ອົງການໄອຍະການປະຊາຊົນສູງສຸດໄດ້ເປີດພິທີປະຖະກະຖາວັນສະເຫລີມສະຫລອງວັນສ້າງຕັ້ງອົງການກວດກາພັກ - ລັດ ຄົບຮອບ 34 ປີ (16 ກຸມພາ 1982 -16 ກຸມພາ 2016)

       ໃນວັນທີ 16 ມີນາ ທີ່ ອົງການໄອຍະການປະຊາຊົນສູງສຸດ ໄດ້ເປີດພິທີປະຖະກະຖາວັນສະເຫລີມສະຫລອງວັນສ້າງຕັ້ງອົງການກວດກາພັກລັດຄົບຮອບ ປີ (16 ກຸມພາ 1982 ຫາ 16 ກຸມພາ 2016) ໂດຍໃຫ້ກຽດເປັນປະທານ ທ່ານ ບຸນປອນ ສັງສົມສັກ ຮອງປະທານອົງການກວດກາພັກລັດຖະບານມີຄະນະພັກ,ຄະນະນຳຫົວໜ້າຫ້ອງການບັນດາຫົວໜ້າກົມ ຮອງຫົວໜ້າກົມ, ອົງການໄອຍະການປະຊາຊົນພາກກາງ ແລະ ສະຖາບັນຄົ້ນຄ້ວາຝຶກອົບຮົມໄອຍະການພ້ອມດ້ວຍພະນັກງານເຂົ້າຮ່ວມຮັບຟັງຫຼາຍກວ່າ.

        ໃນວາລະການປາຖະກະຖາຄັ້ງນີ້ ທ່ານ ບຸນປອນ ສັງສົມສັກ ຮອງປະທານອົງການກວດກາພັກໄດ້ທວນຄືນມູນເຊື້ອ ປະຫວັດຄວາມເປັນມາ ແລະ ການເຕີບໃຫ່ຍຂະຫຍາຍຕົວການເຄື່ອນໄຫວວຽກງານຂອງອົງການກວດກາພັກ-ລັດຕະຫຼອດໄລຍະປີ ທີ່ຜ່ານມາ ໃນນັ້ນໄດ້ຍົກໃຫ້ເຫັນຄວາມສໍາຄັນ ຂອງ ວຽກງານກວດກາ ເຊິ່ງພັກ-ລັດຍາມໃດກໍໃຫ້ຄວາມສໍາຄັນ ແລະ ມີທັດສະນະ ທີ່ຈະແຈ້ງຕໍ່ວຽກງານກວດກາຖືວຽກງານຕິດຕາມກວດກາເປັນໜື່ງໃນພາລະບົດບາດຕົ້ນຕໍແຫ່ງການນໍາພາຂອງພັກເຊິ່ງວຽກງານກວດກາແມ່ນວຽກງານທີ່ສອດຄ່ອງເຂົ້າໃນທຸກຂົງເຂດວຽກງານເປັນວຽກທີ່ຕ້ອງເຮັດເປັນປົກກະຕິ ແລະ ຂາດບໍ່ໄດ້ສໍາລັບການນໍາພາຂອງພັກ ແລະ ການຄຸ້ມຄອງບໍລິຫານຂອງລັດ ການຈັດຕັ້ງພັກ-ລັດທຸກຂັ້ນ ສະມາຊິກພັກພະນັກງານທຸກຄົນຕ້ອງຢູ່ພາຍໃຕ້ການຕິດຕາມກວດກາຂອງພັກ ສໍາລັບການສະກັດກັ້ນ ແລະການແກ້ໄຂການສໍ້ລາດບັງຫຼວງແມ່ນຄວາມຮັບຜິດຊອບໂດຍກົງຂອງພັກ-ລັດ ແລະ ຂອງທຸກການຈັດຕັ້ງໃນສັງຄົມ ເພາະວ່າບັນຫາດັ່ງກ່າວນີ້ໄດ້ກາຍເປັນບັນຫາລວມຂອງສາກົນ ແລະ ພາກພື້ນ ດັ່ງນັ້ນຄະນະບໍລິຫານງານພັກ ແຕ່ລະຂັ້ນກໍ່ຄືສະມາຊິກພັກຕະຫຼອດຮອດພະນັກງານທຸກຄົນພາຍໃນອົງການຕ້ອງເອົາໃຈໃສ່ຢ່າງຕັ້ງໜ້າ ແລະ ເຮັດໃຫ້ໄດ້ດີກວ່າເກົ່າ.

       ສໍາລັບເອກະສານ ທີ່ ນໍາມາເຜີຍແຜ່ໃນເທື່ອນີ້ປະກອບມີມູນເຊື້ອວັນສ້າງຕັ້ງອົງການກວດກາພັກ-ລັດ ແຫ່ງ ສ ປ ປ ລາວ, ການເຕີບໃຫ່ຍຂະຫຍາຍຕົວການເຄື່ອນໄຫວວຽກງານ ຂອງ ອົງການກວດກາພັກ-ລັດຕະຫຼອດໄລຍະ 34 ປີທີ່ຜ່ານມາ ທີ່ມີຄວາມໝາຍສໍາຄັນນີ້ຮຽກຮ້ອງມາຍັງຄະນະພັກຄະນະນໍາທຸກຂັ້ນໃຫ້ການຊີ້ນຳນຳພາດ້ານຕ່າງໆໃຫ້ຄະນະກວດກາຂອງຂັ້ນຕົນໄດ້ເຄື່ອນໄຫວປະຕິບັດພາລະບົດບາດໜ້າທີ່ຂອງຕົນເປັນຢ່າງດີເພື່ອໃຫ້ມະຫາຊົນໄດ້ຮັບຮູ້ ແລະ ເຂົ້າຮ່ວມເຮັດວຽກງານຕິດຕາມກວດກາຢ່າງແຂງແຮງ ແລະ ກ້ວາງຂວາງ

2016-04-01

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ