ຄະນະຜູ່ແທນ ສສ ຫວຽດນາມ ເຂົ້າຢ້ຽມຂໍ່ານັບຄະນະນຳ ອົງການໄອຍະການປະຊາຊົນສູງສຸດ.

ວັນທີ່ 12 ມັງກອນ 2016 ຄະນະຜູ່ແທນ ສສ. ຫວຽດນາມ ນຳໂດຍ ທ່ານ ມາຍ ເທ່ໄບ່ (Mai The Bay) ຮອງຫົວໜ້າກົມພົວພັນຕ່າງປະເທດ ແລະ ຮ່ວມມືທາງອາຍາພ້ອມດ້ວຍຄະນະຜູ່ແທນ 03 ທ່ານ ໄດ້ເດີນທາງມາຢ່ຽມຂໍ່ານັບຄະນະນຳອົງການໄອຍະການປະຊາຊົນສູງສຸດຊຶ່ງໄດ້ຮັບການຕ້ອນຮັບໂດຍ ທ່ານບຸນຍັງ ຈັນດາລາສານ ຮອງຫົວໜ້າອົງການໄອຍະການປະຊາຊົນສູງສຸດ ພ້ອມດ້ວຍຄະນະຫ້ອງການ ແລະ ຂັ້ນກົມຈຳນວນໜື່ງ.

ເນື່ອງໃນໂອກາດຕ້ອນຮັບ ແລະ ພົບປະໃນຄັ້ງນີ້ ທ່ານ ບຸນຍັງ ຈັນດາລາສານ ຮອງຫົວໜ້າອົງການໄອຍະການປະຊາຊົນສູງສຸດ ໄດ້ສະແດງຄວາມຊົມເຊີຍຍິນ​ດີຕ້ອນຮັບ ແລະ ສະຄວາມຂອບໃຈຕໍ່ຄະນະຜູ້ແທນດັ່ງກ່າວ ທີ່ເດີນທາງມາຢ້ຽມຢາມ ແລະ ​ເຮັດ​ວຽກໃນຄັ້ງນີ້ເຊິ່ງເປັນການປະກອບສ່ວນອັນ​ສໍາຄັນເຂົ້າໃນການເສີມ​ຂະຫຍາຍ​ສາຍ​ພົວພັນ​ມິດຕະພາບໃຫ້​ແໜ້ນ​ແຟ້ນຍິ່ງໆ​ຂຶ້ນ. ໃນໂອກາດດັ່ງກ່າວທ່ານ ມາຍ ເທ່ໄບ່ ຮອງຫົວໜ້າກົມພົວພັນຕ່າງປະເທດ ແລະ ຮ່ວມມືທາງອາຍາ ໄດ້ຕາງໜ້າຄະນະສະແດງຄວາມຂອບໃຈຕໍ່ ທ່ານ ບຸນຍັງ ຈັນດາລາສານ ຮອງຫົວໜ້າອົງການໄອຍະການປະຊາຊົນສູງສຸດ ທີ່ ໄດ້ໃຫ້ການຕ້ອນຮັບຢ່າງອົບອຸ່ນພ້ອມທັງລາຍງານການມາ​ເຮັດ​ວຽກ​ໃນ​ຄັ້ງ​ນີ້ໃຫ້ທາງຄະນະນຳອົງການໄອຍະການສູງສຸດໄດ້ຮັບຊາບ.

2016-01-18

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ