ຂ່າວ ສອງອົງການໄອຍະການລາວ-ໄທ ເສີມຂະຫຍາຍ ການພົວພັນຮ່ວມມື

ໄລຍະຢູ່ຢ້ຽມຢາມ ຄະນະຜູ້ແທນຂັ້ນສູງອົງການໄອຍະການສູງສຸດ ແຫ່ງ ຣາຊະອານາຈັກໄທ ຈະໄດ້ຮ່ວມພົບປະກັບຄະນະຜູ້ແທນຂັ້ນສູງອົງການໄອຍະການປະຊາຊົນສູງສຸດ ແຫ່ງ ສປປ ລາວ ນຳໂດຍ ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ທີ່ ໂຮງແຮມ ລາວພຼາຊາ ເພື່ອເປັນການເສີມຂະຫຍາຍການພົວພັນຮ່ວມມື ລະຫວ່າງ ອົງການໄອຍະການ ຂອງ ສອງປະເທດໃຫ້ເປັນຮູບປະທຳຫຼາຍຂຶ້ນ ແລະ ສືບຕໍ່ຈັດຕັ້ງປະຕິບັດເນື້ອໃນຈິດໃຈຂອງບົດບັນທຶກຄວາມເຂົ້າໃຈທີ່ໄດ້ລົງນາມຮ່ວມກັນໃນ ປີ 2004 ທັງສອງຝ່າຍເຫັນດີໃຫ້ຄະນະ​ຜູ້​ແທນ​ຂັ້ນ​ສູງ, ຂັ້ນ​ວິຊາ​ການ ແລະ ອົງການໄອຍະການຂັ້ນທ້ອງຖິ່ນ ຂອງ ​ສອງ​ປະ​ເທດ ​ໂດຍ​ສະ​ເພາະແມ່ນ​ບັນດາ​ອົງການ​ໄອ​ຍະ​ການ​ທີ່​ມີ​ຊາຍ​ແດນ​ຕິດ​ຈອດ​ກັນ​ໄດ້​ໄປ-ມາ​ຢ້ຽມຢາມເຊິ່ງກັນແລະກັນຢ່າງ​ເປັນ​ປົກກະຕິ ເພື່ອປຶກສາຫາລື ແລະ ແລກ ປ່ຽນຄວາມຄິດເຫັນກ່ຽວກັບວຽກງານ ທີ່ ສອງ​ຝ່າຍ​​ໃຫ້ຄວາມ​ສົນ​ໃຈ ​ເພີ່ມທະວີການໃນການກໍ່ສ້າງພະນັກງານໄອຍະການ, ການຮ່ວມມືທາງອາຍາ ແລະ ການສົ່ງຜູ້ຮ້າຍຂ້າມແດນຮ່ວມກັນຈັດກອງປະຊຸມຕ້ານການໃຊ້ຄວາມຮຸນແຮງຕໍ່ເດັກໃນຂະບວນຍຸຕິທຳ ແລກປ່ຽນກົດ ໝາຍ ແລະ ຮ່ວມມືກັນໃນບັນຫາອື່ນທີ່ສອງຝ່າຍເຫັນດີນຳກັນ.

 

 

 

ຈາກນັ້ນ, ຄະນະຜູ້ແທນຂັ້ນສູງອົງການໄອຍະການສູງສຸດ ແຫ່ງຣາຊະອານາຈັກໄທ ໄດ້ເຂົ້າຢ້ຽມຂໍ່ານັບ ທ່ານ ປະທານ ສະພາແຫ່ງຊາດ, ທ່ານ ປະທານສານປະຊາຊົນສູງສຸດ, ທ່ານ ລັດຖະມົນຕີກະຊວງຍຸຕິທຳ, ຢ້ຽມຊົມຫໍພິພິດຕະພັນປະທານ ໄກສອນ ພົມວິຫານ, ພະທາດຫຼວງ ແລະ ທິວທັດທໍາມະຊາດຈຳນວນໜຶ່ງຢູ່ນະຄອນຫລວງວຽງຈັນ.

 

2016-07-29

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ