ພິທີເຊັນຄໍາແນະນໍາຮ່ວມລະຫວ່າງຫົວໜ້າອົງການໄອຍະການປະຊາຊົນສູງສຸດແລະປະທານສານປະຊາຊົນສູງສຸດ

  ເພື່ອຈັດຕັ້ງປະຕິບັດແຜນພັດທະນາວຽກງານໄອຍະການໄລຍະ5 ປີ 2016-2020 ໂດຍສະເພາະແມ່ນແຜນງານຍົກສູ
ງຄຸນນະພາບການຕິດຕາມກວດກາການປະຕິບັດກົດໝາຍແລະເພື່ອເປັນການສ້າງຄວາມເຂັ້ມແຂງໃຫ້ແກ່ອົງການໄອຍະການ
ປະຊາຊົນໃນການຕິດຕາມກ ວດກາການດໍາເນີນຄະດີແພ່ງແຮງງານ,ການຄ້າ,ຄອບຄົວແລະເດັກຢູ່ສານຂັ້ນຕົ້ນ.ເຮັດໃຫ້ການ
ດໍາເນີນຄະດີຢູ່ສານຂັ້ນຕົ້ນມີຄວາມຄົບຖ້ວນ, ຮອບດ້ານ, ພາວະວິໄສ ແລະ ຮັບປະກັນຄຸນນະພາບສູງຂື້ນກວ່າເກົ່າ. ໃນວັນ
ທີ 29 ທັນວາ 2016 ເວລາ8:30ໂມງໄດ້ມີພິທີເຊັນຄໍາແນະນໍາຮ່ວມລະຫວ່າງຫົວໜ້າອົງການໄອຍະການປະຊາຊົນສູງສຸດແລ
ະປະທານສານປະຊາຊົນສູງສຸດ ວ່າດ້ວຍການເຂົ້າຮ່ວມດໍາເນີນຄະດີແພ່ງ, ແຮງງານ, ການຄ້າ, ຄອບຄົວ ແລະ ເດັກ ຢູ່ສານຂັ້ນ
ຕົ້ນຂື້ນ. ເຂົ້າຮ່ວມໃນພິທີໃນຄັ້ງນີ້ມີ ທ່ານ ຄໍາສານສຸວົງກໍາມະການສູນກາງພັກຫົວໜ້າອົງການໄອຍະການປະຊາຊົນສູງສຸດ,
ທ່ານຄໍາພັນ ສິດທິດໍາພາກໍາມະການສູນກາງພັກປະທານສານປະຊາຊົນສູງສຸດ,ມີຮອງຫົວໜ້າອົງການໄອຍະການປະຊາຊົນສູງ
ສຸດ, ຮອງປະທານສານປະຊາຊົນສູງສຸດ, ຄະນະພັກ-ຄະນະນໍາຂອງອົງການ ແລະ ແຂກຖືກເຊີນຈໍານວນໜຶ່ງເຂົ້າຮ່ວມ.

       ຄໍາແນະນໍາຮ່ວມສະບັບນີ້ ເປັນນິຕິກໍາໜຶ່ງທີ່ຜັນຂະຫຍາຍກົດໝາຍວ່າດ້ວຍ ອົງການໄອຍະການປະຊາຊົນ ແລະ ກົດໝາຍວ່າດ້ວຍສານປະຊາຊົນ ສະບັບປັບປຸງປີ 2009, ກົດໝາຍວ່າດ້ວຍການດໍາເນີນຄະດີແພ່ງປີ 2012 ເປັນອັນລະອຽດ ເຊີ່ງໄດ້ລະບຸວິທີການໃນການເຂົ້າຮ່ວມຕິດຕາມກວດກາການດໍາເນີນຄະດີແພ່ງ, ແຮງງານ, ການຄ້າ, ຄອບຄົວ ແລະ ເດັກ ຢູ່ສານຂັ້ນຕົ້ນຂອງອົງການໄອຍະການແລະການຮ່ວມມືຂອງສານໃນການຕິດຕາມກວດກາດັ່ງກ່າວ.ນອກຈາກນີ້ຄໍາແນະນໍາດັ່ງກ່າວກໍຈະ

ເປັນຄູ່ມືໃຫ້ແກ່ພະນັກງານໄອຍະການປະຊາຊົນແລະ ຜູ້ພິພາກສານໍາໄປເປັນບ່ອນອີງໃນການຈັດຕັ້ງປະຕິບັດໜ້າທີ່ວຽກງານຢ່າງຖືກຕ້ອງ ແລະ ເປັນເອກະພາບໃນຂອບເຂດທົ່ວປະເທດ.

2016-12-29

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ