ອົງການໄອຍະການປະຊາຊົນສູງສຸດ ໄດ້ຈັດພິທີປາຖະກະຖາວັນຍຶດອຳນາດທົ່ວປະເທດ (23 ສິງຫາ1945 ແລະ 23 ສິງຫາ 1975 )

   ໃນຕອນເຊົ້າວັນທີ07ກັນຍາ2016 ທີ່ອົງການໄອຍະການປະຊາຊົນສູງສຸດໄດ້ຈັດພິທີປາຖະກະຖາເຜີຍແຜ່ເອກະສານວັນຍຶດອຳນາດທົ່ວປະເທດຄົບຮອບ 41ປີ (23 ສິງຫາ 1945 ແລະ23ສິງຫາ1975-23ສິງຫາ2016)ຂື້ນໃຫ້ກຽດເຜີຍແຜ່ເອກະສານໃນຄັ້ງນີ້ໂດຍທ່ານຄໍາສານສຸວົງ ຫົວໜ້າອົງການໄອຍະການປະຊາຊົນສູງສຸດ,ເຂົ້າຮ່ວມຟັງປະຖະກະຖາຄັ້ງນີ້ມີຄະນະພັກ,ຄະນະນຳອົງການໄອຍະການປະຊາຊົນສູງສຸດ, ບັນດາຫົວໜ້າກົມ, ຮອງຫົວໜ້າກົມ - ຫ້ອງການ, ອົງການໄອຍະການພາກກາງ ແລະ ສະຖາບັນຄົ້ນ ຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານ, ເຂົ້າຮ່ວມຮັບຟັງ 100 ກ່ວາຄົນ.

    

  ທ່ານຫົວໜ້າອົງການໄອຍະການປະຊາຊົນສູງສຸດປະທານກອງປະຊຸມໄດ້​ຍົກ​ໃຫ້​ເຫັນປະຫວັດຄວາມ​ເປັນ​ມາ​ຂອງ​ວັນ​ຢຶດອຳນາດ 23 ສິງຫາ 1945 ​ເຊິ່ງ​ເປັນ​ໄຊຊະນະ​ຄັ້ງ​ປະຫວັດສາດ​ຂອງ​ຊາດ​ທີ່​ສຳຄັນ​ທີ່​ສຸດຂອງ​ຊາດ​ລາວໃນ​ການ​ຕໍ່ສູ້​ຍາດ​ເອົາ​ເອກະລາດ ​ແລະ ອິດສະ​ຫລະ​ພາບ ເຊິ່ງ​ເປັນ​ຄັ້ງທຳ​ອິດທີ່​ປະຊາຊົນ​ລາວ ​ບັນດາ​ເຜົ່າໄດ້​ພ້ອມ​ກັນ​ລຸກ​ຮື້ຂຶ້ນ​ທັບ​ມ້າງ​ແອກ​ຄອບ​ຄອງ ຂອງ​ລັດທິ​ລ່າເມືອງ​ຂຶ້ນ​ຝຣັ່ງ. ພ້ອມ​ນີ້, ​ໄດ້​ຊີ້​ໃຫ້​ເຫັນຜົນສຳ​ເລັດ​ ​ແລະ ​ໄຊຊະນະຂອງ​ການ​ຢຶດອຳນາດ​ວັນ​ທີ 23 ສິງຫາ 1975 ​ເປັນ​ການ​ລົບລ້າງລະບອບ​ປົກຄອງ​ແບບ​ເກົ່າ ​ແລະ ສ້າງຕັ້ງ​ການ​ປົກຄອງ​ແບບ​ໃໝ່. ​ໄຊຊະນະ​ຄັ້ງ​ນີ້​ ແມ່ນໝາກຜົນ​ແຫ່ງ​ການ ​ຕໍ່ສູ້​ປະຕິວັດອັນ​ຍືດ​ເຍື້ອຍາວ​ນານຂອງ​ປະຊາຊົນ​ລາວ​ບັນດາ​ເຜົ່າພາຍ​ໃຕ້​ການ​ນຳພາຂອງ​ພັກ​ປະຊາຊົນປະຕິວັດ​ລາວ, ທັງ​ເປັນ​ຜົນ​ຈາກ​ຄວາມ​ກ້າຫານ​ປະດິດ​ສ້າງ​ແຫ່ງ​ການ​ນຳ​ໃຊ້ 3 ບາດ​ຄ້ອນຍຸດ​ທະ​ສາດ​ເພື່ືອຢຶດອຳນາດ​ການ​ປົກຄອງ​ໃນ​ທົ່ວປະ​ເທດ​ແບບ “ບົວ​ບໍ່​ຊ້ຳ ນ້ຳ​ບໍ່​ຂຸ່ນ” ຊຶ່ງ​ແມ່ນ​ໄຊ​ຊະນະ​ຂອງ​​ແນວທາງການ​ປະຕິວັດ​ອັນ​ຖືກຕ້ອງ ​ແລະ ການນຳພາ​ອັນສະຫຼາດ​ສ່ອງ​ໃສ​ຂອງ​ພັກ ແລະ ຄວາມ​ສາມັກຄີ​ເປັນ​ຈິດ​ໜື່ງ​ໃຈ​ດຽວ​ກັນ​ຂອງ​ປວງ​ຊົນລາວ​ທັງ​ຊາດ. 

2016-09-07

ປະຕິທິນ

May-2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ