ອົງການໄອຍະການປະຊາຊົນສູງສຸດຈັດສຳມະນາກ່ຽວກັບ ການຈັດຕັ້ງປະຕິບັດກົດໝາຍ ວ່າດ້ວຍການສົ່ງຜູ້ຮ້າຍຂ້າມແດນ

ໃນລະຫວ່າງວັນທີ 7-9 ກັນຍາ 2015ນີ້, ອົງການໄອຍະການປະຊາຊົນສູງສຸດ ໄດ້ຈັດໃຫ້ມີຊຸດສຳມະນາ ກ່ຽວກັບການຈັດຕັ້ງປະບັດກົດໝາຍ ວ່າດ້ວຍການສົ່ງຜູ້ຮ້າຍຂ້າມແດນຂຶ້ນທີ່ຫ້ອງປະຊຸມ ແຂວງບໍລິຄຳໄຊ ເປັນກຽດເຂົ້າຮ່ວມຂອງ ທ່ານ ໄຊຊະນະ ໂຄດພູທອນ ຮອງຫົວາອົງການໄອຍະການປະຊາຊົນສູງສຸດ. ບັນດາທ່ານຜູ້ຕາງໜ້າຈາກອົງການໄອຍະການປະຊາຊົນສູງສຸດ, ອົງການໄອຍະການພາກກາງ, ອົງການໄອຍະການປະຊາຊົນ ນະຄອນຫລວງວຽງຈັນ, ກະຊວງປ້ອງກັນຄວາມສະຫງົບ, ສານປະຊາຊົນພາກກາງ, ປກສ ນະຄອນຫລວງວຽງຈັນ, ອົງການໄອຍະການປະຊາຊົນ ແຂວງບໍລິຄຳໄຊ, ຄຳມ່ວນ ແລະ ສະຫັວນນະເຂດ ເຂົ້າຮ່ວມ 50 ກວ່າຄົນ.

ກອງປະຊຸມໄດ້ຍົກບັນຫາສຳຄັນເພື່ອມາຄົ້ນຄວ້າ ແລະ ປຶກສາຫາລືເປັນ ຕົ້ນວ່າ: ການຄ້າຂາຍຢາເສບຕິດ, ການຄ້າມະນຸດ ໂດຍສະ ເພາະ ແມ່ຍິງ ແລະ ເດັກນ້ອຍ, ການລັກພາຄົນເຂົ້າ-ອອກເມືອງຜິດກົດໝາຍ, ການຄ້າອາວຸດ, ການລັກພາຕົວ, ການຟອກເງິນ,ອາຊະຍາ ກຳຊາຍເບີ, ການສໍ້ລາດບັງຫລວງ ແລະ ອື່ນໆ ຊຶ່ງບັນຫາເລົ່ານີ້ມັນບໍ່ພຽງແຕ່ເຮັດໃຫ້ປະຊາຊົນມີຄວາມຢ້ານກົວ ແລະ ກຽດ ຊັງກັນແຕ່ຍັງ ເປັນໄພຂົ່ມຂູ່ຄວາມປອດໄພຂອງຊີວິດ ແລະ ຊັບສິນ, ສ້າງຄວາມເສບຫາຍຕໍ່ເສດຖະກິດ ແລະ ຕໍ່ຄວາມໜັ້ນຄົງຂອງຊາດ.
ສຳລັບ ສປປ ລາວເຮົາ ບັນຫາອາຊະຍາກຳຂ້າມຊາດ, ອັນພົ້ນເດັ່ນບັນຫາຢາເສບຕິດແມ່ນຍັງສືບຕໍ່ເປັນໄພຂົ່ມຂູ່ຢ່າງຮ້າຍແຮງຕໍ່ຄວາມ ສະຫງົບສຸກຂອງບ້ານເມືອງ, ທັງເປັນບັນຫາທີ່ເຊື່ອມໂຍງກັບປະເທດເພື່ອນມິດ, ປະເທດໄກ້ຄຽງໃນພາກພື້ນ ແລະ ໃນໂລກ. ໄດ້ເຂົ້າເປັນ ພາຄີສົນທິສັນຍາສາກົນ ໃນຂົງເຂດອາຊະຍາກຳຂ້າມຊາດ, ສໍ້ລາດບັງຫລວງ, ການກໍ່ການຮ້າຍ, ສິດທິມະນຸດ, ຢາເສບຕິດ ໃນກອບຂອງສະ ຫະປະຊາຊາດ ກໍຄືສົນທິສັນ ຍາຕ່າງໆ ໃນຂົງເຂດການກໍ່ການຮ້າຍ ແລະ ອື່ນໆຂອງອາຊຽນຢ່າງເໜາະສົມ. ລາວໄດ້ ລົງນາມກັບຕ່າງປະ ເທດກ່ຽວກັບການສົ່ງຜູ້ຮ້າຍຂ້າມແດນກັບບັນດາປະເທດໄກ້ຄຽງຈຳນວນໜຶ່ງ ຄື: ສສ ຫວຽດນາມ, ສປ ຈີນ, ລາ ຊະອານາຈັກກຳປູເຈຍ ແລະ ລາຊະອານາຈັກໄທ.
ກອງປະຊຸມດັ່ງກ່າວຈັດຂຶ້ນເປັນຄັ້ງທີ 3, ຄັ້ງທີ 1 ຈັດຂຶ້ນຢູ່ທ່າລາດ ແຂວງວຽງຈັນ ແລະ ຄັ້ງທີ 2 ຢູ່ເມືອງປາກເຊ ແຂວງຈຳປາສັກ.

2015-09-10

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ