ກອງປະຊຸມ ເພື່ອທາບທາມ ແລະ ປະກອບຄວາມເຫັນໃສ່ຮ່າງ 07 ມາດຕະການສະກັດກັ້ນ

ໃນຕອນເຊົ້າຂອງ ວັນທີ 02/03/2015 ທີ່ຜ່ານມາ ທີ່ ແຂວງ ຫຼວງພະບາງ ອົງການໄອຍະການປະຊາຊົນສູງສຸດ ໄດ້ຈັດກອງປະຊຸມ ເພື່ອທາບທາມ ແລະ ປະກອບຄວາມເຫັນໃສ່ຮ່າງ 07 ມາດຕະການສະກັດກັ້ນ ເຊັ່ນ: ການພາຕົວ, ການກັກຕົວ, ການກັກຂັງພາງ, ການຈັບຕົວ, ການປ່ອຍຕົວພາງ, ການຄຸມຕົວຢູ່ກັບທີ່ ແລະ ການງົດໜ້າທີ່ຕຳແໜ່ງ. ຊຶ່ງບັນດາມາດຕະການດັ່ງກ່າວນີ້ແມ່ນເປັນມາດຕະການທີ່ສຳຄັນ, ທີ່ອົງການສືບສວນ-ສອບສວນ ແລະ ອົງການໄອຍະການທຸກຂັ້ນນຳໃຊ້ເຂົ້າໃນວຽກງານການດຳເນີນຄະດີອາຍາ.

ກອງປະຊຸມຄັ້ງນີ້ມີຜູ້ເຂົ້າຮ່ວມທົງໝົດ 50 ທ່ານ ທີ່ ມາຈາກອົງການໄອຍະການປະຊາຊົນ ແລະ ບັນດາ ປກສ ແຂວງພາກເໜືອ, ໃຫ້ກຽດເຂົ້້າຮ່ວມ ແລະ ເປັນປະທານໃນກອງປະຊຸມຄັ້ງນີ້ມີ ທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງ ການໄອຍະການປະຊາຊົນສູງສຸດກໍ່ໄດ້ໃຫ້ກຽດເຂົ້າຮ່ວມ ແລະ ມີຄຳເຫັນໂອ້ລົມຕໍ່ກອງປະຊຸມຄັ້ງນີ້ ຊຶ່ງທ່ານໄດ້ຊີ້ໃຫ້ເຫັນຄວາມໝາຍ ແລະ ຄວາມສຳຄັນຂອງ 7 ມາດຕະການສະກັດກັ້ນ ແລະ ຂໍ້ຫຍຸ້ງຍາກໃນການຈັດຕັ້ງປະຕິບັດ 7 ມາດຕະການສະກັດກັ້ນ ໃນໄລຍະຜ່ານມາ ຂອງສອງອົງການ, ກອງປະຊຸມໃນຄັ້ງນີ້ແມ່ນດຳເນີນໄປເປັນເວລາ 02 ວັນ ແຕ່ວັນທີ 02 ຫາ 03/03/2015 ແລະ ອັດລົງດ້ວຍຜົນ ສຳເລັດອັນຈົບງາມ.

2015-03-10

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ