ຫ້ອງການອົງການໄອຍະການປະຊາຊົນ ເຂດ III ເມືອງຫົງສາ ເປີດນຳໃຊ້ຢ່າງ ເປັນທາງການພາຍຫລັງໄດ້ມີພິທີ ມອບ-ຮັບ ໃນວັນທີ 27 ກໍລະກົດ 2015

ໂຄງການກໍ່ສ້າງຫ້ອງການອົງການໄອຍະການປະຊາຊົນ ເຂດເມືອງຫົງສາ ແຂວງໄຊຍະບູລີ ໄດ້ເລີ່ມລົງມືມາແຕ່ ວັນທີ 30 ມີຖຸນາ 2012 ເປັນຕົ້ນມາ ແລະ ມາຮອດວັນທີ 28 ເມສາ 2015 ແມ່ນໄດ້ສຳເລັດ 100% ໃນມູນຄ່າການກໍ່ສ້າງທັງໜົດ 2,928 ຕື້ກ່ວາກີບ(ສອງຕຶ້ເກົ້າຮ້ອຍຊາວແປດລ້ານກ່ວາກີບ).

ໂຄງການກໍ່ສ້າງຫ້ອງການອົງການໄອຍະການປະຊາຊົນ ເຂດ ເມືອງຫົງສາ ແຂວງໄຊຍະບູລີ ໄດ້ເລີ່ມລົງມືມາແຕ່ ວັນທີ 30 ມີຖຸນາ 2012 ເປັນຕົ້ນມາ ແລະ ມາຮອດວັນທີ 28 ເມສາ 2015 ແມ່ນໄດ້ສຳເລັດ 100% ໃນມູນຄ່າການກໍ່ສ້າງທັງໜົດ 2,928 ຕື້ກວ່າກີບ (ສອງຕຶ້ເກົ້າຮ້ອຍຊາວແປດລ້ານກ່ວາກີບ)ໃນວັນທີ 27 ກໍລະກົດ 2015 ທ່ານ ອາເມຊົງ ເຍັຽເລັ່ງ ກໍາມະການພັກແຂວງ, ຫົວໜ້າອົງການໄອຍະການປະຊາຊົນແຂວງໄຊຍະບູລີ, ທັງເປັນເຈົ້າຂອງໂຄງການກໍ່ສ້າງຫ້ອງການດັ່ງກ່າວ ແລະ ທ່ານ ພວງເພັດ ສິງຫາຣາຊ ອຳນວຍການບໍລິສັດພວງເພັດ ກໍ່ສ້າງ ຂົວທາງ ແລະ ຊົນລະປະທານ ຈຳກັດຜູ້ດຽວ ກໍ່ໄດ້ຮ່ວມລົງນາມບົດບັນທຶກການ ມອບ - ຮັບ ຫ້ອງການດັ່ງກ່າວຢ່າງເປັນທາງການ. ໃຫ້ ກຽດເຂົ້າຮ່ວມໃນຄັ້ງນີ້ ມີທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ, ທ່ານ ຍັນຍົງ ສີປະເສີດ ຮອງເລຂາພັກແຂວງ, ຮອງເຈົ້າແຂວງ ຜູ້ຊີ້ນຳວຽກງານປົກປ້ອງກົດໝາຍຂັ້ນແຂວງ, ທ່ານ ສີສູນທອນ ສໍຜາບມີໄຊ ຄະນະພັກ, ຫົວໜ້າຫ້ອງການອົງການໄອຍະການປະຊາຊົນສູງສຸດ, ທ່ານເຈົ້າເມືອງ - ຮອງເຈົ້າເມືອງໆ ຫົງສາ ພ້ອມດ້ວຍຜູ້ຕາງໜ້າຈາກຂະແໜງການຕ່າງໆ ອ້ອມຂ້າງທີ່ກ່ຽວຂ້ອງເຂົ້າຮ່ວມ ຢ່າງພ້ອມພຽງ ອາຄານດັ່ງກ່າວເປັນອາຄານຊັ້ນດຽວ ແບບຖາວອນ ມີ 14 ຫ້ອງ, ມີ 3 ຫ້ອງນໍ້າ, ມີຂະໜາດຄວາມກ້ວາງ 36x15,50 ແມັດ, ໂຄງສ້າງເຮັດດ້ວຍເບຕົງເສີມເຫັລກ ຝາກໍ່ດ້ວຍດິນຈີ່, ຫຼັງຄາມຸງດ້ວຍຊີແພກ, ພື້ນປູດ້ວຍກາໂລຫີນອ່ອນ, ພາຍໃນອາຄານປະກອບດ້ວຍ ເຟີນິເຈີຄົບຊຸດ. ຈາກນັ້ນທ່ານ ໄຊຊະນະ ໂຄດພູທອນ ຮອງເລຂາຄະນະພັກ ຮອງຫົວໜ້າອົງການໄອຍະການປະຊາຊົນສູງສຸດໄດ້ມີຄຳເຫັນວ່າ: ໂດຍປະຕິບັດຕາມມະຕິກອງປະຊຸມໃຫຍ່ຄັ້ງທີ 9 ຂອງພັກ ກໍຄືມະຕິ 03 ຂອງອົງຄະນະພັກອົງການໄອຍະການປະຊາຊົນສູງ ສຸດໂດຍເລັ່ງໃສ່ 4 ແຜນງານ ໃນການກໍ່ສ້າງພື້ນຖານໂຄງລ່າງ ໂດຍສະເພາະໂຄງການກໍ່ສ້າງຫ້ອງການອົງການໄອຍະການປະຊາຊົນເຂດ ໃນທົ່ວປະເທດ, ປະຈຸບັນມີ 40 ເຂດ ແລະ ໄດ້ຮັບອະນຸມັດກໍ່ສ້າງພຽງແຕ່ 26 ເຂດໃນທົ່ວປະເທດ. ຜ່ານການຈັດຕັ້ງປະຕິບັດເຫັນວ່າ ສຳເລັດໄປແລ້ວ 15 ເຂດ ແລະ ອີກ 10 ກວ່າເຂດສືບຕໍ່ປະຕິບັດໃຫ້ສຳເລັດຕາມແຜນການ. ພ້ອມນັ້ນທ່ານຍັງໄດ້ຮຽກຮ້ອງໃຫ້ພະນັກ ງານທຸກຄົນເປັນເຈົ້າການໃນການປົກປັກຮັກສາ ແລະ ນຳໃຊ້ຫ້ອງການ ຫັລງໃໜ່ນີ້ ເປັນບ່ອນເພີ່ມທະວີ ປະສານສົມທົບກັບພາກສ່ວນ ກ່ຽວຂ້ອງເປັນຕົ້ນແມ່ນ ຫ້ອງການເຈົ້າໜ້າທີ່ຕຳຫລວດ, ສານ, ຫ້ອງການຍຸຕິທຳ ແລະ ອຳນາດການປົກຄອງທ້ອງຖິ່ນໃຫ້ ມີຄວາມ ສະດວກ,ວ່ອງໄວທັນກັບສະພາບການ ເພື່ອເຮັດໃຫ້ພາລະບົດບາດຂອງພະນັກງານໄອຍະການສູງຂຶ້ນກວ່າເກົ່າ

2015-08-04

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ