ປະຖະກະຖາວັນສ້າງຕັ້ງອົງການໄອຍະການປະຊາຊົນ ຄົບຮອບ 26 ປີ

ໃນຕອນເຊົ້າວັນທີ່ 08 ມັງກອນປີທີ່ ອົງການໄອຍະການປະຊາຊົນສູງສຸດ ໄດ້ເປີດພິທີປະຖະກະຖາຂື້ນເນື່ອງໃນວັນສ້າງຕັ້ງອົງການໄອຍະການປະຊາຊົນຄົບຮອບ 26ປີ(09/01/1990–09/01/2016) ໂດຍພາຍໃຕ້ການເປັນປະທານຂອງ ທ່ານຄຳສານສຸວົງກຳມະການສູນກາງພັກ ເລຂາຄະນະພັກ ຫົວໜ້າອົງການໄອຍະການປະຊາຊົນສູງສຸດ ໄດ້ໃຫ້ກຽດເຜີຍແຜ່. ເຂົ້າຮ່ວມຟັງມີຄະນະພັກ>ຄະນະນຳອົງການໄອຍະການປະຊາຊົນສຸງສຸດ, ບັນດາຫົວໜ້າຮອງຫົວໜ້າກົມຫ້ອງການອົງການໄອຍະການປະຊາຊົນພາກກາງ ແລະ ສະຖາບັນຄົ້ນຄ້ວາຝຶກອົບຮົມໄອຍະການ ພ້ອມດ້ວຍພະນັກງານທັງໝົດເຂົ້າຮ່ວມ

;ທ່ານ ຄຳສານ ສຸວົງ ກຳມະການສູນກາງພັກ, ເລຂາຄະນະພັກ, ຫົວໜ້າອົງການໄອຍະການປະຊາຊົນສູງສຸດ; ໄດ້ປະຖະກະຖາປະຫວັດຄວາມເປັນມາຂອງການສ້າງຕັ້ງ ແລະ ຂະຫຍາຍຕົວຂອງລະບົບອົງການໄອຍະການປະຊາຊົນຕະຫຼອດໄລຍະ 26ປີ ຜ່ານມາ, ພ້ອມກັນນັ້ນໄດ້ຍົກໃຫ້ເຫັນຜົນງານ ສົກປີ 2014-2015 ຮຽກຮ້ອງໃຫ້ພະນັກງານ-ລັດຖະກອນ ຂອງ ອົງການໄອຍະການປະຊາຊົນໃນການປະຕິບັດໜ້າທີ່ຕິດຕາມກວດກາປະຕິບັດກົດໝາຍ ແລະ ການສັ່ງຟ້ອງຜູ້ກະທຳຜິດຂື້ນສານຕາມກົດໝາຍໂດຍເປັນເຈົ້າການຮັບໃຊ້ປະຊາຊົນເປັນກົກ ແລະ ຕ້ອງເປັນທີ່ເພີ່ງຂອງປະຊາຊົນບັນດາເຜົ່າ. ຮຽກຮ້ອງໃຫ້ມີການແຂ່ງຂັນຮັກຊາດສ້າງຜົນງານຕາມຄຳຂັວນ 3 ມີ 4 ຮັບປະກັນ ໃຫ້ເປັນຂະບວນຟົດຟື້ນ ເພື່ອຄຳນັບຮັບຕ້ອນກອງປະຊຸມໃຫ່ຍຄັ້ງທີ່ X ຂອງພັກທີ່ຈະມາເຖີງ.ນອກຈາກການປະຖະກະຖາວັນສ້າງຕັ້ງອົງການໄອຍະການແລ້ວ, ທ່ານ ຄຳສານ ສຸວົງ ກຳມະການສູນກາງພັກ, ເລຂາຄະນະພັກ, ຫົວໜ້າອົງການໄອຍະການປະຊາຊົນສູງສຸດ ຍັງໄດ້ເຜີຍແຜ່ເອກະສານແນະນຳ ຂອງ ກອງປະຊຸມຄະນະບໍລິຫານງານສູນກາງພັກຄັ້ງທີ 8 ສະໄໝທີ IX ກ່ຽວກັບການກະກຽມຄວາມພ້ອມເຂົ້າສູ່ກອງປະຊຸມໃຫ່ຍຂອງພັກຄັ້ງທີ X ທີ່ຈະດຳເນີນໃນໄລຍະມໍ່ໆນີ້ໃຫ້ພະນັກງານສະມາ ຊິກພັກອົງການໄອຍະການປະຊາຊົນສູງສຸດ ຮັບຊາບ.

2016-01-12

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ