ພິທີຈັດງານແຂ່ງຂັນກິລາສະເຫຼີມສະຫຼອງວັນລັດຖະທຳມະນູນຄົບຮອບ 25ປີ (15 ສິງຫາ 1991-15 ສິງຫາ 2016)

   ໃນວັນທີ 10-12 ສິງຫາ 2016, ໄດ້ມີພີທີຈັດງານແຂ່ງຂັນກິລາ 4 ພາກສ່ວນຂື້ນເພືອສະເຫຼີມສະຫຼອງວັນລັດຖະທຳມະນູນຄົບຮອບ 25 ປີ (15 ສິງຫາ 1991-15 ສິງຫາ 2016).

      ໃນວັນທີ  10 ສິງຫາ 2016; ໄດ້ຈັດການແຂ່ງຂັນກິລາເປຕັ້ງ, ທີ່ເດີນກິລາເປຕັ້ງມະຫາວິທະຍາໄລແຫ່ງຊາດ (ດົງໂດກ) ໃນນັ້ນໃຫ້ກຽດເປັນປະທານ ມີບັນດາຄະນະນຳອາວຸໂສ ຂອງ 4 ພາກສ່ວນ ຄື : ອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ສະພາແຫ່ງຊາດ, ແລະ ກະຊວງຍຸຕິທໍາ. ເຂົ້າຮ່ວມມີຄະນະນຳອົງການໄອຍະການປະຊາຊົນສູງສຸດ,ບັນດາຫົວໜ້າກົມ, ຮອງຫົວໜ້າກົມ - ຫ້ອງການ, ອົງການໄອຍະການປະຊາຊົນພາກກາງ ແລະ ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານລັດຖະກອນທັງ 4 ພາກສ່ວນເຂົ້າຮ່ວມ 200 ກວ່າຄົນ.

      ໃນພິທີດັ່ງກ່າວໄດ້ມີການແຂ່ງຂັນກິລາເປຕັ້ງ (ຕີບຸ້ນ) ລະຫວ່າງ ຄະນະນໍາຜູ້ອາວຸໂສ, ຄະນະນໍາອົງການ-ຫ້ອງການ, ອ້າຍເອື້ອຍນ້ອງລັດຖະກອນ ທັງ 4 ພາກສ່ວນ ແລະ ການແຂ່ງຂັນດັ່ງກ່າວໄດ້ດຳເນີນໄປຢ່າງຟົດຟື້ນມ່ວນຊື່ນຕະຫລອດການແຂ່ງຂັນ ແລະ ພ້ອມທັງມີຄວາມສາມັກຄີຂອງ 4 ພາກສ່ວນ.

             ທ່ານຫົວໜ້າອົງການໄອຍະການປະຊາຊົນສູງສຸດ

       ພາບລວມນັກກິລາເປຕັ້ງອົງການໄອຍະການປະຊາຊົນສູງສຸດ

ທ່ານ ຮອງຫົວໜ້າອົງການໄອຍະການປະຊາຊົນສູງສຸດ

ທ່ານ ຫົວໜ້າຫ້ອງການອົງການໄອຍະການປະຊາຊົນສູງສຸດ

       ໃນວັນທີ 11-12 ສິງຫາ 2016; ໄດ້ມີການແຂ່ງຂັນກິລາບານເຕະ ທີມຍິງ - ທີມຊາຍ, ກິລາມວນຊົນ(ດຶງເຊືອກ) ປະສົມຍິງ-ຊາຍ. ໄດ້ຈັດຂື້ນຢູ່ທີ່ເດີນສະໂມສອນລ້ານຊ້າງອິນທຣາ ເຊິ່ງຂະບວນການກິລາດັ່ງກ່າວໄດ້ດຳເນີນໄປດ້ວຍຄວາມມ່ວນຊື່ນ ແລະ ຟົດຟື້ນ. ເຊິ່ງສະແດງອອກເຖິງຄວາມສາມັກຄີເປັນປືກແຜ່ນດຽວກັນບໍ່ວ່າໃນສະໝາມ ຫລື ນອກສະໝາມ. ຈາກນັ້ນໃນຕອນແລງຂອງວັນທີ 12 ສິງຫາ 2016; ກໍ່ໄດ້ປິດພິທີຢ່າງເປັນທາງການ.      

 ພາບລວມນັກກິລາບານເຕະ ທີມຊາຍ ອົງການໄອຍະການປະຊາຊົນສູງສຸດ

ພາບລວມນັກກິລາບານເຕະທີມຍິງ ອົງການໄອຍະການປະຊາຊົນສູງສຸດ

ນັກກິລາມວນຊົນ (ດືງເຊືອກ) ອົງການໄອຍະການປະຊາຊົນສູງສຸດ

ພາບບັນຍາກາດການຮັບລາງວັນຕ່າໆຂອງອົງການໄອຍະການປະຊາຊົນສູງສຸດ

 

2016-08-15

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ