ອົງການໄອຍະການປະຊາຊົນສູງສຸດ ເຜີຍແຜ່ຜົນສໍາເລັດຂອງກອງປະຊຸມໃຫ່ຍຄັ້ງທີ່ X ຂອງພັກ ແລະ ຈັດຕັ້ງພິທີມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນໍາພາຮອບດ້ານ

ໃນຕອນເຊົ້າຂອງວັນທີ 5 ກຸມພາ ປີ 2016, ຄະນະພັກອົງການໄອຍະການປະຊາຊົນສູງສຸດ ໄດ້ເຜີຍແຜ່ຜົນສໍາເລັດຂອງກອງປະຊຸມໃຫ່ຍຄັ້ງທີ່ຂອງພັກ ແລະ ຈັດຕັ້ງພິທີມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນໍາພາຮອບດ້ານໃຫ້ບັນດາໜ່ວຍພັກ ທີ່ ຂື້ນກັບຄະນະຂັ້ນຂອງຕົນ ທີ່ ຫ້ອງປະຊຸມໃຫ່ຍຂອງສໍານັກງານອົງການໄອຍະການປະຊາຊົນສູງສຸດ ໂດຍພາຍໃຕ້ການເປັນປະທານ ຂອງ ສະຫາຍ ຄໍາສານ ສຸວົງ ກໍາມະການສູນກາງພັກ, ເລຂາຄະນະພັກ, ຫົວໜ້າອົງການໄອຍະການປະຊາຊົນສູງສຸດ; ມີບັນດາສະຫາຍຄະນະພັກ, ຄະນະໜ່ວຍພັກພ້ອມດ້ວຍບັນດາສະຫາຍສະມາຊິກພັກສົມບູນ ແລະ ສໍາຮອງທັງໝົດຈໍານວນ 100 ກ່ວາສະຫາຍເຂົ້າຮ່ວມ

      ໃນການເຜີຍແຜ່ໃນຄັ້ງນີ້ ສະຫາຍ ຄໍາສານ ສຸວົງ ໄດ້ຍົກໃຫ້ເຫັນເນື້ອໃນຈິດໃຈລວມ ຊື່ງກອງປະຊຸມໄດ້ຕີລາຄາຄືນຜົນສໍາເລັດແຫ່ງການຈັດຕັ້ງປະຕິບັດກອງປະຊຸມໃຫ່ຍຜູ່ແທນທົ່ວປະເທດຄັ້ງທີ IX ຂອງພັກຕະຫຼອດໄລຍະ 5 ປີ ຜ່ານມາ ເຊິ່ງເຫັນວ່າມີຫຼາຍດ້ານ ທີ່ພົ້ນເດັ່ນໂດຍສະແດງອອກດ້ານສະຖຽນລະພາບທາງດ້ານການເມືອງມີຄວາມເຂັ້ມແຂງໜັກແໜ້ນ, ສັງຄົມມີຄວາມສະຫງົບ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ວັດທະນາທໍາ ໄດ້ຮັບການຊຸກຍູ້ສົ່ງເສີມເປັນກ້າວໆ, ດ້ານສຶກສາ, ສາທາລະນະສຸກ ກໍ່ໄດ້ມີອັນພົ້ນເດັ່ນພື້ນຖານໂຄງລ່າງ ໄດ້ຮັບການພັດທະນາຢ່າງກ້າວກະໂດດຜົນສໍາເລັດດັ່ງກ່າວນີ້ ແມ່ນໄດ້ມາຍ້ອນແນວທາງອັນຖືກຕ້ອງຂອງພັກ ໄດ້ຮັບການເຂົ້າຮ່ວມຈັດຕັ້ງປະຕິບັດຂອງປວງຊົນລາວທັງຊາດ ພ້ອມທັງໄດ້ຮັບການສະໜັບສະໜູນຈາກປະເທດເພື່ອນມິດ-ສາກົນ ທີ່ ເຂົ້າມາລົງທຶນພັດທະນາຢ່າງຫຼວງຫຼາຍ. ດັ່ງຄວາມເວົ້າຂອງ ສະຫຍາຍ ຈູມມາລີ ໄຊຍະສອນ ເລຂາທິການໃຫ່ຍ ຄະນະບໍລິຫານງານສູນກາງພັກຄັ້ງທີ່ໄດ້ເວົ້າວ່າ: ບໍ່ມີຍຸກໃດ ສະໄໝໃດ ຈະເລີນຮຸງ່ເຮືອງກ້າວໜ້າກວ່າຍຸກນີ້. ໄປພ້ອມນັ້ນທ່ານກໍ່ຍັງໄດ້ຍົກໃຫ້ເຫັນຜົນສໍາເລັດຂອງກອງປະຊຸມໃຫ່ຍຂອງພັກຄັ້ງທີ່ ທີ່ໄດ້ຮັບຮອງເອົາແນວທາງນະໂຍບາຍ ຂອງພັກໃນການຍົກສູງຄວາມສາມາດນໍາພາ ແລະ ລັກສະນະນໍາໜ້າທີ່ຂອງພັກປະຊາຊົນປະຕິວັດລາວຢ່າງໜັກແໜ້ນເພື່ອນໍາພາປະເທດຊາດກ້າວຂື້ນ, ປະເທດກໍາລັງພັດທະນາ ທີ່ ມີລາຍຮັບປານກາງສູງໃນໂອກາດນີ້ ສະຫາຍ ຄໍາສານ ສຸວົງ ໄດ້ຮຽກຮ້ອງໃຫ້ຄະນະພັກອົງການ, ຄະນະໜ່ວຍພັກ ແລະ ບັນດາສະຫາຍສະມາຊິກພັກທັງໝົດຈົ່ງພ້ອມກັນຄົ້ນຄ້ວາເຊື່ອມຊຶມແນວທາງນະໂນບາຍ ແລະ ມະຕິຂອງກອງປະຊຸມໃຫ່ຍ ຄັ້ງທີ່ X ໃຫ້ເລິກເຊິ່ງ, ໜັກແໜ້ນແລ້ວນໍາມາຜັນຂະຫຍາຍຈັດຕັ້ງປະຕິບັດໃນໜ້າທີ່ວຽກງານຂອງຕົນຢ່າງຕັ້ງໜ້າ.

ໃນໂອກາດດຽວກັນນີ້, ຄະນະພັກອົງການໄອຍະການປະຊາຊົນສູງສຸດ ຍັງໄດ້ມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນໍາພາຮອບດ້ານໃຫ້ 06 ໜ່ວຍພັກ ຄື: ໜ່ວຍພັກກົມຈັດຕັ້ງ-ພະນັກງານ, ໜ່ວຍພັກຫ້ອງການ, ໜ່ວຍພັກກົມກວດກາຄະດີອາຍາ, ໜ່ວຍພັກກົມກວດກາ, ໜ່ວຍພັກກົມກວດກາຄ້າຍຂຸມຂັງ-ດັດສ້າງ ແລະ ໜ່ວຍພັກກົມການເງີນ ທີ່ ສາມາດບັນລຸເປັນໜ່ວຍພັກເຂັ້ມແຂງ-ຮູ້ນໍາພາຮອບດ້ານໃນສົກປີ 2014-2015 ໂດຍໃຫ້ກຽດມອບໂດຍ ທ່ານ ຄໍາສານ ສຸວົງ, ກໍາມະການສູນກາງພັກ, ເລຂາຄະນະພັກ, ຫົວໜ້າອົງການໄອຍະການປະຊາຊົນສູງສຸດ.

2016-02-10

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ