ອົງການໄອຍະການປະຊາຊົນສູງສຸດຈັດພິທີປະຖະກະຖາ ວັນສ້າງຕັ້ງອົງການສະຫະພັນແມ່ຍິງລາວ ຄົບຮອບ 61 ປີ (20 ກໍລະກົດ 1955-20 ກໍລະກົດ 2016) ຄັ້ງວັນທີ (27/07/2016)

        ໃນຕອນເຊົ້າວັນທີ່ 27 ກໍລະກົດ 2016 ຢູ່ທີ່ອົງການໄອຍະການປະຊາຊົນສູງສຸດ ໄດ້ຈັດພິທີປະຖາກະຖາຫວນຄືນມູນເຊື້ອການເຕີບໃຫ່ຍຂະຫຍາຍຕົວຂອງອົງການສະຫະພັນແມ່ຍິງລາວ ຄົບຮອບ 61 ປີ (20 ກໍລະກົດ 1955-20 ກໍລະກົດ 2016) ຂື້ນໃຫ້ກຽດເຜີຍແຜ່ເອກະສານໃນຄັ້ງນີ້ ທ່ານ ນ.ທຸມມະລີ ວົງພະຈັນ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ, ເຂົ້າຮ່ວມຟັງປະຖະກະຖາຄັ້ງນີ້ມີຄະນະພັກຄະນະນຳອົງການໄອຍະການປະຊາຊົນສູງສຸດ, ບັນດາຫົວໜ້າກົມ, ຮອງຫົວໜ້າກົມ - ຫ້ອງການ, ອົງການໄອຍະການພາກກາງ ແລະ ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານ, ເຂົ້າຮ່ວມ100 ກ່ວາຄົນ.

            ທ່ານ ຮອງປະທານຄະນະບໍລິຫານງານສູນກາງສະຫະແມ່ຍິງລາວ, ໄດ້ເລົ່າຄືນປະຫວັດຄວາມເປັນມາຂອງວັນສ້າງຕັ້ງສະຫະພັນແມ່ຍິງລາວ, ໃນວັນທີ 20 ກໍລະກົດ 1955, ຊຶ່ງແມ່ນອົງການຈັດຕັ້ງມະຫາຊົນ ທີ່ ແມ່ນພັກເປັນຜູ້ສ້າງຕັ້ງ ແລະ ນຳພາຢ່າງຮອບດ້ານຕະ ຫຼອດໄລຍະ 61 ປີ ໂດຍຜ່ານການຕໍ່ສູ້ປົດປ່ອຍປະເທດຊາດໄລຍະການປົກປັກຮັກສາມາຈົນເຖີງປະຈຸບັນ. ຄະນະດຽວກັນທ່ານໄດ້ຍົກໃຫ້ເຫັນມູນເຊື້ອ ແລະ ຜົນງານຂອງສະຫະພັນແມ່ຍິງລາວ ທີ່ໄດ້ປະກອບສ່ວນໃນພາລະກິດປົກປັກຮັກສາ ແລະ ພັດທະນາປະເທດຊາດຕະຫຼອດໄລຍະຜ່ານມາ, ຕອນທ້າຍທ່ານຍັງໄດ້ຮຽກຮ້ອງໃຫ້ສະມາຊິກ ຂອງ ສະຫະພັນແມ່ຍິງລາວອົງການໄອຍະການປະຊາຊົນສູງສຸດ ເພີ່ມທະວີພັດ ທະນາຄວາມສະເໜີພາບຍິງ-ຊາຍຕິດພັນກັບການພັດທະນາປະເທດຊາດ ແລະ ຂໍ້ແຂ່ງຂັນ 3 ດີ ຄື : 1, ພົນລະເມືອງດີ; 2, ພັດທະນາດີ; 3, ສ້າງຄອບຄົວດີ; ພ້ອມທັງຝຶກຝົນຫຼໍ່ຫຼອມຕົນເອງທາງດ້ານຄຸນສົມບັດສິນທຳປະຕິວັດ, ຕັ້ງໜ້າຮໍ່າຮຽນແນວທາງນະໂຍບາຍຂອງພັກທີ່ໄດ້ວາງອອກເຂົ້າສູ່ວຽກງານຕົວຈີງຂອງສະຫະພັນແມ່ຍິງລາວຂອງອົງການໄອຍະການປະຊາຊົນ ແລະ ຮຽກຮ້ອງໃຫ້ສະມາຊິກສະຫະພັນແມ່ຍິງທຸກຄົນຕ້ອງເພີ່ມທະວີຍົກລະດັບຄວາມຮູ້ຄວາມສາມາດ, ດ້ານເຕັກນິກວິທະຍາການໃໝ່ ເພື່ອຕອບສະໜອງໜ້າທີ່ວຽກງານຂອງຕົນແລະ ເຮັດສຳເລັດໜ້າທີ່ ເພື່ອຄວາມກ້າວໜ້າຂອງແມ່ຍິງລາວ ທີ່ຂັ້ນເທີງມອບໝາຍໃຫ້.

 

2016-07-28

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ