ພິທີຝືກອົບຮົມວຽກງານວິຊາສະເພາະຂອງກົມຕິດຕາມກວດກາການດຳເນີນຄະດີແພ່ງ ທີ່ ທ່າລາດ ແຂວງ ວຽງຈັນ

    ໃນລະຫວ່າງວັນທີ 08 ຫາ 09  ກັນຍາ 2016; ກົມຕິດຕາມກວດກາການດໍາເນີນຄະດີແພ່ງຂອງອົງການໄອຍະການປະຊາຊົນສູງສຸດ ໄດ້ຈັດຝຶກອົບຮົມວຽກງານວິຊາສະເພາະໃຫ້ແກ່ພະນັກງານພາຍໃນກົມຂື້ນ. ຢູ່ທີ່ເຮືອນພັກນາປາກວາງ ແຂວງ ວຽງຈັນ, ໃຫ້ກຽດເຂົ້າຮ່ວມ ແລະ ເປັນປະທານໃນພິທີ່ດັ່ງກ່າວມີ ທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ ບັນດາຫົວໜ້າກົມ, ຮອງຫົວໜ້າກົມ,ຫົວໜ້າພະແນກ, ຮອງຫົວໜ້າພະແນກ ແລະ ພະນັກງານວິຊາການພາຍໃນກົມເຂົ້າຮ່ວມ ຈຳນວນ 26 ທ່ານ.

     ໃນການຈັດຝຶກອົບຮົມໃນຄັ້ງນີ້ກໍເພື່ອເປັນການຍົກສູງຂີດຄວາມສາມາດໃຫ້ແກ່ຫັນແຖວພະນັກງານໃນການສ້າງຄວາມເຂັ້ມແຂງເຂົ້າໃນວຽກງານ ແລະ ການຕິດຕາມກວດກາການດຳເນີນຄະດີແພ່ງຂອງອົງການໄອຍະການປະຊາຊົນ ເພື່ອເປັນຄວາມເອກະພາບກັນໃນການຈັດຕັ້ງປະຕິບັດໜ້າທີ່ວຽກງານ ຊື່ງການຝືກອົບຮົມດັ່ງກ່າວໄດ້ມີການຄົ້ນຄ້ວາແລກປ່ຽນບົດຮຽນເຊີ່ງກັນ ແລະ ກັນ ເປັນຕົ້ນແມ່ນການຄົ້ນຄ້ວາສຳນວນຄະດີ, ການສະຫຼຸບ, ການກະກຽມ, ການລາຍງານຄະດີຕໍ່ກອງປະຊຸມວິຊາການ, ການນຳ ແລະ ຫລາຍພາກສ່ວນ, ການຕິດຕາມກວດກາແກ້ໄຂຄະດີຄົບວົງຈອນ, ການຈັດ-ການພີມເອກະສານທາງການ.

      ທ່ານ ຮອງຫົວໜ້າອົງການໄອຍະການປະຊາຊົນສູງສຸດ ກໍ່ໄດ້ມີທິດຊີ້ນໍາຕໍ່ກົມຕິດຕາມກວດກາການດຳເນີນຄະດີແພ່ງໂດຍເໜັ້ນໜັກດ້ານການສືກສາອົບຮົມການເມືອງແນວຄິດໂດຍສະເພາະຈັນຍາບັນ, ຈັນຍາທຳ, ຍົກລະດັບຕົນເອງຢ່າງຮອບດ້ານ,ປັບປຸງ, ແກ້ໄຂໃຫ້ແທດເໜາະ ແລະ ມີຄວາມກ້າວໜ້າຂື້ນເລື້ອຍໆ. ຊຸດຝຶກອົບຮົມໄດ້ປິດລົງໃນເວລາ 16:00 ຂອງວັນທີ 09 ກັນຍາ 2016 ແລະ ໄດ້ຮັບຜົນສຳເລັດຢ່າງຈົບງາມ.

                

2016-09-28

ປະຕິທິນ

May-2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ