ໄຂກອງປະຊຸມຄຳແນະນຳຂອງຄະນະກຳມະການອະໄພຍະໂທດລະດັບຊາດ ປະຈຳສົກປີ 2015, ຢູ່ 5 ແຂວງ ພາກໃຕ້

;ອົງການ​ໄອ​ຍະ​ການ​ປະຊາຊົນ​ສູງ​ສຸດ ໄດ້​ໄຂ​ກອງ​ປະຊຸມ​ການຈັດ​ຕັ້ງປະຕິບັດ​ຄຳ​ແນະນຳ​ ຂອງ ​ຄະນະ​ກຳມະການ​ອະ​ໄພ​ຍະ​ໂທດ​ລະດັບ​ຊາດ ປະຈຳ​ສົກ​ປີ 2015 ຂຶ້ນ​ໃນ​ວັນ​ທີ 16 ມີນາ 2015 ຜ່ານ​ມາ ທີ່ ​ແຂວງ ຈຳປາ​ສັກ ​ໂດຍ​ການ​ເຂົ້າ​ຮ່ວມ​ເປັນ​ປະທານ​ຂອງ ທ່ານ ຄຳ​ສານ ສຸ​ວົງ ກຳມະການ​ສູນ​ກາງ​ພັກ, ຫົວໜ້າອົງການ​ໄອ​ຍະ​ການ​ປະຊາຊົນ​ສູງ​ສຸດ, ທັງ​ເປັນ​ປະທານ​ຄະນະ​ກຳມະການ​ອະ​ໄພ​ຍະ​ໂທດ​ລະດັບ​ຊາດ. ​ເຂົ້າ​ຮ່ວມ​ມີປະທານ​ຄະນະ​ກຳມະການ​ອະ​ໄພ​ຍະ​ໂທດຂັ້ນ​ແຂວງ, ຫົວໜ້າ ປກສ ​ແຂວງ, ຫົວໜ້າອົງການ​ໄອ​ຍະ​ການ​ປະຊາຊົນ​ຈາກ 5 ​ແຂວງ​ພາກ​ໃຕ້​ ຄື: ​ແຂວງ​ສະຫວັນ​ນະ​ເຂດ, ຈຳປາ​ສັກ, ສາລະ​ວັນ, ​ເຊ​ກອງ ​ແລະ ອັດ​ຕະປື ຈຳນວນ 30 ກວ່າ​ທ່ານ.

ທ່ານ ອ່ອນຈັນ ມະນີວັນ ຫົວໜ້າກົມຄ້າຍຄຸມຂັງດັດສ້າງອົງການໄອຍະການປະຊາຊົນສູງສຸດ ກໍໄດ້ຂຶ້ນຜ່ານບົດສະຫຼຸບການຈັດຕັ້ງປະຕິ ບັດວຽກງານອະໄພຍະໂທດ ປະຈຳປີ 2014 ຊຶ່ງການ​ອະ​ໄພ​ຍະ​ໂທດ​ດັ່ງກ່າວແມ່ນ​ການ​ປະຕິບັດ​ນະ​ໂຍບາຍ​ມະນຸດສະທຳ​ດ້ວຍ​ການ​ຜ່ອນ​ໂທດ ​ແລະ ການ​ປ່ອຍ​ຕົວ​ນັກ​ໂທດ​ຕາມ​ລັດຖະດຳລັດ​ ຂອງ ​ປະທານ​ປະ​ເທດ. ​ເນື່ອງ​ໃນ​ໂອກາດ​ວັນ​ສຳຄັນ​ຂອງ​ຊາດ ​ໂດຍ​ສະ​ເພາະ​ແມ່ນ​ວັນຊາດ ທີ 2 ທັນວາ ຂອງ​ແຕ່ລະ​ປີ. ດັ່ງ​ນັ້ນ, ຫົວໜ້າອົງການ​ໄອ​ຍະ​ການ​ປະຊາຊົນ​ສູງ​ສຸດ​ໃນ​ນາມປະທານ​ຄະນະ​ກຳມະການ​ອະ​ໄພ​ຍະ​ໂທດ​ໄດ້​ຄົ້ນຄວ້າ​ແຕ່ງຕັ້ງຄະນະ​ກຳມະການ​ອະ​ໄພ​ຍະ​ໂທດຂັ້ນ​ສູນ​ກາງຂຶ້ນ ຊຶ່ງປະກອບ​ດ້ວຍ​ບັນດາ​ທ່ານ ທີ່​ ມີ​ຕຳ​ແໜ່ງລັດຖະມົນຕີ​ຊ່ວຍ​ວ່າການ ຫຼື ທຽບ​ເທົ່າ, ​ແຕ່ງ​ຕັ້ງ​ບັນດາ​ອະນຸ​ກຳມະການ​ຊ່ວຍ​ວຽກ​ ພ້ອມ​ທັງ​ອອກ​ແຈ້ງ​ການ​ໃຫ້​ ກະຊວງ ປກຊ, ກະຊວງ ປກສ ບັນດາ​ແຂວງ, ນະຄອນເຮັດໜ້າທີ່​ເອົາ​ໃຈ​ໃສ່​ປະຕິບັດໜ້າທີ່​ຂອງ​ຕົນ​ໄປ​ຕາມ​ຂັ້ນ​ຕອນ, ຕາມລະບຽບ ​ແລະ ​ເຮັດ​ເປັນໝູ່ຄະນະມີ​ຄວາມ​ຮັບປະກັນຖືກ ຕ້ອງ, ​ໂປ່​ງ​ໃສ ​ແລະ ທັນ​ຕາມ​ກຳນົດ​ເວລານັກ​ໂທດ​ໄດ້​ຮັບ​ການ​ປ່ອຍ​ຕົວ​ໃນ ​ປີ 2014 ມີ​ທັງໝົດ 6,604 ຄົນ, ຍິງ 978ຄົນ, ຄົນ​ຕ່າງປະ​ເທດ 172 ຄົນ, ​ເປັນ​ຍິງ 19 ຄົນ, ນັກ​ໂທດ​ຕະຫຼອດຊີວິດ 424 ຄົນ, ຍິງ 67 ຄົນ, ນັກ​ໂທດ​ຕັດສິນ​ປະຫານ​ຊີວິດ 237 ຄົນ, ຍິງ 25 ຄົນ. ​ໃນ​ນັ້ນ ນັກ​ໂທດ​ຢາ​ເສບ​ຕິດ​ມີ​ທັງໝົດ 4,318 ຄົນ, ຍິງ 829 ຄົນ, ຕ່ງປະ​ເທດ 95 ຄົນ, ຍິງ 13 ຄົນ, ນັກ​ໂທດ​ຂໍ້​ຫາ​ທົ່ວ​ໄປ​ມີ​ທັງໝົດ 2,286 ຄົນ, ຍິງ 149 ຄົນ, ຕ່າງປະ​ເທດ 77 ຄົນ, ຍິງ 06 ຄົນ. ​ໃນ​ນັ້ນ ນັກ​ໂທດ​ຕະຫຼອດຊີວິດ 69 ຄົນ, ຍິງ 06 ຄົນ, ນັກ​ໂທດ​ປະຫານ​ຊີວິດ 7 ຄົນ ນັກ​ໂທດ ​ທີ່​ໄດ້​ຮັບ​ການ​ອະ​ໄພ​ຍະ​ໂທດ​ຕາມ​ລັດຖະດຳລັດ​ ຂອງ ​ປະທານ​ປະ​ເທດ​ທັງໝົດ 938 ຄົນ, ຍິງ 198 ຄົນ ຕ່າງປະ​ເທດ 21 ຄົນ , ຍິງ 2 ຄົນ. ອະ​ໄພ​ຍະ​ໂທດຫຼຸດຜ່ອນ​ໂທດ​ມີ 767 ຄົນ, ຍິງ 157 ຄົນ, ຕ່າງປະ​ເທດ 19 ຄົນ, ຍິງ 1 ຄົນ. ຈາກ​ນັ້ນຜູ້​ແທນ​ເຂົ້າ​ຮ່ວມ​ກອງ​ປະຊຸມ​ ກໍ່​ໄດ້​ປະກອບ​ຄວາມ​ຄິດ​ເຫັນ​ໃສ່​ຄຳ​ແນະນຳ​ ເພື່ອ​ເຮັດ​ໃຫ້​ບັນຫາ​ດັ່ງກ່າວ​ມີ​ຄວາມ​ສອດຄ່ອງ ​ແລະ ​ເຂົ້າ​ສູ່​ລ່ວງ​ເລິກ

2015-03-20

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ