ຄະນະຜູ່ແທນຂັ້ນສູງຂອງອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມໄດ້ປະຖະກະຖາ: ຜົນສຳເລັດ ແລະ ບົດຮຽນໃນການເປັນເຈົ້າ ພາບຈັດກອງປະຊຸມຫົວໜ້າອົງການໄອຍະການສູງສຸດ ຈີນ - ອາຊຽນ ຄັ້ງທີ VI ຂອງ ສສ ຫວຽດນາມ.

ໃນວັນທີ ມີນາ 2016 ທີ່ ອົງການໄອຍະການປະຊາຊົນສູງສຸດ ໄດ້ເປີດພິທີປະຖາກະຖາໂດຍການເປັນປະທານຂອງເຈີ້ນກົງຟ້ານຮອງອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ, ເຂົ້າຮ່ວມຟັງມີຄະນະພັກ, ຄະນະນໍາອົງການໄອຍະການປະຊາຊົນສູງສຸດ, ບັນດາຫົວໜ້າກົມ, ຮອງຫົວໜ້າກົມ ແລະ ຫົວໜ້າຫ້ອງການ, ຫົວໜ້າຮອງຫົວໜ້າພະແນກພ້ອມດ້ວຍວິຊາການ ທີກ່ຽວຂ້ອງຈຳນວນໜື່ງເຂົ້າຮ່ວມ.

ຫົວໜ້າກົມພົວພັນຕ່າງປະເທດ ຂອງ ອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ກຽດເຜີຍແຜ່ລາຍລະອຽດກ່ຽວກັບຜົນສຳເລັດໃນການເປັນເຈົ້າພາບຈັດກອງປະຊຸມຫົວໜ້າອົງການໄອຍະການສູງສຸດ ຈີນ-ອາຊຽນ ຄັ້ງທີ່ໃນປີ 2009 ແລກປ່ຽນບົດຮຽນນຳກັນໃນການກະກຽມຄວາມພ້ອມດ້ານຕ່າງໆ ແລະ ການຮັບໃຊ້ກອງປະຊຸມ ຫົວໜ້າອົງການໄອຍະການສູງສຸດ ຈີນ-ອາຊຽນ ຄັ້ງທີ່ X ທີ່ ອົງການໄອຍະການປະຊາຊົນສູງສຸດຂອງລາວຈະໄດ້ເປັນເຈົ້າພາບໃນການຈັດກອງປະຊຸມໃນຄັ້ງນີ້. ຊຶ່ງເປັນກອງປະຊຸມເພື່ອແນ່ໃສ່ການເພີ້ມສາຍພົວພັນຮ່ວມມືມິດຕະພາບ ລະຫວ່າງ ບັນດາປະເທດ ອາຊຽນ ແລະ ຈີນ ເພີ້ມທະວີໃນການປະສານສົມທົບຕ້ານ ແລະ ສະກັດກັ້ນອາຊະຍາກຳ, ໂດຍສະເພາະແມ່ນອາຊະຍາກຳຂ້າມຊາດ; ກອງປະຊຸມໄດ້ສະແດງໃຫ້ເຫັນເຖິງຈຸດປະສົງການຮ່ວມມືຂອງ ອົງການໄອຍະການບັນດາປະເທດ ອາຊຽນ ແລະ ຈີນ ໃນການປະກອບສ່ວນສ້າງສາຍພົວພັນຮອບດ້ານບົນພື້ນຖານຖະແຫລງການຮ່ວມ ອາຊຽນ-ຈີນ ວ່າດ້ວຍການຮ່ວມມືໃນບັນດາຂົງເຂດຄວາມສະຫງົບທີ່ບໍ່ມີມູນເຊື້ອ (ເດືອນ11/2002) ແລະ ຖະແຫລງການຮ່ວມຂອງອາຊຽນ-ຈີນ ວ່າດ້ວຍການພົວພັນຄູ່ຍຸດທະສາດເພື່ອສັນຕິພາບ ແລະ ວັດທະນາຖາວອນ (ເດືອນ10/2003). ການປະຖະກະຖາໃນຄັ້ງນີ້ສຸດທີ່ມີຄວາມໝາຍສຳຄັນ ແລະ ມັນເປັນການຖ່າຍທອດບົດຮຽນໃນການເປັນເຈົ້າພາບຈັດກອງປະຊຸມ ຫົວໜ້າ ອົງການໄອຍະການ ຈີນ-ອາຊຽນ ທີ່ ອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ເປັນເຈົ້າພາບໃຫ້ແກ່ ອົງການໄອຍະການປະຊາຊົນສູງສຸດຂອງລາວເພື່ອການກະກຽມຈັດກອງປະຊຸມ ຫົວໜ້າ ອົງການໄອຍະການ ຈີນ-ອາຊຽນ ຄັ້ງທີ X ໃນທ້າຍປີ 2016.

2016-03-24

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ