ໃນລະຫວ່າງວັນທີ 28 - 30 ພະຈີກ 2016; ກອງປະຊຸມສ້າງຄວາມອາດສາມາດພາຍໃນກ່ຽວກັບການ
ຕ້ານອາຊະຍາກຳຂ້າມຊາດທີ່ເປັນໄພຂົ່ມຂູ່ທົ່ວໂລກໂດຍສະເພາະການຄ້າມະນຸດ ແລະ ການເຂົ້າ-ອອກເມືອງຜິດກົດໜາຍ
ໄດ້ໄຂຂື້ນຢ່າງເປັນທາງການ ທີ່ໂຮງແຮມດອນຈັນພາເຣດ ໂດຍແມ່ນການຮ່ວມມືລະຫວ່າງ ອົງການໄອຍະການປະຊາຊົນ
 ສປປ ລາວ ແລະ ສະຖາບັນຊ່ວຍເຫຼືອທາງດ້ານກົດໜາຍ ແລະ ວິຊາການ ແຫ່ງຣາຊະອານາຈັກລຸກຊຳບວກ ພາຍ​ໃຕ້​ກ
ານ​ເປັນ​ປະທານ​ຂອງ ທ່ານ ຄຳ​ສານ ສຸ​ວົງ ກຳມະການ​ສູນ​ກາງ​ພັກ, ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ

ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ

ໂດຍ​ການ​​ໃຫ້​ກຽດເຂົ້າ​ຮ່ວມ MR Richard Philippart ຫົວໜ້າສະຖາບັນ ILSTA, HE Claue Jentgen, ອຸປະທູດ, ສະຖານທູດລຸກຊຳບວກ, HE. Lee- Anne Herman ສະຖານທູດຄານາດາ, ຫົວໜ້າກົມ-ຮອງກົມ, ຫົວໜ້າພະແນກ, ພະນັກງານອົງການໄອຍະການປະຊາຊົນສູງສຸດ, ອົງການໄອຍະການປະຊາຊົນແຂວງ, ກະຊວງຍຸຕິທໍາ, ກະຊວງການຕ່າງປະເທດ, ທະນາຄານແຫ່ງ ສປປ ລາວ, ສານປະຊາຊົນ 3 ພາກ, ແລະ ເຈົ້າໜ້າທີ່ ປກສ 18 ແຂວງ ແລະ ຜູ່ເຂົ້າຮ່ວມອ້ອມຂ້າງສູນກາງ ລວມທັງໜົດ 155 ຄົນ.

   Mr Richard Philippart

ຫົວໜ້າສະຖາບັນຊ່ວຍເຫລືອທາງດ້ານກົດໜາຍ ແລະ ວິຊາການແຫ່ງຣາຊະອານາຈັກ ລຸກຊຳບວກ

ກອງປະຊຸມແມ່ນໄດ້ເວົ້າເຖີງເນື້ອໃນຕົ້ນຕໍໃນຫົວຂໍ້ ການຄ້າມະນຸດເຊິ່ງເປັນໄພຂົ່ມຂູ່ໃນທົ່ວໂລກ, ສະຖານະການຄ້າມະນຸດໃນ ສປປ ລາວ,  ການລະບຸຕົວຜູ້ຖືກເຄາະຮ້າຍຈາກການຄ້າມະນຸດ, ການເຂົ້າ-ອອກເມືອງຜິດກົດໜາຍ ,ການຄ້າມະນຸດ - ການຕ້ານການຄ້າມະນຸດ, ສິດທິມະນຸດ, ການຟອກເງີນ ແລະ ການສໍ້ລາດບັງຫລວງ, ເຊີ່ງກອງປະຊຸມ ກໍໄດ້ມີການແລກປ່ຽນຄວາມຄິດຄວາມເຫັນໃນຫົວຂໍ້ຕ່າງໆ ໃນການຕ້ານ ແລະ ສະກັດກັ້ນ ໃນປັດຈຸບັນ ແລະ ອານາຄົດໃຫ້ເກີດຜົນຢ່າງແທ້ຈີງ.

 ທ່ານ ບຸນຍັງ ຈັນດາລາສານ ຮອງຫົວໜ້າອົງການໄອຍະການປະຊາຊົນສູງສຸດ

ທ່ານ ຈັນທີ ໂປລິວັນ ຫົວໜ້າກົມກວດກາການດຳເນີນຄະດີອາຍາ

2016-12-01