ກອງປະະຊຸມຝຶກອົບຮົມກ່ຽວກັບອາຊະຍາກຳຂ້າມຊາດ ອາຊະຍາກໍາສັດປ່າ ແລະ ປ່າໄມ້

        ອົງການໄອຍະການສານປະຊາຊົນສູງສຸດ ໄດ້ຈັດກອງປະຊຸມຝຶກອົບຮົມວຽກງານກ່ຽວກັບອາຊະຍາກຳຂ້າມຊາດ ແລະ ອາຊະຍາກຳສັດປ່າ ແລະ ປ່າໄມ້ ຂື້ນໃນລະຫວ່າງວັນທີ 13-15 ກໍລະກົດ 2016 ທີ່ ໂຮງແຮມ ເສດຖາປາລັດ ນະຄອນຫຼວງວຽງຈັນ, ໂດຍການເປັນປະທານຂອງ ທ່ານ ບຸນຍັງ ຈັນດາລະສານ ຮອງຫົວໜ້າ ອົງການໄອຍະການປະຊາຊົນສູງສຸດ, ທ່ານ Mark Romley ຄູຝຶກຈາກສະຫະລັດອາເມລິກາ, ທ່ານ Douglas Goessman ຄູຝຶກຈາກ (UNODC) ແລະ ນັກສໍາມະນາກອນທາງດ້ານຜູ້ພິພາກສາ, ຕໍາຫຼວດ ແລະ ພະນັກງານສືບສວນ-ສອບສວນ ກ່ຽວກັບການຕ້ານການສໍ້ລາດບັງຫຼວງເຂົ້າຮ່ວມ.

            ການຝຶກອົບຮົມຄັ້ງນີ້, ນັກສຳມະນາກອນໄດ້ຮັບຟັງການນຳສະເໜີກ່ຽວກັບອາຊະຍາກຳຂ້າມຊາດ (TOC) ແລະ ອາຊະຍາກຳສັດປ່າ ແລະ ປ່າໄມ້ ຈາກ ທ່ານ Douglas Goessman ເຊິ່ງໄດ້ຍົກໃຫ້ເຫັນຄວາມໝາຍ ແລະ ນິຍາມ, ການກະທຳຜິດທີ່ຮ້າຍແຮງ, ວິທີ່ການນຳໃຊ້ ແລະ ເປັນຫຍັງຈຶ່ງເວົ້າວ່າ ອາຊະຍາກຳຂ້າມຊາດ. ພ້ອມດຽວກັນນີ້, ກໍ່ໄດ້ຮັບຟັງການນໍາສະເໜີກ່ຽວກັບຂັ້ນຕອນ ແລະ ວິທີການດຳເນີນການສືບສວນ-ສອບສວນ, ການດຳເນີນຄະດີຕໍ່ຜູ້ທີ່ກະທຳຜິດ ແລະ ການນຳໃຊ້ກົດໝາຍເຂົ້າໃນການຕ້ານ ແລະ ສະກັດກັ້ນຕໍ່ຜູ້ກະທຳຜິດລວມໄປເຖິງການປະສານສົມທົບກັບສາກົນກ່ຽວກັບການປົກປ້ອງຄຸ້ມຄອງສັດປ່າ ແລະ ປ່າໄມ້.

 

          ນອກນັ້ນ, ບັນດາທ່ານ ທີ່ ເຂົ້າຮ່ວມຊຸດຝຶກອົບຮົມຍັງຈະໄດ້ແບ່ງກຸ້ມຄົ້ນຄວ້າ ແລະ ຮັບຟັງການປະກອບຄຳຄິດຄຳເຫັນໃນການສົນທະນາແລກປ່ຽນບົດຮຽນເພື່ອຊອກຫາຂໍ້ສະດວກ, ຂໍ້ຫຍຸ້ງຍາກ, ອຸປະສັກທີ່ໄອຍະການ ແລະ ໜ່ວຍງານບັງຄັບໃຊ້ກົດໝາຍຕ້ອງໄດ້ດຳເນີນການສືບສວນ-ສອບສວນ, ຈັບກຸມ ແລະ ດຳເນີນຄະດີຕໍ່ກຸມ (TOC) ທີ່ກ່ຽວຂ້ອງກັບການຄ້າສັດປ່າ ແລະ ປ່າໄມ້ ທີ່ຜິດກົດ ໝາຍອີກດ້ວຍ.

 

2016-07-29

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ