ອົງການໄອຍະການປະຊາຊົນສູງສຸດເຜີຍແຜ່ບັນດາເອກະສານຕ່າງໆພົວພັນເຖິງການເລືອກຕັ້ງສະມາຊິກສະພາແຫ່ງຊາດຊຸດທີ VIII ແລະ ສະມາຊິກສະພາປະຊາຊົນແຂວງຂັ້ນຄັ້ງວັນທີ 29 ກຸມພາ 2016.

        ໃນ​ຕອນ​ເຊົ້າ​ວັນ​ທີ 29  ກຸມພາ 2016, ອົງການໄອຍະການປະຊາຊົນສູງສຸດ ​ໄດ້​ຈັດ​ຕັ້ງ​ກອງ​ປະຊຸມ​ການຈັດ​ຕັ້ງ​​ເຜີຍ​ແຜ່​ບັນດາ​ນິຕິ​ກຳ​ຕ່າງໆພົວພັນ​ເຖິງ​ການ​ເລືອກ​ຕັ້ງ​ສະມາຊິກ​ສະພາ​ແຫ່ງ​ຊາດ​ຊຸດ ​ທີ VIII ​ແລະ ສະມາຊິກ​ສະພາ​ປະຊາຊົນຂັ້ນ​ແຂວງ​ ​ໂດຍ​ການເປັນ​ປະທານ ທ່ານ ຄຳ​ສານ ສຸ​ວົງ ກຳມະການ​ສູນ​ກາງ​ພັກ, ​ເລຂາ​ຄະນະ​ພັກ, ຫົວໜ້າອົງການ​ໄອ​ຍະ​ການ​ປະຊາຊົນ​ສູງ​ສຸດ ​ໄດ້​ໃຫ້ກຽດ​ເຜີຍ​ແຜ່ມີ​ຄະນະ​ພັກ-ຄະນະ​ນຳ, ຫົວໜ້າ ແລະ ຮອງຫ້ອງການ, ບັນດາ​ຫົວໜ້າກົມ, ຮອງຫົວໜ້າກົມ, ອົງການ​ໄອ​ຍະ​ການປະຊາຊົນ​ພາກ​ກາງ, ສະ​ຖາ​ບັນ​ຄົ້ນ​ຄ້ວາ ​ແລະ ຝຶກ​ອົບຮົມ​ໄອ​ຍະ​ການ ​ແລະ ພະນັກງານ​-ລັດຖະກອນທັງໝົດ​ເຂົ້າ​ຮ່ວມຈຳນວນຫຼາຍກວ່າ 100 ຄົນ.

          ທ່ານ ຄໍາ​ສານ ສຸ​ວົງ ກຳມະການ​ສູນ​ກາງ​ພັກ, ​ເລຂາ​ຄະນະ​ພັກ, ຫົວໜ້າອົງການ​ໄອ​ຍະ​ການ​ປະຊາຊົນ​ສູງ​ສຸດ ພ້ອມກັບ ທ່ານ ໄຊຊະນະ ໂຄດພູທອນ ຮອງເລຂາພັກ, ຮອງຫົວໜ້າອົງການໄອຍະການປະຊາຊົນສູງສຸດ ​​ໄດ້​ເຜີຍ​​ແຜ່​ເອກະສານ​ມະຕິ​ຂໍ້​ຕົກລົງ​ຂອງ​ກົມ​ການ​ເມືອງ​ສູນ​ກາງ​ພັກວ່າ​ດ້ວຍ​ການ​ເພີ່ມ​ທະວີ​ການ​ຊີ້​ນຳໆພາ​ຂອງ​ພັກ​ຕໍ່ການ​ເລືອກ​ຕັ້ງ​ສະມາຊິກ​ສະພາ​ແຫ່ງ​ຊາດ​ຊຸດ​ທີ VIII ​ແລະ ສະມາຊິກ​ສະພາ​ປະຊາຊົນ​ແຂວງ, ນະຄ​ອນຫຼວງວຽງຈັນ ​ໄລຍະ 2016-2020. ເອກະສານ 40 ປີ ພາຍໃຕ້ການນໍາພາຂອງພັກ, ບັນດາເອກະສານທີ່ເປັນບົດແນະນຳກ່ຽວກັບການຈັດຕັ້ງການດຳເນີນການເລືອກຕັ້ງສະພາແຫ່ງຊາດຊຸດທີ່ VIII ແລະ ສະພາປະຊາຊົນຂັ້ນແຂວງ, ນະຄອນ ຫຼວງ, ການເຜີຍແຜ່ບັນດາເອກະສານດັ່ງກ່າວຂ້າງເທິງໄດ້ເຮັດໃຫ້ສະມາຊິກພັກ ພະນັກງານ-ລັດຖະກອນ ທີ່ເຂົ້າຮ່ວມທັງໝົດໄດ້ເຫັນພາລະບົດບາດ, ສິດ ແລະ ໜ້າທີ່ຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງພ້ອມທັງກຳແໜ້ນຢ່າງເລີກເຊີ່ງຕໍ່ຄວາມໝາຍຄວາມສໍາຄັນໃນການເຂົ້າຮ່ວມການເລືອກຕັ້ງດັ່ງກ່າວ, ພ້ອມກັນນັ້ນກໍ່ໄດ້ເຫັນບົດບາດອັນສໍາຄັນຂອງການນໍາພາຂອງພັກໃນຕະຫລອດໄລຍະ 40 ປີ ຂອງການປົກປັກຮັກສາ ແລະ ກໍ່ສ້າງລະບອບໃໝ່ ສ.ປ.ປ ລາວ.

 

2016-03-21

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ