ພິທີເປີດຊຸດຝຶກອົບຮົມວຽກງານໄອຍະການ ໃຫ້ຜູ່ຊ່ວຍພະນັກງານໄອຍະການປະຊາຊົນ ທີ່ຈະເລື່ອນເປັນພະນັກ ງານໄອຍະການປະຊາຊົນຂັ້ນ3.

ໃນຕອນເຊົ້າວັນທີ່ 12 ມັງກອນ 2016 ທີ່ ສະຖາບັນຄົ້ນຄ້ວາ ແລະ ຝຶກອົບຮົມໄອຍະການໄດ້ເປີດຊຸດຝຶກອົບຮົມວຽກງານໄອຍະການ ໃຫ້ແກ່ຜູ່ຊ່ວຍພະນັກງານໄອຍະການຂອງອົງການໄອຍະການປະຊາຊົນຂັ້ນ 3 ໃນຂອບເຂດທົ່ວປະເທດ. ພາຍໃຕ້ການເຂົ້າຮ່ວມເປັນປະທານໂດຍ ທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ, ມີບັນດາຄະນະພັກ-ຄະນະນຳ, ຫົວໜ້າກົມ-ຫ້ອງການອົງການໄອຍະການປະຊາຊົນສູງສຸດ, ອົງການໄອຍະການພາກກາງ, ອົງການໄອຍະການປະຊາຊົນນະຄອນຫຼວງວຽງຈັນ ແລະ ພະນັກງານ - ລັດຖະກອນເຂົ້າຮ່ວມທັງໝົດຈໍານວນ 50 ທ່ານ, ຍິງ 9 ທ່ານ.

ທ່ານ ນາງ ພອນເພັດ ອຸ່ນແກ້ວ ຫົວໜ້າສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ໄດ້ກ່າວເຖິງຈຸດປະສົງການຝຶກອົບຮົມວ່າ: ການຝຶກອົບຮົມວຽກງານໄອຍະການໃຫ້ແກ່ຜູ່ຊ່ວຍພະນັກງານໄອຍະການປະຊາຊົນ ກໍ່ເພື່ອເປັນການທົບທວນບາງຫຼັກມູນພື້ນຖານທາງດ້ານທິດສະດີ, ບັນດາຫຼັກການຂອງກົດໝາຍ ແລະ ພາກປະຕິບັດຕົວຈິງຄືນ ເພື່ອສ້າງເງື່ອນໄຂໃຫ້ແກ່ຜູ່ຊ່ວຍພະນັກງານໄອຍະການໄດ້ມີໂອກາດຍົກລະດັບຄວາມຮູ້ທາງດ້ານທິດສະດີ, ຄວາມສາມາດໃນການປະຕິບັດຕົວຈິງໃນການປະຕິບັດກົດໝາຍ ເພື່ອນຳໄປໝູນໃຊ້ເຂົ້າໃນການປະຕິບັດວຽກງານວິຊາສະເພາະຢູ່ຂັ້ນສູນກາງ ແລະ ທ້ອງຖິ່ນໃຫ້ສອດຄ່ອງຕາມກົດໝາຍ ແລະ ມີຄວາມເປັນເອກະພາບ ໃນພິທີເປີດຊຸດຝຶກອົບຮົມຕາງໜ້າໃຫ້ຄະນະພັກຄະນະນຳອົງການໄອຍະການປະຊາຊົນສູງສຸດ, ທ່ານ ໄຊຊະນະ ໂຄດພູທອນ ໄດ້ມີຄຳເຫັນຊີ້ນຳເພື່ອເຮັດໃຫ້ການຝຶກອົບຮົມວຽກງານໄອຍະການໄດ້ຮັບໝາກຜົນດີຄະນະຊີ້ນຳສະຖາບັນຄົ້ນຄ້ວາ ແລະ ຝຶກອົບຮົມໄອຍະການ, ບັນດາຄູ-ອາຈານຕ້ອງຖືເອົາການຄຸ້ມຄອງ ແລະ ຮັບໃຊ້ການຝຶກອົບຮົມເປັນບັນຫາສຳຄັນທຸກຄົນຕ້ອງມີຄວາມຮັບຜິດຊອບສູງປະກອບສ່ວນຈັດຕັ້ງປະຕິບັດໂຄງການ, ແຜນການ ແລະ ກິດຈະກຳທີ່ໄດ້ວາງໄວ້ໃຫ້ໄດ້ຮັບຜົນດີເອົາໃຈໃສ່ໃນການຍົກລະດັບຕົນເອງໃຫ້ຮັບປະກັນຄຸນນະພາບດີຂື້ນ, ກຳແໜ້ນດ້ານວຽກງານວິຊາສະເພາະ ແລະ ສີ່ງສຳຄັນຕ້ອງມີຄວາມສາມັກຄີຊ່ວຍເຫລືອເຊີ່ງກັນ ແລະ ກັນເພື່ອຮັບປະກັນໃຫ້ການປະຕິບັດໜ້າທີ່ຕົວຈີງມີຜົນສຳເລັດຕາມຄາດໝາຍທີ່ວາງໄວ້.

2016-01-18

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ