ການປະຖະກະຖາວັນສ້າງຕັ້ງອົງການໄອຍະການປະຊາຊົນ ຄົບຮອບ 26 ປີ ຢູ່ທີ່ອົງການໄອຍະການປະຊາຊົນແຂວງ ຫົວພັນ

       ໃນວັນທີ 08 ມັງກອນ 2016 ທີ່ ອົງການໄອຍະການປະຊາຊົນແຂວງ ຫົວພັນ ໄດ້ຈັດພິທີປະຖະກະຖາສະເຫຼີມສະຫຼອງວັນສ້າງຕັ້ງອົງການໄອຍະການປະຊາຊົນ ຄົບຮອບ 26 ປີ (09 ມັງກອນ 1990-09 ມັງກອນ 2016) ຂື້ນ. ໂດຍພາຍໃຕ້ການເປັນປະທານຂອງ ທ່ານ ພັນທະມິດ ພົນສະຫວັດດີ, ກໍາມະການແຂວງ, ເລຂາໜ່ວຍພັກ, ຫົວໜ້າອົງການໄອຍະການປະຊາຊົນແຂວງຫົວພັນ ພ້ອມດ້ອວອົງການໄອຍະການປະຊາ ຊົນ 2 ເຂດ, ພະນັກງານອົງການໄອຍະການທະຫານແຂວງຫົວພັນ ແລະ ພະນັກງານ-ລັດຖະກອນ ເຂົ້າຮ່ວມທັງໝົດ 59 ທ່ານ, ຍິງ 19 ທ່ານ.

         ໃນໂອກາດສະເຫຼີມສະຫຼອງ ວັນສ້າງຕັ້ງອົງການໄອຍະການປະຊາຊົນ ເພື່ອສ້າງບັນຍາກາດ ຍັງໄດ້ສ້າງຂະບວນການແຂ່ງຂັນກິລາເປຕັງ ລະຫ່ວາງ ອົງການໄຍຍະການປະຊາຊົນແຂວງ, ອົງການໄອຍະການປະຊາຊົນເຂດທັງ 02 ເຂດ ແລະ ອົງການໄອຍະການທະຫານແຂວງ ຫົວພັນ. ການແຂ່ງຂັນແມ່ນດໍາເນີນໄປດ້ວຍບັນຍາກາດຢ່າງເປັນຂະບວນຟົດຟື້ນ ແລະ ເຕັມໄປດ້ວຍຄວາມໝາຍສໍາຄັນ.

 

2016-01-18

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ