ຍົກລະດັບວຽກງານການເງິນ ແລະ ວຽກງານຫ້ອງການ ໃຫ້ແກ່ພະນັກງານຂອງອົງການໄອຍະການປະຊາຊົນທົ່ວປະເທດ

       ເພື່ອຮັບປະກັນໃຫ້ວຽກງານການບັນຊີມີຄວາມເຂັ້ມແຂງ ແລະ ເປັນເຄື່ອງມືຮັບໃຊ້ໃນການຄຸ້ມຄອງການເງິນ ແຫ່ງລັດ ມີຄວາມຮັບປະກັນຄວາມໂປ່ງໃສດ້ານລາຍຮັບ-ລາຍຈ່າຍ ແລະ ສາມາດກວດສອບໄດ້. ອົງການໄອຍະການປະຊາຊົນສູງສຸດ ໄດ້ຈັດຕັ້ງການຝຶກອົບຮົມວຽກງານການເງິນ ແລະ ວຽກງານຫ້ອງການຂຶ້ນໃນຕອນເຊົ້າວັນທີ 22 ສິງຫາ 2016 ທີ່ຫ້ອງປະຊຸມໃຫຍ່ຂອງອົງການໄອຍະການປະຊາຊົນສູງສຸດ ນະຄອນຫລວງວຽງຈັນ. ໃຫ້ກຽດເຂົ້າຮ່ວມເປັນປະທານຂອງ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ, ມີຫົວໜ້າຫ້ອງການ, ບັນດາທ່ານຫົວໜ້າກົມ, ຫົວໜ້າອົງການໄອຍະການປະຊາຊົນພາກກາງ, ສະຖາບັນຄົ້ນຄວ້າ ແລະ ຝຶກອົບຮົມໄອຍະການ, ວິທະຍາກອນມາຈາກກົມບັນຊີກະຊວງການເງິນ ແລະ ນັກສຳມະນາກອນມາຈາກອົງການໄອຍະການປະຊາຊົນແຂວງທົ່ວປະເທດ ເຂົ້າຮ່ວມ 100 ກວ່າທ່ານ.

   ຜູ້ເຂົ້າຮ່ວມຊຸດຝຶກອົບຮົມໃນຄັ້ງນີ້ ຈະໄດ້ຮຽນຮູ້ທິດທາງໃນການປະຕິບັດວຽກງານການບັນຊີໃນຕໍ່ໜ້າ, ງົບປະ ມານ-ບັນຊີອັນດຽວທີ່ເປັນເອກະພາບກັນ (ສະບັບປັບປຸງ), ການຈັດວາງລະບົບບັນຊີສຳລັບອົງການຈັດຕັ້ງລັດ, ເຕັກນິກ ການບັນທຶກບັນຊີ ແລະ ການບັນທຶກບັນຊີເຂົ້າປື້ມປະຈຳວັນຕ່າງໆ, ພ້ອມທັງນຳພານັກສຳມະນາກອນລົງເຮັດພາກປະຕິ ບັດຕົວຈິງ ເປັນຕົ້ນນຳພາສ້າງໃບດຸ່ນດ່ຽງ, ສ້າງເອກະສານລາຍງານການເງິນ ແລະ ປະເມີນຜົນຂອງການຝຶກອົບຮົມໃນຄັ້ງນີ້. ຈາກນັ້ນນັກສຳມະກອນຍັງໄດ້ແລກປ່ຽນບົດຮຽນວຽກງານຫ້ອງການ ໃນການຄຸ້ມຄອງບໍລິຫານຄະດີຄົບວົງຈອນໃນລະບົບອົງການໄອຍະການປະຊາຊົນ, ການຄຸ້ມຄອງຂຶ້ນບັນຊີຊັບສົມບັດຂອງລັດ ແລະ ອື່ນໆ ຊຸດຝຶກອົບຮົມຈະໄດ້ດຳເນີນໄປຮອດ ວັນທີ 4 ສິງຫາ ແລະ ປິດລົງດ້ວຍຜົນສຳເລັດອັນຈົບງາມ.

 

2016-08-22

ປະຕິທິນ

Jan-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ