ອົງການໄອຍະການປະຊາຊົນສູງສຸດ ເຊື່ອມຊືມເອກະສານ ແລະ ປ່ອນບັດຄັດເລືອກເອົາບຸກຄະລາກອນ ເປັນຄະນະພັກຊຸດໃໝ່ຮອບທີ I

ເພື່ອ​ກະກຽມ​ໃຫ້​ແກ່​ການ​ເປີດ​ກອງ​ປະຊຸມ​ໃຫຍ່ ຄັ້ງທີ IV ຂອງ​ອົງຄະ​ນະ​ພັກ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ທີ່​ຈະ​ໄຂ​ຂຶ້ນ​ໃນ​ມໍ່ໆນີ້. ​ໃນ​ຕອນ​ເຊົ້າ​ຂອງ​ ວັນ​ທີ 17 ກຸມພາ 2015 ຜ່ານ​ມາທີ່​ສຳນັກງານ​ອົງການ​ໄອ​ຍະ​ການ​ປະຊາຊົນ​ສູງ​ສຸດຈະ​ໄດ້​ຈັດ​ກອງ​ປະຊຸມ​ເຊື່ອມ​ຊືມ​ເອກະ ສານ​ກ່ຽວ​ກັບ​ການ​ກະກຽມ​ດຳ​ເນີນ​ກອງ​ປະຊຸມ​ໃຫຍ່ ຂອງ ​ອົງຄະ​ນະ​ພັກ, ອົງການ​ໄອ​ຍະ​ການ​ປະຊາຊົນ​ສູງ​ສຸ​ດ, ພ້ອມ​ກັນ​ນັ້ນ​ກໍ​ໄດ້​ປ່ອນ​ບັດ​ຄັດ​ເລືອກ​ເອົາ​ເປົ້າໝາຍທີ່​ຈະ​ເຂົ້າ​ເປັນ​ຄະນະ​ພັກ​ຊຸດ​ໃໝ່ ຮອບ​ທີ 1 ຂຶ້ນ​ຢ່າງ​ເປັນ​ທາງ​ການ​ໂດຍ​ການ​ເປັນ​ປະທານ​ຂອງ ສະຫາຍ ຄຳ​ສານ ສຸ​ວົງ ກຳມະການ​ສູນ​ກາງ​ພັກ, ​ເລຂາ​ຄະນະ​ບໍລິຫານ​ພັກ, ຫົວໜ້າອົງການ​ໄອ​ຍະ​ການ​ປະຊາຊົນ​ສູງ​ສຸດ, ມີສະຫາຍ ນາງ ຈັນທອນ ​ໄຊ​ຍະ​ສິງ ຫົວໜ້າກົມ​ຈັດ​ຕັ້ງ-ພະນັກງານ ຄະນະ​ຈັດ​ຕັ້ງ​ສູນ​ກາງ​ພັກ, ມີ​ບັນດາ​ຄະນະ​ພັກ-ຄະນະ​ນຳ ​ແລະ ສະມາຊິກພັກ​ສົມບູນຂອງ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ​ແລະ ອົງການ​ໄອ​ຍະ​ການ​ປະຊາຊົນ​ພາກ​ກາງ ​ເຂົ້າ​ຮ່ວມ​ທັງໝົດ 100 ກວ່າ ສະຫາຍ.

ໃນ​ກອງ​ປະຊຸມ ສະຫາຍ ຄຳ​ສານ ສຸ​ວົງ ​ໄດ້​ເປັນ​ກຽດ​ໃນ​ການ​ເຜີຍ​ແຜ່​ບັນດາ​ເອກະສານ​ທີ່​ສຳຄັນ​ທີ່​ກ່ຽວຂ້ອງ​ກັບ​ການ​ກະກຽມໃຫ້​ແກ່​ການ​ດຳ​ເນີນ​ກອງ​ປະຊຸມ​ໃຫຍ່ຂັ້ນ​ຂອງ​ຕົນ​ ຊຶ່ງ​ປະກອບ​ມີ: ບົດ​ແນະນຳ​ ເລກທີ 321/ຄກສພ ກ່ຽວກັບ​ການ​ດຳ​ເນີນ​ຊີວິດ​ການ​ເມືອງ​ພາບ​ໃນ​ພັກ, ​ເອກະສານ​ບົດ​ແນະນຳ​ ສະບັບ ​ເລກທີ 154/ຄຈສພ ວ່າ​ດ້ວຍ​ການຈັດ​ຕັ້ງ​ປະຕິບັດຄຳ​ສັ່ງ​ ເລກທີ 07/ຄລສພ, ລົງ​ວັນ​ທີ 15 ກຸມພາ 2013 ກ່ຽວກັບການ​ກະກຽມ​ກອງ​ປະຊຸມ​ໃຫຍ່​ອົງຄະ​ນະ​ພັກ​ກະຊວງ, ອົງ​ການ ​ແລະ ທ້ອງ​ຖິ່ນທົ່ວ​ປະ​ເທດ ​ແລະ ​ເອກະສານ ​ເລກ ທີ 01/ຄລສພ, ລົງ​ວັນ​ທີ15 ມັງກອນ 2015 ກ່ຽວ​ກັບ​ການ​ປົວ​ແປງ​ພາຍ​ໃນ​ພັກ. ພ້ອມ​ນັ້ນ​ຜູ້​ເຂົ້າ​ຮ່ວມ​ຍັງ​ໄດ້​ຮັບ​ຟັງ​ບັນດາ​ມາດຖານ​ເງື່ອນ​ໄຂ​ຂອງ​ສະມາ​ຊິກ​ພັກ​ ທີ່​ຈະ​ລົງ​ສະມັກ​ເລືອກ​ຕັ້ງ​ເປັນ​ຄະນະ​ພັກ​ຊຸດ​ໃໝ່ ຈາກ ສະຫາຍ ​ໄຊຊະນະ ​ໂຄດ​ພູທອນ ຮອງ​ເລຂາ​ຄະນະ​ພັກ, ຮອງ​ຫົວໜ້າອົງການ​ໄອ​ຍະ​ການ​ປະຊາຊົນ​ສູງ​ສຸດ. ນະ​ໂອກາດ​ນີ້, ສະຫາຍເລຂາ​ຄະນະ​ບໍລິຫານ​ພັກ, ຫົວໜ້າອົງການ​ໄອ​ຍະ​ການ​ປະຊາຊົນ​ສູງ​ສຸດຍັງ​ໄດ້​ເນັ້ນໜັກ​ໃຫ້​ບັນດາ​ສະຫາຍ​ສະມາຊິກ​ພັກ​ສົມບູນ​ເຊີດ​ຊູ​ຄວາມ​ຮັບຜິດຊອບ​ສູງ​ຕໍ່​ການ​ປ່ອນ​ບັດ​ເອົາ​ບຸກຄະລາ​ກອນ​ເຂົ້າ​ໃນ​ຄະ ນະ​ພັກ​ຊຸດ​ໃໝ່ໃຫ້​ໄດ້​ຕາມ​ມາດຖານ​ເງື່ອນ​ໄຂ, ຄັດ​ໄດ້​ບຸກຄົນ​ທີ​ມີ​ຄວາມໜັກ​ແໜ້ນທາງ​ດ້ານ​ການ​ເມືອງ, ມີ​ທັດສະນະ​ຄຸນສົມບັດ​ສິນ​ທຳ​ປະຕິວັດ, ມີ​ຄວາມ​ຮູ້​ຄວາມ​ສາມາດ​ເປັນ​ຕົວ​ແທນ​ໃຫ້​ແກ່​ສະມາຊິກ ​ແລະ ພະນັກງານ​ລັດຖະກອນ, ຄັດ​ເລືອກ​ໃຫ້​ໄດ້​ຜູ່​ທີ່​ມີ​ວິ​ໄສ​ທັດ​ເບິ່ງ​ກວ້າງ​ມອງ​ໄກ, ປະກອບ​ມີ 3 ລຸ້ນ ຄື: ລຸ້ນໜຸ່ມ, ລຸ້ນກາງ, ລຸ້ນອາວຸ​ໂສ, ​ເພດ​ຍິງ ​ແລະ ຊົນ​ເຜົ່າຕາມ​ທີ່​ໄດ້​ກຳນົດ​ໄວ້.

2015-02-23

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ