ອົງການ​ໄອ​ຍະ​ການ​ປະຊາຊົນ​ສູງ​ສຸດ ຈັດ​ກອງ​ປະຊຸມ​ສຳ​ມະ​ນາວິ​ໄສ​ທັດ​ ຮອດ​ປີ 2030 ຂຶ້ນ​ໃນ​ຕອນ​ເຊົ້າ​ວັນ​ທີ 8​ ເມສາ 2015 ທີ່​ນະຄອນຫລວງ​ວຽງ​ຈັນ. ​ໂດຍ​ການ​ເຂົ້າ​ຮ່ວມ​ເປັນ​ປະທານຂອງ​ ທ່ານ ຄຳ​ສານ ສຸ​ວົງ ກຳມະການ​ສູນ​ກາງ​ພັກ, ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ, ມີ​ທ່ານ​ຮອງ​ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ, ທະຫານ​ຂັ້ນ​ສູງ, ຫົວໜ້າ​ອົງການ​ໄອ​ຍະ​ການ​ປະຊາຊົນແຂວງທົ່ວ​ປະ​ເທດ​ເຂົ້າ​ຮ່ວມທັງໝົດ 100 ກວ່າທ່ານ.

.

ກອງ​ປະ​ຊຸມບັນດາທ່ານ​ຜູ້​ເຂົ້າ​ຮ່ວມ​ໄດ້​ຮັບ​ຟັງ​ການ​ລາຍ​ງານສະຫຼຸບການຈັດ​ຕັ້ງ​ປະຕິບັດ​ແຜນ​ພັດທະນາ 2011-2015 ​ແລະ ການ​ຄົ້ນຄວ້າ​ວິ​ໄສ​ທັດ​ຮອດ​ປີ 2030, ການ​ສ້າງ​​ແຜນຍຸດ​ທະ​ສາດ ​ໄລຍະ 10 ປີ ​ແລະ ​ແຜນ 5 ປີ ຄັ້ງ​ທີ(2016-2020) ​ແລະ ສັງ​ລວມ​ແຜນ​ງານ, ​ໂຄງການ ​ຂອງ​ວຽກ​ງານ​​ໄອ​ຍະ​ການ​ທົ່ວ​ປະ​ເທດ ຈາກ​ທ່ານ ສີ​ສຸພັນ ສີ​ວັນ​ທອງ ຮອງ​ຫົວໜ້າ​ກົມ​ແຜນການ-ການ​ເງິນ ​ແລະ ​ແຜນ​ງົບປະມານ​ໂຄງການ​ລົງທຶນ​ຂອງ​ລັດ 2011-2015 ​ແລະ ບັນດາ​ກິດຈະກຳ, ງົບປະມານ​ທີ່​ຈະ​ປະຕິບັດ​ບັນດາ​ແຜນການ ​ແລະ ​ໂຄງ ການ​ໃນ ​ໄລຍະ 10 ປີ (2016-2025), ​ແຜນການ 5 ປີ ຄັ້ງ​ທີ II (2016-2020), ພາກ​ແຜນການ (ພາກ 13 ​ແລະ 17) ຊຶ່ງ​ສະ​ເໜີ​ໂດຍ​ທ່ານ ອານຸສອນ ວິ​ດາ​ວົງ ຫົວໜ້າ​ພະ​ແນ​ກ ​ແຜນການ, ກົມ​ແຜ​ນການ ​ແລະ ການ​ເງິນ. ຈາກ​ນັ້ນ​ຜູ້​ເຂົ້າ​ຮ່ວມ​ຈະ​ໄດ້​ພ້ອມ​ກັນ​ປະ ກອບ​ຄວາມ​ເຫັນ​ໃສ່​ຮ່າງ​ບົດ​ສະຫຼຸບ ​ເພື່ອ​ເຮັດ​ໃຫ້​ບັນດາ​ວຽກ​ງານ​ທີ່​ນຳ​ສະ​ເໜີ​ນັ້ນ​ເຂົ້າ​ສູ່​ລວງ​ເລີກ.

2015-04-20