ປະຖະກະຖາວັນສາກົນຢຸດຕິຄວາມຮຸນແຮງຕໍ່ແມ່ຍິງ 25 ພະຈິກຢູ່ອົງການໄອຍະການປະຊາຊົນສູງສຸດ.

ໃນຕອນເຊົ້າວັນທີ່ 13 ມັງກອນ 2016 ທີ່ ອົງການໄອຍະການປະຊາຊົນສູງສຸດ ໄດ້ເປີດພິທີປະຖະກະຖາວັນສາກົນຢຸດຕິຄວາມຮຸນແຮງຕໍ່ແມ່ຍິງວັນທີ 25 ພະຈິກຂື້ນ ໂດຍພາຍໃຕ້ການເປັນປະທານຂອງ ທ່ານ ບຸນຍັງ ຈັນດາລາສານ ຮອງຫົວໜ້າອົງການໄອຍະການປະຊາຊົນສູງສຸດ ແລະ ທ່ານ ນາງ ໂສດາຈັນ ພອນທິບ ຫົວໜ້າກອງເລຂາຄະນະກຳມະທິການ ເພື່ອຄວາມກ້າວໜ້າແມ່ຍິງແຫ່ງຊາດ ໄດ້ໃຫ້ກຽດເຜີຍແຜ່; ເຂົ້າຮ່ວມຟັງມີຄະນະພັກ, ຄະນະນຳອົງການໄອຍະການປະຊາຊົນສູງສຸດ, ບັນດາຫົວໜ້າກົມ, ຮອງຫົວໜ້າກົມ-ຫ້ອງການ, ອົງ ການໄອຍະການພາກກາງ ແລະ ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານ, ວິຊາການທັງໝົດເຂົ້າຮ່ວມ.

     ທ່ານ ນາງ ໂສດາຈັນ ພອນທິບ ຫົວໜ້າ ກອງເລຂາຄະນະກຳມະທິການເພື່ອຄວາມກ້າວໜ້າແມ່ຍິງແຫ່ງຊາດ ໄດ້ກ່າວປະຖະກະຖາ ເອກະສານການຈັດຕັ້ງການເຄື່ອນໄຫວຂອງຄະນະກຳມາທິການ ເພື່ອຄວາມກ້າວໜ້າຂອງແມ່ຍິງແຫ່ງຊາດ ການຈັດຕັ້ງການເຄື່ອນໄຫວ ຂອງຄະນະກຳມາທິການເພື່ອຄວາມກ້າວໜ້າຂອງແມ່ຍິງແຕ່ລະຂັ້ນກົນໄກລະດັບຊາດທີ່ເຮັດວຽກສົ່ງເສີມຄວາມກ້າວໜ້າຂອງແມ່ຍິງໃນ ສ.ປ.ປ ລາວ. ເອກະສານວິໄສທັດຮອດປີຍຸດທະສາດແຫ່ງຊາດເພື່ອຄວາມສະເໝີພາບຍິງ-ຊາຍໄລຍະ 10 ປີ (2016-2025) ແລະ ແຜນດຳເນີນງານແຫ່ງຊາດ ເພື່ອຄວາມສະເໝີພາບຍິງ-ຊາຍ 5 ປີຄັ້ງທີ III (2016-2020). ພ້ອມກັນນີ້ຍັງໄດ້ມີການເຜີຍແຜ່ເອກະສານປະຫວັດຄວາມເປັນມາຂອງວັນສາກົນຢຸດຕິຄວາມຮຸນແຮງຕໍ່ແມ່ຍິງ ວັນທີ 25 ພະຈິກສົນທິສັນຍາສາກົນວ່າດ້ວຍການລຶບລ້າງທຸກຮູບການຈຳແນກຕໍ່ແມ່ຍິງຊີດໍ) ແຜນດຳເນີນງານແຫ່ງຊາດກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະເດັກນ້ອຍ (2014-2020) ແລະ ເອກະສານກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍໃນ ສ.ປ.ປ ລາວ. ນອກຈາກນັ້ນ  ທ່ານ ນາງ ໂສດາຈັນ ພອນທິບ ຫົວໜ້າກອງເລຂາຄະນະກຳມະທິການເພື່ອຄວາມກ້າວໜ້າແມ່ຍິງແຫ່ງຊາດ ຍັງໄດ້ກ່າວວ່າວັນສາກົນຢຸດຕິຄວາມຮຸນແຮງຕໍ່ແມ່ຍິງມີພາລະບົດບາດສຳຄັນໃນການສົ່ງເສີມຄວາກ້າວໜ້າຂອງແມ່ຍິງເພ່ື່ອຮັບປະກັນທັດສະນະບົດບາດຍິງ-ຊາຍໄດ້ຖືກສະທ້ອນ ແລະ ນຳເຂົ້າໃນໃນຂະບວນການທາງດ້ານກົດໝາຍເພື່ອປົກປ້ອງສິດ ແລະ ຮັບປະກັນຜົນປະໂຫຍດຂອງແມ່ຍິງລາວການໃຊ້ຄວາມຮຸນແຮງຕໍ່ແມ່ຍິງໂດຍຮຽກຮ້ອງໃຫ້ລັດມີຄວາມຮັບຜິດຊອບ ໃນການດຳເນີນງານເພື່ອປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ.

2016-01-19

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ