ກອງປະຊຸ່ມໃຫ່ຍສະມາຊີກພັກ ຄັ້ງທີ IV ຂອງອົງຄະນະພັກ, ອົງການໄອຍະການປະຊາຊົນສູງສຸດ ວັນທີ 05 ຕຸລາ 2016

     ກອງ​ປະຊຸມ​ໃຫຍ່ ຄັ້ງ​ທີ IV ຂອງ​ອົງຄະ​ນະ​ພັກ ອົງການ​ໄອ​ຍະ​ການ​ປະຊາຊົນ​ສູງ​ສຸດ ​ໄດ້​ໄຂ​ຂຶ້ນ​ຢ່າງ​ເປັນ​ທາງ​ການ ​ໃນ​ວັນ​ທີ 5 ຕຸລາ 2016 ທີ່​ຫ້ອງ​ປະຊຸມ​ໃຫຍ່ ອົງການ​ໄອ​ຍະ​ການ​ປະຊາຊົນ​ສູງ​ສຸດ ພາຍ​ໃຕ້​ການ​ເປັນ​ປະທານ​ ຂອງ ສະຫາຍ ຄຳ​ສານ ສຸ​ວົງ ກຳມະການ​ສູນ​ກາງ​ພັກ, ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ​ໂດຍ​ການ​​ໃຫ້​ກຽດເຂົ້າ​ຮ່ວມ ຂອງ ສະຫາຍ  ພັນຄຳ ວິພາວັນ ກໍາມະການກົມການເມືອງສູນກາງພັກ, ຮອງປະທານປະເທດ ຊຶ່ງ​ມີ​ບັນດາ​ສະຫາຍ​ຕາງໜ້າ​ຈາກ​ພາກສ່ວນ​ກ່ຽວ​ຂ້ອງ​ເຂົ້າ​ຮ່ວມ.

                                                                  

                                                                                                                     

        ກອງ​ປະຊຸມ​ຄັ້ງ​ນີ້​ໄດ້​ຜ່ານ​ບົດ​ລາຍ​ງານ​ການ​ເມືອງ​ ຂອງ ຄະນະບໍລິຫານງານພັກສະ​ໄໝ​ທີ III ບົດ​ສຳ​ຫຼວດການ​ນຳພາ​ລວມຂອງ​ຄະນະ​ພັກ​ໃນ​ໄລຍະໜຶ່ງສະ​ໄໝທີ່​ຜ່ານ​ມາ ​ໂດຍ​ຍົກ​ໃຫ້​ເຫັນ​ຜົນງານ ດ້ານ​ດີ - ຂໍ້ຄົງຄ້າງ ​ແລະ ບາງ​ບົດຮຽນ​ທີ່​ຖອດ​ຖອນ​ໄດ້ພາຍ​ໃຕ້​ການ​ນຳພາ​ຂອງ​ສູນ​ກາງ​ພັກ, ຄະນະ​ພັກອົງການ​ໄອ​ຍະ​ການ​ປະຊາຊົນ​ສູງ​ສຸດ ​ໄດ້​ເປັນ​ເຈົ້າ​ການ​ຊີ້​ນຳໆພາ ​ສະມາຊິກ​ພັກ ພະນັກງານ-ລັດຖະກອນຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ III ຂອງ​ຕົນ ກໍ​ຄື​ມະຕິ​ກອງ​ປະ​ຊຸມ​ໃຫຍ່ ຄັ້ງ​ທີ IX ຂອງ​ພັກ ​ເຄື່ອນ​ໄຫວ​ວຽກ​ງານ​ຕາມ​ພາລະ​ບົດບາດ, ສິດ ​ແລະ ໜ້າ​ທີ່ ​ທີ່​ໄດ້​ຮັບ​ມອບ​ໝາຍ​ຈາກ​ຂັ້ນ​ເທິງ ມີ​ແບບ​ແຜນການ​ນຳພາ ​ແບບ​ແຜນ​ວິທີ​ເຮັດ​ວຽກ​ທີ່ຖືກຕ້ອງ ແລະ ສອດຄ່ອງ​ກັບ​ແຜນການ​ ຂອງ ​ຄະນະ​ພັກ ​ແລະ ສະພາບ​ຄວາມ​ເປັນ​ຈິງ ນອກຈາກ​ນີ້ ​ຜູ້​ແທນ​ກອງ​ປະຊຸມ​ກໍ່​ໄດ້​ພ້ອມ​ກັນປະກອບ​ຄຳ​ເຫັນ​ຕໍ່​ກອງ​ປະຊຸມ​ເຮັດ​ໃຫ້​ມີ​ເນື້ອ​ໃນ​ອຸດົມສົມບູນ​ຂຶ້ນ​ຕື່ມ ກອງປະຊຸມຍັງໄດ້ຜ່ານວິໄສທັດຮອດ 2030 ຍຸດທະສາດ 2016-2025 ແລະ ແຜນພັດທະນາວຽກງານໄອຍະການ 05 ປີ 2016-2020.

  

       ກອງປະຊຸມຍັງໄດ້ດຳເນີນການບ່ອນບັດເລືອກຕັ້ງເອົາຄະນະພັກຊຸດໃໝ່ ຈຳນວນ 9 ສະຫາຍ ໂດຍເລືອກເອົາສະຫາຍ ຄໍາສານ ສຸວົງ ເປັນເລຂາຄະນະພັກ, ສະຫາຍ ໄຊຊະນະ ໂຄດພູທອນ ເປັນຮອງເລຂາພັກ ແລະ ເລືອກເອົາ ສະຫາຍ ບຸນຍັງ ຈັນດາລາສານ ເປັນປະທານກວດກາ.

       

      ສະຫາຍ  ພັນນຄຳ ວິພາວັນ ໄດ້ໃຫ້ກຽດໂອ້ລົມຕໍ່ກອງປະຊຸມ ໂດຍສະເພາະໄດ້ເນັ້ນໜັກໃຫ້ບັນດາສະຫາຍ ຄະນະບໍລິຫານງານພັກຊຸດໃໜ່ ຕ້ອງໄດ້ເອົາໃຈໃສ່ບາງດ້ານຄື: ພ້ອມກັນສືບຕໍ່ເອົາໃຈໃສ່ ສຶກສາອົບຮົມການເມືອງ-ແນວຄິດ ໃຫ້ບັນດາສະຫາຍສະມາຊິກພັກໃຫ້ໜັກແໜ້ນ, ເລີກເຊິ່ງ, ເປັນເຈົ້າການ, ປະຕິບັດລະບອບລວມສູນປະຊາທິປະໄຕ, ເຮັດວຽກເປັນໜູ່ຄະນະ, ເອົາໃຈໃສ່ວຽກງານປັບປຸງພາຍໃນເປັນສຳຄັນ, ດຳເນີນຊີວິດການ ເມືອງໃຫ້ເປັນປົກກະຕິ ແລະ ຕໍ່ເນື່ອງ, ເປັນແບບຢ່າງນຳໜ້າທີ່ດີໃນການນຳພາ, ຄົ້ນຄວ້າຮໍ່າຮຽນບັນດາມະຕິ - ຄໍາສັ່ງກົດລະ ບຽບຂອງພັກ, ກົດໝາຍ-ລະບຽບການຂອງລັດ ແລະ ບັນດານິຕິກຳຕ່າງໆທີ່ກ່ຽວຂ້ອງ ໂດຍສະເພາະແມ່ນກ່ຽວກັບວຽກງານໄອຍະການ, ຫ້າວຫັນເອົາໃຈໃສ່ຢ່າງຕັ້ງໜ້າປະກອບສ່ວນເຂົ້າໃນການ ຈັດຕັ້ງປະຕິບັດວຽກງານວິຊາສະເພາະກໍຄືວຽກງານກວດກາ, ການສັ່ງຟ້ອງຜູ້ກະທຳຜິດຂຶ້ນສານໃຫ້ບັນລຸຜົນສຳເລັດ;

            

      ປະສານສົມທົບຂໍທິດຊີ້ນຳຈາກຄະນະບໍລິຫານງານສູນກາງພັກ ຢ່າງເປັນປົກກະຕິ ແລະ ທັນສະພາບການ; ມີການສະຫຼຸບລາຍງານ, ຖອດຖອນບົດຮຽນ ແລະ ປັບປຸງແກ້ໄຂຂໍ້ຄົງຄ້າງໃຫ້ດີຂຶ້ນກວ່າເກົ່າ ສືບຕໍ່ພ້ອມກັນຄົ້ນຄວ້າກຳແໜ້ນຢ່າງເລີກເຊິ່ງຕໍ່ມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ອົງຄະນະພັກຂັ້ນຕົນ ກໍຄືບັນດາເນື້ອໃນກອງປະຊຸມໃນຄັ້ງນີ້ ຫັນເປັນແຜນການ-ແຜນງານເປັນແຕ່ລະໜ້າວຽກ, ສືບຕໍ່ຕັ້ງໜ້າເພີ່ມທະວີໃນການຈັດຕັ້ງປະຕິບັດໜ້າທີ່ວຽກງານຕາມພາ ລະບົດບາດຂອງຕົນ, ດ້ວຍຄວາມຮັບຜິດ ຊອບ ແລະ ສາມາດປະຕິບັດໜ້າທີ່ການ ເມືອງໃຫ້ມີຜົນສຳ ເລັດເປັນຢ່າງດີ

          ກອງປະຊຸມໄດ້ດໍາເນີນເປັນ ເວລາ 01 ວັນ ແລະ ອັດລົງດ້ວຍຜົນສໍາເລັດຕາມລະດັບຄາດໝາຍ ທີ່ວາງໄວ້.

2016-10-13

ປະຕິທິນ

May-2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ