ພິທີເຊັນສັນຍາຮ່ວມມືລາວ - ລຸກຊໍາບວກ

     ໃນຕອນເຊົ້າຂອງວັນທີ່ 12 ກັນຍາ 2016 ທີ່ ໂຮງແຮມ ລາວພຼາຊາ ນະຄອນຫລວງວຽງຈັນ ໄດ້ມີການຈັດພິທີເຊັນສັນຍາ ລະຫວ່າງ ອົງ ການໄອຍະການປະຊາຊົນສູງສຸດຂອງ ສປປ ລາວ ແລະ ສະຖາບັນຊ່ວຍເຫຼືອທາງດ້ານກົດໜາຍ ແລະ ວິຊາການ ແຫ່ງຣາຊະອານາຈັກລຸກຊຳບວກໃຫ້ກຽດເຂົ້າຮ່ວມພິທີເຊັນສັນຍາໃນຄັ້ງນີ້ໂດຍ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ, ມີຄະນະພັກ, ຄະນະນຳອົງການໄອຍະການປະຊາຊົນສູງສຸດ,ບັນດາຫົວໜ້າກົມ-ຮອງກົມ,ຫ້ອງການ,ພ້ອມດ້ວຍພະນັກງານວິຊາການຈໍານວນໜື່ງ.

  ໃນການເຊັນສັນຍາຊ່ວຍເຫລືອໃນຄັ້ງນີ້ ສະຖາບັນຊ່ວຍເຫລືອທາງດ້ານກົດໜາຍ ແລະ ວິຊາການ ແຫ່ງຣາຊະອານາຈັກຊຳບວກ(ILSTA) ໄດ້ໃຫ້ການຊ່ວຍເຫລືອທືນ ເພື່ອນຳໃຊ້ເຂົ້າໃນການປະຕິບັດໂຄງການແຕ່ປີ 2016–2020;  ຊຶ່ງປະກອບມີບັນດາກິດຈະກຳຕ່າງໆ ໃນການຍົກສູງຂີດຄວາມສາມາດໃຫ້ແກ່ພະນັກງານໄອຍະການ ແລະ ພາກສ່ວນທີ່ກ່ຽວຂ້ອງໃນການເຄົາລົບ ແລະ ປະຕິບັດກົດໜາຍໃຫ້ມີຄວາມຖືກຕ້ອງ ເປັນຕົ້ນ ແມ່ນກົດໝາຍວ່າດ້ວຍການດຳເນີນຄະດີອາຍາ , ການຕ້ານການຄ້າມະນຸດ, ການຮ່ວມມືທາງດ້ານຍຸຕິທຳ, ຢາເສບຕິດ, ການຕ້ານການສໍ້ລາດບັງຫລວງ, ການດຳເນີນຄະດີແພ່ງ, ການດຳເນີນຄະດີເດັກ, ການດຳເນີນຄະດີສີ່ງແວດລ້ອມ, ການເກັບໂຮມ, ການກວດກາ ແລະ ການຊັ່ງຊາຕີລາຄາຫຼັກຖານໃນຄະດີອາຍາ, ການຕິດຕາມກວດກາປະຕິບັດຄຳຕັດສີນຂອງສານ, ການສັ່ງຟ້ອງຂື້ນສານໂດຍກົງ ໂດຍບົດຮຽນພາຍໃນ ແລະ ຕ່າງປະເທດ ແລະ ການຍົກລະດັບຄວາມຮູ້ທາງດ້ານພາສາອັງກິດ.

2016-09-13

ປະຕິທິນ

May-2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ