ອົງການໄອຍະການປະຊາຊົນສູງສຸດຈັດພິທີປະຖະກະຖາວັນສ້າງຕັ້ງອົງການສະຫະພັນກຳບານ ຄົບຮອບ 60 ປີ (1/2/1956 – 1/2/2016)

ໃນຕອນເຊົ້າວັນທີ່26 ມັງກອນ 2016 ຢູ່ທີ່ອົງການໄອຍະການປະຊາຊົນສູງສຸດໄດ້ຈັດພິທີປະຖາກະຖາ ວັນສ້າງຕັ້ງສະຫະພັນກຳມະ ບານລາວຄົບຮອບ 60 ປີພາຍໃຕ້ການເປັນປະທານຂອງທ່ານສີມູນອຸ່ນລາສີຮອງປະທານສູນກາງສະຫະພັນກຳມະບານລາວໄດ້ໃຫ້ກຽດເຜີຍແຜ່; ເຂົ້າຮ່ວມຟັງປະຖະກະຖາຄັ້ງນີ້ມີຄະນະພັກ, ຄະ ນະນຳອົງການໄອຍະການປະຊາຊົນສູງສຸດ, ບັນດາຫົວໜ້າກົມ, ຮອງຫົວ ໜ້າກົມ-ຫ້ອງການ, ອົງການໄອຍະການພາກກາງ ແລະ ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານ, ວິຊາການທັງໝົດເຂົ້າຮ່ວມ.

ທ່ານ ສີມູນ ອຸ່ນລາສີ ຮອງປະທານ ສູນກາງສະຫະພັນກຳມະບານລາວ ໄດ້ເລົ່າຄືນປະຫວັດຄວາມເປັນມາຂອງວັນສ້າງຕັ້ງກຳມະ ບານລາວ ໃນວັນທີ1 ກຸມພາ1956, ຊຶ່ງແມ່ນອົງການຈັດຕັ້ງມະຫາຊົນ ທີ່ ແມ່ນພັກເປັນຜູ້ສ້າງຕັ້ງ ແລະ ນຳພາຢ່າງຮອບດ້ານຕະຫຼອດໄລຍະປີ ໂດຍຜ່ານສອງໄລຍະ ຄື: ຕໍ່ສູ້ປົດປ່ອຍປະເທດຊາດກ່ອນປີ1975 ແລະ ໄລຍະການປົກປັກຮັກສາ ແລະ ກໍ່ສ້າງລະບອບໃໝ່ ຈົນເຖີງປະຈຸບັນ ທ່ານໄດ້ຍົກໃຫ້ເຫັນມູນເຊື້ອ ແລະ ຜົນງານຂອງສະຫະພັນກຳມະບານລາວ ທີ່ໄດ້ປະກອບສ່ວນໃນພາລະກິດປົກປັກຮັກສາ ແລະ ພັດທະນາປະເທດຊາດຕະຫຼອດໄລຍະ 60 ປີຜ່ານມາ ພ້ອມກັນນັ້ນເພື່ອເປັນການຊົມເຊີຍກອງປະຊຸມໃຫ່ຍກຳມະບານຄັ້ງທີVII ແລະ ກອງປະຊຸມໃຫ່ຍຄັ້ງທີ X ຂອງພັກປະຊາຊົນປະຕິວັດລາວ. ທ່ານໄດ້ຮຽກຮ້ອງໃຫ້ສະມາຊິກກຳມະບານ ອົງການໄອຍະການປະຊາຊົນສູງສຸດ ເພີ່ມທະວີຫຼັກໝັ້ນຊົນຊັ້ນກຳມະກອນຝຶກຝົນຫຼໍ່ຫຼອມຕົນເອງທາງດ້ານຄຸນສົມບັດສິນທຳປະຕິວັດຕັ້ງໜ້າຮໍ່າຮຽນແນວທາງນະໂຍ ບາຍຂອງພັກທີ່ໄດ້ວາງອອກເວົ້າລວມເປັນຕົ້ນ ແມ່ນການຈັດ ຕັ້ງຜັນຂະຫຍາຍ ມະຕິກອງປະຊຸມໃຫ່ຍກຳມະບານຄັ້ງທີ VII ໃຫ້ເຂົ້າສູ່ວຽກງານຕົວຈີງຂອງສະຫະພັນກຳມະບານຂອງ ອົງການ ໄອຍະການປະຊາຊົນ ແລະ ຮຽກຮ້ອງໃຫ້ສະມາຊິກກຳມະບານທຸກຄົນຕ້ອງເພີ່ມທະວີຍົກລະດັບຄວາມຮູ້ຄວາມສາມາດດ້ານເຕັກນິກວິທະຍາການໃໝ່ເພື່ອຕອບສະໜອງໜ້າທີ່ວຽກງານຂອງຕົນ ແລະ ເຮັດສຳເລັດໜ້າທີ່ ທີ່ຂັ້ນເທີງມອບໝາຍໃຫ້.

2016-02-04

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ