສຸວົງ ຫົວໜ້າອົງການໄອຍະການປະຊາຊົນສູງສຸດ ແລະ ຝ່າຍ ກໍາປູເຈຍ ນໍາໂດຍທ່ານ ນາງ ເຈຍ ລຽງ ຫົວໜ້າອົງການໄອຍະການສູງສຸດ ປະຈໍາສານສູງ. ການພົບປະ ແລະ ຮ່ວມລົງນາມບົດບັນທຶກ ຄວາມ ເຂົ້າໃຈຄັ້ງນີ້ສອງຝ່າຍໄດ້ຕົກລົງເປັນເອກະພາບກັນຢູ່ 4 ບັນຫາໃຫ່ຍຄື: ບັນຫາທີ 1 ກ່ຽວກັບການ ແລກປ່ຽນຄະນະຜູ່ແທນ, 2 ກ່ຽວກັບ ກອງປະຊຸມອົງການໄອຍະການບັນດາແຂວງຊາຍແດນ ລາວ-ກໍາປູເຈຍ, 3 ການແລກປ່ຽນ ຂໍ້ມູນຂ່າວສານທາງດ້ານກົດໝາຍ ແລະ ການ ຮ່ວມມືຍຸຕິທໍາກັບຕ່າງປະເທດ, 4 ການຮ່ວມມືລະຫວ່າງອົງການໄອຍະການປະຊາ ຊົນບັນດາແຂວງທີ່ມີຊາຍແດນຕິດຈອດກັນ ເພື່ອແນ ໃສ່ການເພີ່ມທະວີການຮ່ວມມືຂອງອົງການໄອຍະການທີ່ມີຊາຍແດນຕິດຈອດກັນ ຂອງສອງປະເທດໂດຍ ສະເພາະໃນການຮ່ວມມືຊ່ວຍ ເຫຼືອດ້ານຍຸຕິທໍາ ຊຶ່ງແມ່ນວຽກງານໜຶ່ງທີ່ສໍາຄັນ ໃນການຕ້ານອາຊະຍາກໍາ ຂ້າມຊາດ.ສປປ ລາວ ແລະ ຣາຊະອານາຈັກ ກໍາປູເຈຍ ແມ່ນສອງປະເທດທີ່ມີຊາຍແດນຕິດຈອດກັນ, ເປັນປະເທດບ້ານໃກ້ເຮືອນຄຽງ, ປະຊາຊົນສອງປະເທດ ເຄີຍມີມູນເຊື້ອໃນການໄປມາຫາສູ່ ມີຄວາມຮັກແພງ, ເຊື່ອໝັ້ນເຊິ່ງກັນ ແລະ ກັນດ້ວຍວັດທະນາທໍາ ແລະ ຮີດຄອງປະເພນີ ຄ້າຍຄືກັນ ຊື່ງແມ່ນແມ່ນໍ້າຂອງເປັນສັນຍາລັກແຫ່ງມິດຕະພາບ ແລະ ສັນຕິພາບຢ່າງສະຫງົບສຸກມາແຕ່ດົນນານ. ມາໄລຍະປົກປັກຮັກສາ ແລະ ພັດທະນາສ້າງສາປະເທດຊາດນີ້, ສອງປະເທດໄດ້ສືບຕໍ່ເສີມຂະຫຍາຍສາຍພົວພັນຮ່ວມມື ທີ່ມີມາແຕ່ດົນນານນັ້ນ ໃຫ້ນັບມື້ຫັດແໜ້ນ ຢ່າງບໍ່ຢຸດຢັ້ງ. ດັ່ງນັ້ນ, ການເສີມຂະຫຍາຍມູນເຊື້ອ ການພົວພັນຮ່ວມມືຂອງສອງປະເທດ ລາວ-ກໍາປູເຈຍ ແລະ ກໍາປູເຈຍ-ລາວ ເວົ້າ
ລວມສອງອົງການໄອຍະການໃນໄລຍະໃໝ່ ຈຶ່ງເປັນຄວາມຮຽກຮ້ອງຕ້ອງການ ກໍຄືຄວາມມຸ້ງຫວັງຂອງ ອົງການໄອຍະການສອງປະເທດຂະນະດຽວກັນ ຄະນະຜູ່ແທນຂັ້ນສູງອົງການໄອຍະການສູງສຸດ ປະຈໍາສານສູງສຸດ ແຫ່ງ ຣາຊະອານາຈັກກໍາປູເຈຍ ກໍ່ໄດ້ເຂົ້າຢ້ຽມຂໍ່ານັບພະນະທ່ານ ທອງສິງ ທໍາມະວົງ ນາຍົກລັດຖະມົນຕີ ແຫ່ງ ສປປລາວ, ເຂົ້າຢຽມພົບປະ ທ່ານປະທານສານປະຊາຊົນສູງສຸດ ແລະ ທ່ຽວຊົມ
ຫໍພິພິຕະພັນ ປະທານໄກສອນ ພົມວິຫານ, ອານຸສາວະລີ, ເຈົ້າຟ້າງຸ່ມ, ວັດສີສະເກດ, ຫໍພະແກ້ວ ແລະ ພື້ນຖານການຜະລິດຈໍານວນໜື່ງ.ຈາກນັ້ນ ຄະນະຜູ່ແທນກໍ່ໄດ້ເດີນທາງໄປຢ້ຽມຢາມ ແຂວງຫຼວງພະບາງ ທີ່ເປັນເມືອງມໍລະດົກໂລກຂອງລາວ ໂອກາດດັ່ງກ່າວ ຄະນະກໍ່ຈະເຂົ້າຢ້ຽມຂໍ່ານັບທ່ານ ເຈົ້າແຂວງຫຼວງພະບາງ, ຢ້ຽມຢາມ ແລະ ເຮັດວຽກຮ່ວມກັບ ອົງການໄອຍະການປະຊາຊົນ ແຂວງຫຼວງພະບາງ, ທ່ຽວຊົມທິວທັດທໍາມະຊາດ ແລະ ປູສະນິຍະຖານພາຍໃນຕົວເມືອງຫຼວງພະບາງ.

2015-02-16

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ