ອົງການໄອຍະການປະຊາຊົນສູງສຸດປະຖະກະຖາກ່ຽວກັບການເຜີຍແຜ່ຜົນສຳເລັດກອງປະຊຸມໃຫຍ່ຜູ້ແທນທົ່ວປະ ເທດຄັ້ງທີ X ຂອງແນວລາວສ້າງຊາດ ແລະ ວັນສ້າງຕັ້ງອົງການຈັດຕັ້ງແນວລາວສ້າງຊາດ (13 ສີງຫາ 1950 ຫາ 13 ສີງຫາ 2016) ຄົບຮອບ 66 ປີ

      ໃນຕອນເຊົ້າຂອງວັນທີ່ 05 ສີງຫາ 2016, ທີ່ອົງການໄອຍະການປະຊາຊົນສູງສຸດ ໄດ້ຈັດພິທີປະຖະກະຖາ ຂື້ນກ່ຽວກັບການເຜີຍແຜ່ຜົນສຳເລັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງແນວລາວສ້າງຊາດ,ຂື້ນໃຫ້ກຽດເຜີຍແຜ່ເອກະສານໃນຄັ້ງນີ້ ໂດຍ ທ່ານ ບຸນຍັງ ຈັນດາລາສານ ຮອງຫົວໜ້າອົງການໄອຍະການປະຊາຊົນສູງສຸດ, ເຂົ້າຮ່ວມຟັງປະຖະກະຖາຄັ້ງນີ້ມີຄະນະພັກ,  ຄະນະນຳອົງການໄອຍະການປະຊາຊົນສູງສຸດ, ບັນດາຫົວໜ້າກົມ, ຫ້ອງການ, ອົງການໄອຍະການປະຊາຊົນພາກກາງ ແລະ ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານ, ເຂົ້າຮ່ວມ100 ກ່ວາຄົນ.

     ທ່ານ ຮອງຫົວໜ້າອົງການໄອຍະການປະຊາຊົນສູງສຸດ ໄດ້ປະຖະກະຖາເຜີຍແຜ່ເອກະສານຜົນສຳເລັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງແນວລາວສ້າງຊາດ, ພາຍໃຕ້ຄຳຂັວນ “ເພີ່ມທະວີຄວາມສາມັກຄີປອງດອງທົ່ວປວງຊົນລາວທັງຊາດ, ປຸກລະດົມທົ່ວສັງຄົມແຂ່ງຂັນຮັກຊາດ ແລະ ພັດທະນາ ເພື່ອຈັດຕັ້ງຕັ້ງປະຕິບັດກອງປະຊຸມໃຫ່ຍຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VII, ສືບຕໍ່ບຸກທະລຸທັງ 4 ດ້ານ ເພື່ອຍົກສູງບົດບາດ ແລະ ຄຸນນະພາບການເຄືອນໄຫວຂອງແນວລາວສ້າງຊາດ “  ທ່ານ ຮອງຫົວໜ້າອົງການໄອຍະການປະຊາຊົນສູງສຸດ ໄດ້ຍົກໃຫ້ເຫັນ ເນື້ອໃນ ຜົນງານດ້ານຕ່າງໆໃນຕະຫລອດໄລຍະການເຄື່ອນໄຫວຈັດຕັ້ງມະຕິກອງປະຊຸ່ມໃຫ່ຍຄັ້ງທີ  IX ຂອງແນວລາວສ້າງຊາດ ໃນໄລຍະຜ່ານມາເຊີ່ງໄດ້ເຮັດໃຫ້ຖັນແຖວພະນັກງານ,ສະມາຊີກພັກ ທົ່ວອົງການໄອຍະການປະຊາຊົນສູງສຸດ, ເຊື່ອມຊຶມຢ່າງເລິກເຊິ່ງເຖີງມູນເຊື້ອປະຫວັດສາດຂອງຊາດ ແມ່ນແນ່ໃສ່ເສີມຂະຫຍາຍມູນເຊື້ອຄວາມສາມັກຄີ ເປັນປືກແຜ່ນແໜ້ນໜາຂອງບັນດາຊົນເຜົ່າ,  ຊັ້ນຄົນ, ສາສະໜາ ແລະ ເພດ-ໄວພາຍໃຕ້ການນຳພາຂອງພັກ ແລະ ພົນລະເມືອງລາວທຸກຄົນ ໄດ້ຮັບຮູ້ເຂົ້າໃຈກ່ຽວກັບມູນເຊື້ອ ແຫ່ງການຕໍ່ສູ້ພິລະອາດຫານ, ມູນເຊື້ອສາມັກຄີອັນໜື່ງດຽວກັນຂອງປະຊາຊົນບັນດາເຜົ່າ, ມູນເຊື້ອດຸໜັ່ນຂະຫຍັນພຽນອັນສະຫງາ່ລາສີ ຂອງ ແນວລາວສ້າງຊາດ.

2016-08-05

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ