ອົງການໄອຍະການປະຊາຊົນສູງສຸດເປີດຊຸດຝຶກອົບຮົມວຽກງານວິຊາສະເພາະໃຫ້ແກ່ພະນັກງານໄອຍະການປະຊາຊົນ ຢູ່ແຂວງຈໍາປາສັກ.

      ໃນວັນທີ 18 ກໍລະກົດ 2016 ທີ່ ໂຮງແຮມ ປາກເຊ ແຂວງຈໍາປາສັກ ອົງການໄອຍະການປະຊາຊົນສູງສຸດ ໄດ້ເປີດຊຸດຝຶກອົບຮົມວຽກງານວິຊາສະເພາະໃຫ້ແກ່ພະນັກງານໄອຍະການປະຊາຊົນພາຍໃຕ້ຫົວຂໍ້ການສ້າງຄວາມເຂັ້ມແຂງທາງດ້ານວິຊາການເພື່ອຈັດຕັ້ງປະຕິບັດກົດໝາຍໃນການຕິດຕາມກວດກາ ການດໍາເນີນຄະດີແພ່ງ. ໃນນັ້ນໄດ້ມີນັກສໍາມະນາກອນມາຈາກ 5 ແຂວງພາກໃຕ້ ທັງໝົດ 47 ທ່ານເຂົ້າ ຮ່ວມ. ການຝຶກອົບຮົມໃນຄັ້ງນີ້ ນັກສໍາມະນາກອນຈະຄົ້ນຄວ້າບົດຮຽນທີ່ສໍາຄັນ ເຊັ່ນ ການຕິດຕາມກວດກາການດໍາເນີນຄະດີແພ່ງຢູ່ສານຂັ້ນຕົ້ນ, ຂັ້ນອຸທອນ, ຂັ້ນລົບລ້າງ ແລະ ຂັ້ນຮື້ຟື້ນ. ຄູອາຈານມາຈາກອົງການໄອຍະການປະຊາຊົນສູງສຸດ ແລະ ຈາກອົງການໄອຍະການປະຊາຊົນພາກໃຕ້ໄດ້ນໍາສະເໜີ. ນອກຈາກນີ້ຍັງຈະໄດ້ຮັບຟັງການນໍາສະເໜີບົດຮຽນຈາກຊ່ຽວຊານຂອງ ປະເທດ ເຢຍລະມັນ ຕຶ່ມອີກ.

       ການຝຶກອົບຮົມໃນຄັ້ງນີ້ ໄດ້ຮັບເປັນກຽດເປັນປະທານກ່າວເປີດໂດຍ ທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ. ທ່ານກໍຍັງໄດ້ມີຄໍາເຫັນວ່າການຝຶກອົບຮົມໃນຄັ້ງນີ້ແມ່ນເພື່ອປະຕິບັດຕາມແຜນງານພັດທະນາຊັບພະ ຍາກອນມະນຸດ ໂດຍສະເພາະແມ່ນການພັດທະນາບຸກຄະລະກອນທົ່ວອົງການໄອຍະການປະຊາຊົນໃຫ້ມີຄວາມຮູ້ຄວາມສາມາດທາງດ້ານວິຊາສະເພາະໄປຄຽງຄູກັບການຍົກລະດັບທາງດ້ານຄຸນທາດການເມືອງໃຫ້ສູງຂື້ນເທື່ອລະກ້າວເພື່ອຕອບສະໜອງຄວາມຮຽກຮ້ອງຕ້ອງການຂອງ ວຽກງານໃນອານາຄົດ.

 

 

         ສຸດທ້າຍທ່ານໄດ້ຮຽກຮ້ອງມາຍັງນັກສໍາມະນາກອນຈົ່ງໄດ້ຕັ້ງໜ້າຄົ້ນຄວ້າກໍາແໜ້ນບົດຮຽນທີ່ຄູອາຈານໄດ້ຖ່າຍທອດໃຫ້ແລ້ວນໍາໄປຈັດຕັ້ງປະຕິດບັດຕົວຈິງໃຫ້ຖືກຕ້ອງຕາມກົດໝາຍ. ການຝຶກອົບຮົມໃນຄັ້ງນີ້ ແມ່ນໄດ້ຮັບການສະໜັບສະໜູນຈາກ ມູນລະນິທິຮັນໄຊເດັນຈາກປະເທດ ເຢຍລະມັນ ເຊິ່ງໄດ້ດໍາເນີນເປັນເວລາ 2 ວັນ ຄື ໃນວັນທີ 18 ຫາ 19 ກໍລະກົດ 2016.

2016-07-29

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ