ພະນັກງານອົງການໄອຍະການປະຊາຊົນສູງສຸດເຊື່ຶອມຊຶມເອກະສານວັນປະຫວັດສາດຂອງຊາດ

      ເພື່ອ​ເຮັດ​ໃຫ້ສະມາຊິກ​ພັກ, ​ພະນັກງານ​-ລັດຖະກອນ ທົ່ວ​ອົງການ​ໄອ​ຍະ​ການ​ປະຊາຊົນ​ສູງ​ສຸດ, ສະ​ຖາ​ບັນ​ຄົ້ນຄ້ວາ​-ຝຶກ​ອົບຮົມ​ໄອ​ຍະ​ການ ​ແລະ ອົງການ​ໄອ​ຍະ​ການ​ປະຊາຊົນ​ພາກ​ກາງ ກໍໄດ້​ຄວາມ​ໝາຍຄວາມ​ສຳຄັນຂອງ​ການ​ຕໍ່ສູ້​ອັນ​ພິລະ​ອາດ​ຫານ ​ຂອງ ກຳລັງ​ປະກອບ​ອາວຸດປະຊາຊົນ​ລາວ ຄື: ວັນ​ໄຊຊະນະ​ດຽນບຽນ​ຟູ ຄົບຮອບ 61 ປີ (07/05/1954 ຫາ 07/05/2015), ການຜ່າ​ວົງ​ປິດ​ລ້ອມ ​ຂອງ ​ກອງ ພັນ​ທີ 2 ວິລະ​ຊົນ​ທົ່ງ​ໄຫ​ຫີນຊຽງ​ຂວາງ ຄົບຮອບ 56 ປີ (18/5/1959 ຫາ 18/5/2015) ​ແລະ ວັນ​ວິລະ​ກຳ​ໂຕນ​ຄຸກ​ ຢ່າງ​ມະຫາ​ສະ​ຈັນ​ ຂອງ​ບັນດາ​ຜູ້ນຳ​ພັກ ​ແລະ ​ແນວ​ລາວ​ຮັກ​ຊາດ ຄົບຮອບ 55 ປີ (24/5/1960 ຫາ 24/5/2015).

ພິທີ​ປະຖະກະຖາ​ໄດ້​ມີ​ຂຶ້ນ​ໃນ​ຕອນ​ເຊົ້າ​ ວັນ​ທີ 18 ພຶດ​ສະພາ 2015 ທີ່ ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ​ໃຫ້​ກຽດ​ປາຖະກະຖາ​ຂອງ ທ່ານ ພົ.ວ ອ່ອນ​ຈັນ ​ເພັດ​ສະ​ລາດ ຮອງ​ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ, ຫົວໜ້າ​ອົງການ​ໄອ​ຍະ​ການ​ທະ​ຫານ​ຂັ້ນ​ສູງ. ​ເຂົ້າ​ຮ່ວມ​ມີ​ຄະນະ​ພັກ- ຄະນະ​ນຳ ພ້ອມ​ດ້ວຍ​ພະນັກງານ-ລັດຖະກອນ ຈຳນວນ 100 ກ່ວາ​ຄົນ.

ທ່ານ ພົ.ວ ອ່ອນ​ຈັນ ​ເພັດ​ສະ​ລາດ ​ໄດ້​ຫວນ​ຄືນ​ເຖິງ​ການ​ຕໍ່ສູ້​ຂອງ​ຂະ​ບວນປະຕິວັດ ແລະ ຜົນງານໄຊຊະນະ ​ທີ່​ ຍາດ​ມາ​ໄດ້ກ່ອນ​ອື່ນ​ໝົດ​ແມ່ນ​ຍ້ອນ​ພັກ​ເຮົາ​ມີ​ແນວທາງ​ອັນ​ຖືກຕ້ອງ, ຍ້ອນ​ກຳລັງ​ແຮງ​ມະຫາ​ສາມັກ​ຄີ​ຂອງ​ທົ່ວ​ພັກ, ທົ່ວ​ກອງທັບ ​ແລະ ທົ່ວ​ປວງ​ຊົນ, ຍ້ອນ​ລັດທິ​ຮັກ​ຊາດ​ອັນ​ດູດ​ດື່ມ ​ແລະ ຈິດ​ໃຈ​ເອກະລາ​ດ ບໍ່​ຍອມ​ຈຳນົນຂອງ​ຊາດ​ລາວ, ຍ້ອນ​ການ​ປະສານ​ສົມທົບ​ແໜ້ນລະຫວ່າງ​ກຳລັງ​ແຮງ​ຂອງ​ຊາດ ກັບ​ກຳລັງ​ແຮງ​ຂອງ​ຍຸກ​ສະ​ໄໝ, ຍ້ອນ​ພັກ​ເຮົາ​ຍາມ​ໃດ​ກໍ​ຕິດ​ພັນ​ກັບ​ປະຊາຊົນ ອີງ​ໃສ່​ກຳລັງ​ແຮງ​ຂອງ​ປະຊາຊົນ​ເຜົ່າ​ຕ່າງໆ ​ແລະ ​ເຮັດ​ທຸກ​ສິ່ງ​ທຸກ​ຢ່າງ ​ເພື່ອ​ຜົນ​ປະ​ໂຫບຍດຂອງ​ປະຊາຊົນ. ນອກ ຈາກ​ນັ້ນ​ມັນ​ຍັງ​ແມ່ນ​ຜົນງານ​ລວມທີ່​ໄດ້​ມາ​ຈາກ​ເລືອດ​ເນື້ອ​ເຫື່ອ​ໄຄ​ໃນ​ການ​ຕໍ່ສູ້ ​ແລະ ອອກ​ແຮງ​ງານ​ຂອງ​ປວງ​ຊົນ​ລາວ​ທັງ​ຊາດ. ຈາກ​ການ​ເສຍສະຫຼະ​ອັນ​ໃຫ່ຍຫຼວງ​ຂອງ​ຖັນ​ແຖວ​ພະນັກງານ, ສະມາຊິກ​ພັກ ​ແລະ ນັກຮົບ​ປະຕິວັດ ຈຶ່ງ​ໄດ້​ຮັບ​ໄຊຊະນະບັ້ນ​ຮົບ​ເປັນ​ກ້າວໆ​ມາ.

2015-05-18

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ