ມອບ-ຮັບໂຄງການກໍ່ສ້າງຫ້ອງການອົງການໄອຍະການປະຊາຊົນ ເຂດ I ແຂວງສາລະວັນ ແລະ ແຂວງອັດຕະປື

        ພິທີ​ມອບ-ຮັບ​ໂຄງການ​ກໍ່ສ້າງຫ້ອງການ​ອົງການ​ໄອ​ຍະ​ການ​ປະຊາຊົນ​​ເຂດ​ ແຂວງ​ສາລະ​ວັນ ​ແລະ ​ແຂວງ​ອັດ​ຕະປື ​ໄດ້​ຈັດ​ຂຶ້ນ​ລະຫວ່າງ​ ວັນ​ທີ 28-29 ພືດ​ສະພາ 2015ນີ້, ​ເປັນ​ກຽດ​ເຂົ້າ​ຮ່ວມ ​ແລະ ຕັດ​ແຖບ​ໄຂ​ຫ້ອງການ​ດັ່ງກ່າວມີ ​ທ່ານ ​ໄຊຊະນະ ​ໂຄດ​ພູທອນ ຮອງ​ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ, ທ່ານ ບຸນ​ທຽມ ​ແກ້ວ​ໄຊ​ຍະ​ວົງ ຄະນະປະຈຳ​ພັກ​ແຂວງ, ປະທານ​ສານ​ປະຊາຊົນ​ແຂວງ​ສາລະ​ວັນ, ທ່ານຫົວໜ້າ​ອົງການ​ໄອ​ຍະ​ການ​ປະຊາຊົນ​ແຂວງ, ​ເຈົ້າ​ເມືອງ, ຮອງ​ເຈົ້າ​ເມືອງ ພ້ອມ​ດ້ວຍ​ຫ້ອງການ, ຂະ​ແໜງ​ການ​ຕ່າງໆ ທີ່ກ່ຽວ​ຂ້ອງເຂົ້າ​ຮ່ວມ​ໃນ​ຄັ້ງ​ນີ້.

      ສ່ວນ​ໂຄງການ​ກໍ່ສ້າງ​ຫ້ອງການ​ອົງການ​ໄອ​ຍະ​ການ​ປະຊາຊົນ ​ເຂດ​ເທດສະບານ​ ເມືອງ​ໄຊ​ເສດ​ຖາ ​ແຂວງ​ ອັດ​ຕະປື. ທ່ານ ທອງ​ສະ​ຫວັດ ທິດ​ດວງ​ດີ ຮອງ​ຫົວໜ້າ​ອົງການ​ໄອ​ຍະ​ການ​ປະຊາຊົນ ແຂວງ​ອັດ​ຕະປື ກໍ່​ໄດ້​ຂຶ້ນ​ລາຍ​ງານ​ມີ​ບາງ​ຕອນ​ທ່ານ​ກ່າວ​ວ່າ: ​ໂຄງການ​ກໍ່ສ້າງ​ຫ້ອງການ​ຫລັງ​ດັ່ງກ່າວ​ໄດ້​ເລີ່​ມລົງມື​ກໍ່ສ້າງ​ມາ​ແຕ່​ວັນ​ທີ 15 ສິງຫາ 2012 ມາ​ຮອດ​ວັນ​ທີ 2 ພຶດສະພາ 2015 ​ແມ່ນ​ສຳ​ເລັດ 100%. ​ໃນ​ມູນ​ຄ່າ​ການ​ກໍ່ສ້າງ​ທັງ​ໜົດ 2 ຕື້ 948 ລ້ານ​ກ່ວາ​ກີບ (ສອງ​ພັນ​​ເກົ້າ​ຮ້ອຍສີ່​ສິບ​ແປດ​ລ້ານ​ກີບ). ​ແລະ ໄດ້ຈັດພິທີ ​ມອບ-ຮັບ ​ໃຫ້​ພະນັກງານ​​ໄອ​ຍະ​ການເຂດ​ເປັນ​ຜູ້​ຄຸ້ມ​ຄອງ​ນຳ​ໃຊ້​ຕໍ່​ໄປ. ຈາກ​ນັ້ນ​ ທ່ານ ​ໄຊຊະນະ ​ໂຄດ​ພູທອນ ຮອງ​ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ​ກໍ່​ໄດ້​ມີ​ຄຳ​ເຫັນ​ວ່າ​: ໂດຍ​ປະຕິບັດຕາມ​ມະຕິ​ກອງ​ປະຊຸມ​ໃຫຍ່ຄັ້ງ​ທີ 9 ຂອງ​ພັກ​ກໍ​ຄື​ມະຕິ​ 03 ຂອງ​ອົງຄະ​ນະ​ພັກ​ອົງການ​ໄອ​ຍະ​ການ​ປະຊາຊົນ​ສູງ​ສຸດ​ໂດຍ​ເລັ່ງ​ໃສ່ 4 ​ແຜນ​ງານ​ໃນ​ການ​ກໍ່ສ້າງ​ພື້ນຖານ​ໂຄງ​ລ່າງ​ໂດຍ​ສະ​ເພາະ​​ກໍ່ສ້າງອົງການ​ໄອ​ຍະ​ການ​ໃນ​ຂອບ​ເຂດ​ທົ່ວ​ປະ​ເທດ ​​ເປັນ​ຕົນ​ແມ່ນ ອົງການ​ໄອ​ຍະ​ການ​ປະຊາຊົນ ​ເຂດ. ປະຈຸ​ບັນ​ມີ 40 ​ເຂດ ແລະ ໄດ້​ຮັບ​ອະນຸມັດ​​ໂຄງການ​ກໍ່ສ້າງພຽງ 26 ​ເຂດ​ໃນ​ທົ່ວ​ປະ​ເທດ. ຜ່ານ​ການຈັດ​ຕັ້ງ​ປະຕິບັດ​ສຳ​ເລັດ​ແລ້ວ 14 ​ເຂດ ​ແລະ ອີກ 12 ​ເຂດ​ສືບ​ຕໍ່ປະຕິບັດ​ໃຫ້​ສຳ​ເລັດ​ຕາມ​ແຜນການ. ຈາກ​ນັ້ນ​ທ່ານ​ໄດ້​ຮຽກຮ້ອງ​ໃຫ້​ພະນັກງານ​ທຸກ​ຄົນ​ເປັນ​ເຈົ້າ​ການ​ໃນ​ການ​ຊົມ​ໃຊ້​ຫ້ອງການ​ໃຫ້​ມີ​ຄວາມ​ສະອາດ​ງາມ​ຕາ, ຈັດກິດຈະກຳ​ປູກ​ຕົ້ນ​ໄມ້​ອ້ອມ​ຂ້າງສຳ ນັກງານ, ​ເພີ່ມ​ທະວີ​ປະສານ​ສົມທົບ​ກັບ​ພາກສ່ວນ​ກ່ຽວຂ້ອງ ​ໂດຍ​ສະ​ເພາະ​ພາກສ່ວນ​​ເຈົ້າ​ໜ້າ​ທີ່​ຕຳຫລວດ, ສານ, ອຳນາດ​ການ​ປົກຄອງ​ເມືອງ​ທີ່​ຂຶ້ນ​ກັບ​ເຂດ​ດັ່ງ​ກ່າວ ​ເພື່ອ​ເປັນ​ການ​ຍົກບົດບາດ​ໃຫ້​ສູງ​ຂຶ້ນ​ກວ່າ​ເກົ່າ.

2015-06-12

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ