ກອງປະຊຸມ ຫົວໜ້າອົງການໄອຍະການສູງສຸດ ອາຊຽນ-ຈີນ ຄັ້ງທີ X ໄດ້ໄຂຂຶ້ນຢ່າງເປັນທາງການ ຢູ່ ນະຄອນຫຼວງວຽງຈັນ

                                               ກອງປະຊຸມຫົວໜ້າອົງການໄອຍະການສູງສຸດອາຊຽນ-ຈີນຄັ້ງທີXພາຍໃຕ້ຫົວຂໍ້
“ເພີ່ມທະວີການຮ່ວມມືໃນການຕ້ານອາຊະຍາກໍາຂ້າມຊາດຢ່າງມີປະສິດທິຜົນ”ໄດ້ໄຂຂຶ້ນຢ່າງເປັນທາງການໃນຕອນເຊົ້າຂອງ
ວັນທີ9 ພະຈິກ 2016 ນີ້ ຢູ່ທີ່ໂຮງແຮມດອນຈັນພາເລດ, ນະຄອນຫຼວງວຽງຈັນ ໂດຍໄດ້ຮັບກຽດເຂົ້າຮ່ວມ ແລະ ກ່າວເປີ
ດກອງປະຊຸມຂອງ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ມີທ່ານ ຄໍາສານ ສຸວົງ ຫົວໜ້າອົງການໄ
ອຍະການປະຊາຊົນສູງສຸດ ສປປ ລາວແລະທ່ານຊາວຈຽນມິງຫົວໜ້າອົງການໄອຍະການປະຊາຊົນສູງສຸດແຫ່ງສປຈີນ,
 ມີຫົວໜ້າອົງການໄອຍະການສູງສຸດພ້ອມດ້ວຍຄະນະຈາກບັນດາປະເທດສະມາຊິກອາຊຽນ,ສ.ປຈີນແລະ ຫົວໜ້າອົງ
ການໄອຍະການປະຊາຊົນບັນດາແຂວງ, ນະຄອນຫຼວງວຽງຈັນ ເຂົ້າຮ່ວມ.

 

    

 

     

 ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ

 

 ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ ສປປ ລາວ

     ໃນໂອກາດກ່າວໄຂກອງປະຊຸມຢ່າງເປັນທາງການ ທ່ານ ບຸນປອນ ບຸດຕະນະວົງ ໄດ້ກ່າວສະແດງຄວາມຍິນດີຕ້ອນ ຮັບອັນອົບອຸ່ນມາຍັງຫົວໜ້າອົງການໄອຍະການສູງສຸດຂອງບັນດາປະເທດສະມາຊິກອາຊຽນ, ຫົວໜ້າອົງການໄອຍະການປະ ຊາຊົນ ສປ ຈີນ ພ້ອມຄະນະ ແລະ ບັນດາທ່ານທີ່ໃຫ້ກຽດເຂົ້າຮ່ວມຄັ້ງນີ້. ກອງປະຊຸມຫົວໜ້າອົງການໄອຍະການສູງສຸດອາຊຽນ-ຈີນ ຄັ້ງທີ X ໄດ້ໄຂຂຶ້ນໃນທ່ານກາງບັນຍາກາດທີ່ສປປລາວພວມເບີກບານມ່ວນຊື່ນແລະຈັດຕັ້ງຜັນຂະຫຍາຍ ຜົນສໍາເລັດກຂອງກອງປະຊຸມສຸດຍອດອາຊຽນຄັ້ງທີ 28 ແລະ 29 ແລະກອງປະຊຸມປິ່ນອ້ອມອື່ນໆ ທີ່ ສປປ ລາວ ເປັນເຈົ້າພາບ ເຂົ້າສູ່ພາກປະຕິບັດຕົວຈິງຢ່າງເປັນຂະບວນຟົດຟື້ນ.

    ທ່ານ ຊາວ ຈຽມມິງ ຫົວໜ້າໄອຍະການປະຊາຊົນສູງສຸດ ແຫ່ງ ສ.ປ ຈີນ

      ກອງປະຊຸມຫົວໜ້າອົງການໄອຍະການສູງສຸດ ອາຊຽນ-ຈີນ ແມ່ນກອງປະຊຸມປຶກສາຫາລືແລກປ່ຽນຂໍ້ມູນຂ່າວ ສານ ກ່ຽວກັບວຽກງານໄອຍະການແນໃສ່ເພີ່ມທະວີການພົວພັນຮ່ວມມືວຽກງານໄອຍະການໃນການຕ້ານອາຊະຍາກໍາຂ້າມຊາດ ເພື່ອຮັບປະກັນການສັ່ງຟ້ອງຄະດີອາຍາຂອງບັນດາປະເທດສະມາຊິກອາຊຽນແລະສປຈີນໃຫ້ເຂົ້າສູ່ຄຸນນະພາບ ຊຶ່ງແມ່ນອົງການໄອຍະການປະຊາຊົນສູງສຸດ ແຫ່ງ ສປ ຈີນ ເປັນຜູ້ລິເລີ່ມກໍ່ຕັ້ງຂຶ້ນ ແລະ ໄດ້ຈັດກອງປະຊຸມມາແລ້ວ 9 ຄັ້ງ, ຄັ້ງປະຖົມມະເລິກໄດ້ຈັດຂຶ້ນທີ່ເມືອງຄຸນມິງສປຈີນໃນວັນທີ7-9ກໍລະກົດ2004 ຈາກນັ້ນກໍໄດ້ຈັດຂຶ້ນໃນທຸກໆປີໂດຍພັດປ່ຽນກັນເປັນເຈົ້າພາບ ແລະ ມີຫົວຂໍ້ປິ່ນອ້ອມທີ່ແຕກຕ່າງກັນໃນແຕ່ລະຄັ້ງ.

      ໃນກອງປະຊຸມຄັ້ງທີ X ທີ່ ສປປ ລາວ ກໍຄື ອົງການໄອຍະການປະຊາຊົນສູງສຸດ ສປປ ລາວ ເປັນເຈົ້າພາບຈັດຄັ້ງນີ້ ໂດຍມີຫົວຂໍ້ “ເພີ່ມທະວີການຮ່ວມມືໃນການຕ້ານອາຊະຍາກໍາຂ້າມຊາດຢ່າງມີປະສິດທິຜົນ” ໃນນີ້ແມ່ນເນັ້ນໃສ່ ບັນຫາການຄ້າຂາຍຢາເສບຕິດ ແລະ ການຄ້າມະນຸດຊຶ່ງແມ່ນໜື່ງໃນບັນດາອາຊະຍາກໍາຂ້າມຊາດທີ່ແຜ່ຫຼາຍໃນປະຈຸບັນທີ່ສ້າງຄວາມເສຍຫາຍຢ່າງຫຼວງຫຼາຍຕໍ່ຊີວິດ, ສຸຂະພາບ ແລະ ຊັບສິນຂອງພົນລະເມືອງອັນໄດ້ເຮັດໃຫ້ສັງຄົມມີຄວາມວຸ້ນວາຍ ບໍ່ມີຄວາມສະຫງົບ ກາຍເປັນປະກົດການຫຍໍ້ທໍ້ ທັງເປັນໄພຂົ່ມຂູ່ຕໍ່ສັນຕິພາບ, ສະເຖຍລະພາບ ແລະ ຄວາມໝັ້ນຄົງຂອງຊາດ, ພາກພື້ນ ແລະ ຂອງໂລກ. ໃນຊຸມປີທີ່ຜ່ານມາເຫັນວ່າຢູ່ ສປປ ລາວ ອາຊະຍາກໍາຂ້າມຊາດໂດຍສະເພາະແມ່ນອາຊະຍາກໍາຢາເສບຕິດ ແລະ ການຄ້າມະນຸດແມ່ນມີລັກສະນະເພີ່ມຂຶ້ນ ຈາກການຄ້າມະນຸດຢູ່ພາຍໃນປະເທດ ກາຍເປັນການຄ້າມະນຸດທີ່ມີລັກສະນະຂ້າມຊາດ ແລະມີການຈັດຕັ້ງ

   ສະນັ້ນຈຶ່ງມີຄວາມຈໍາເປັນທີ່ຈະຕ້ອງໄດ້ມີການຮ່ວມມືກັນຢ່າງແໜ້ນແຟ້ນກັບບັນດາອົງການຈັດຕັ້ງພາຍໃນປະເທດ, ບັນດາປະເທດສະມາຊິກອາຊຽນແລະສປຈີນເພື່ອຕອບຕ້ານກັບອາຊະຍາກໍາທີ່ເກີດຂຶ້ນ ພ້ອມນັ້ນກອງປະຊຸມຄັ້ງນີ້ຈະເປັນໂອກາດອັນສໍາຄັນສໍາລັບບັນ ດາທ່ານທີ່ເຂົ້າຮ່ວມເພື່ອປຸກລະດົມແນວຄວາມຄິດເຂົ້າໃນແລກປ່ຽນຂໍ້ມູນຂ່າວສານແລະວິທີການຈັດຕັ້ງປະຕິບັດບັນດາຖະ ແຫຼງການຮ່ວມທີ່ໄດ້ລົງນາມໃຫ້ເປັນຮູບປະທໍາ,ແກ້ໄຂບັນຫາອາຊະຍາກໍາຂ້າມຊາດໂດຍສະເພາະແມ່ນອາຊະຍາກໍາຢາເສບຕິດແລະ ການຄ້າມະນຸດຢ່າງມີປະສິດທິຜົນເພື່ອນໍາເອົາຜູ້ກະທໍາຜິດມາລົງໂທດຕາມກົດໝາຍເຮັດໃຫ້ພາກພື້ນມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ປະຊາຊົນຍູທາງທໍາມາຫາກິນ ແລະ ພັດທະນາປະເທດຊາດໃຫ້ກ້າວໜ້າຢ່າງບໍ່ຢຸດຢັ້ງ.

      ນະໂອກາດອັນມີຄວາມໝາຍສໍາຄັນນີ້ ທ່ານ ຮອງປະທານສະພາແຫ່ງຊາດ ໄດ້ມີຄໍາເຫັນຊີ້ນໍາຕໍ່ທີ່ປະຊຸມໂດຍສະ ເພາະອົງການໄອຍະການບັນດາປະເທດສະມາຊິກອາຊຽນ ແລະ ສປ ຈີນ ຈົ່ງພ້ອມກັນເພີ່ມທະວີການຮ່ວມມືຢ່າງແໜ້ນແຟ້ນ, ວ່ອງໄວ ແລະທັນເວລາເພື່ອນໍາເອົາອາຊະຍາກອນຂ້າມຊາດມາລົງໂທດຕາມກົດໝາຍ;ສືບຕໍ່ປັບປຸງກົນໄກການຮ່ວມມືຍຸຕິທໍາແລະ ພັດທະນາວິທີການທີ່ເໝາະສົມ,ມີປະສິດທິຜົນໃນການປະຕິບັດການຮ່ວມມືທາງອາຍາ ແລະ ການສົ່ງຜູ່ຮ້າຍຂ້າມແດນ; ເພື່ມທະວີການແລກປ່ຽນຂໍ້ມູນຂ່າວສານອາຊະຍາກໍາຂ້າມຊາດໃຫ້ຫຼາຍຂຶ້ນ ແລະ ເປັນປົກກະຕິ, ແຈ້ງຂໍ້ມູນເປົ້າໝາຍທີ່ຕິດຕາມ, ຊອກຫາຮ່ອງຮອຍ ແລະ ການສືບຂ່າວບົນພື້ນຖານ ສົນທິສັນຍາທີ່ປະເທດຕົນເປັນພາຄີ ແລະ ກົດໝາຍພາຍໃນຂອງຕົນ; ສ້າງຄວາມເຂັ້ມແຂງໃຫ້ພະນັກງານໄອຍະການໃນຫົວຂໍ້ຕ່າງໆທີ່ພົວພັນເຖິງການຕ້ານອາຊະຍາກໍາຂ້າມຊາດ ໂດຍການເຂົ້າຮ່ວມກອງປະຊຸມ,ຝຶກອົບຮົມແລະສໍາມະນາຢ່າງມີປະສິດທິຜົນແລະ ສ້າງຕັ້ງຈຸດປະສານງານອົງການໄອຍະການບັນດາປະເທດສະມາຊິກອາຊຽນແລະສປຈີນ ເພື່ອຮັບປະກັນໃຫ້ແກ່ການພົວພັນ-ຮ່ວມມືກັນໃນການຕ້ານອາຊະຍາກໍາແລະວຽກງານອື່ນໆທີ່ກ່ຽວຂ້ອງຢ່າງຕໍ່ເນື່ອງ ແລະມີປະສິດທິຜົນ. ກອງປະຊຸມຄັ້ງນີ້ໄດ້ດໍາເນີນ ແລະ ອັດລົງດ້ວຍຜົນສໍາເລັດອັນຈົບງານໃນຕອນແລງຂອງວັນດຽວກັນ.

2016-11-17

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ