ກອງປະຊຸມສໍາມະນາວິທະຍາສາດ ທາບທາມຄວາມຄິດເຫັນ ໃສ່ຮ່າງກົດໝາຍ ວ່າດ້ວຍອົງການໄອຍະການປະຊາຊົນ ສະບັບປັບປຸງໃໝ່ ທີ່ໂຮງແຮມຈໍາປາພຣາເລດ ແຂວງຈໍາປາສັກ ແຕ່ວັນທີ 26-27 ທັນວາ 2016

      ກອງ​ປະຊຸມ​ສໍາ​ມະ​ນາ​ວິທະຍາສາດ ທາ​ບທາມ​ຄວາມ​ຄິດ​ເຫັນ ​ໃສ່​ຮ່າງ​ກົດໝາຍ ວ່າ​ດ້ວຍ​ອົງການ​ໄອ​ຍະ​ການ​ປະຊາຊົນ ສະບັບ​ປັບປຸງ​ໃໝ່ ​ແລະ ການຈັດ​ຕັ້ງ​ປະຕິບັດ ກົດໝາຍ ວ່າ​ດ້ວຍ​ການ​ດໍາ​ເນີນ​ຄະດີ​ອາຍ​າ ​ໄລຍະ​ຜ່ານ​ມາ, ຊຶ່ງ​ໄດ້ຈັດ​​ຂຶ້ນ ​​ເວລາ 08:30 ຂອງ​ວັນ​ທີ 26 ທັນວາ 2016 ​ແລະ ຈະ​ອັດ​ລົງ​ໃນ​ຕອນ​ແລງ ຂອງ​ວັນ​ທີ 27 ທັນວາ 2016 ​ທີ່​ໂຮງ​ແຮມ​ຈໍາປາ​ພຣາ​ເລດ ​ແຂວງ​ຈໍາປາ​ສັກ, ​ໂດຍ​ພາຍ​ໃຕ້ ​ການ​ເປັນ​ປະ ທານ​ ຂອງ​ທ່ານ ​ໄຊຊະນະ ​ໂຄດ​ພູທອນ ຮອງ​ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ທັງ​ເປັນ​ຫົວໜ້າ​ຄະນະ​ຄົ້ນຄວ້າ​ເພື່ອ​ປັບປຸງ​ກົດໝາຍ ​ວ່າ​ດ້ວຍ​ອົງການ​ໄອ​ຍະ​ການ​ປະຊາຊົນ, ມີ​ບັນດາ​ທ່ານຄະນະ​ນໍາ ທີ່ຕາງໜ້າ​ໃຫ້ ພາກສ່ວນ​ກ່ຽວ​ຂ້ອງ ​ເຊັ່ນ: ສະພາ​ປະຊາຊົນ​ແຂວງ, ກອງ​ບັນຊາ​ການ ປກສ ​ແຂວງ, ສານ​ປະຊາຊົນ​ແຂວງ, ພະ​ແນ​ກຍຸຕິ​ທໍາ​ແຂວງ, ອົງການ​ໄອ​ຍະ​ການ​ປະຊາຊົນ​​ແຂວງ ທີ່​ມາ​ຈາກ ​ແຂວງ​ຄໍາ​ມ່ວນ, ສະຫວັນ​ນະ​ເຂດ, ສາລະ​ວັນ, ​ເຊ​ກອງ, ອັດ​ຕະປື ​ແລະ ພາຍ​ໃນແຂວງ​ຈໍາປາ​ສັກ ຍັງ​ມີອົງການ​ໄອ​ຍະ​ການ​ປະຊາຊົນພາກ​ໃຕ້ ​​ແລະ ແຂວງ, ສານ​ປະຊາຊົນ​ພາກ​ໃຕ້ ​ແລະ ​ແຂວງ, ອົງການ​ໄອ​ຍະ​ການ​ທະຫານ​ພາກ​ໃຕ້ ​ແລະ ແຂວງ, ພະ​ແນ​ກກວດກາ​ລັດ​ແຂວງ, ຂະ​ແໜງ​ກວດກາ​ປ່າ​ໄມ້​ແຂວງ ​ແລະ ຫ້ອງການ​ພາສີ​ແຂວງ ​ເຂົ້າ​ຮ່ວມ​ທັງ​ໝົດ ​ເກືອບ 100 ທ່ານ.

      ຊຶ່ງ​ມື້​ທໍາ​ອິດ ບັນດາ​ທ່ານ​ທີ່​ເຂົ້າ​ຮ່ວມ ຈະ​ໄດ້​ພ້ອມ​ກັນ​ຄົ້ນຄວ້າ​ປະກອບ​ຄວາມ​ຄິດ​ຄວາມ​ເຫັນ​ໃສ່ ຮ່າງ​ກົດໝາຍ ວ່າ​ດ້ວຍ​ອົງການ​ໄອ​ຍະ​ການ​ປະຊາຊົນ ສະບັບ​ປັບປຸງ​ໃໝ່ ​ເປັນ​ຕົ້ນ​ແມ່ນ ​ລະບົບ​ການຈັດ​ຕັ້ງ ຂອງ​ອົງກາ​ນ​ໄອ​ຍະ​ການ​ປະຊາຊົນ ​ທົ່ວ​ປະ​ເທດ, ການ​ສ້າງ​ຕັ້ງ​ອົງການ​ໄອ​ຍະ​ການ​ປະຊາຊົນ ​ເມືອງ, ​ເທດ ສະບານ, ນະຄອນ ຢູ່​ບັນດາ​ແຂວງ ​ແລະ ນະຄອນຫຼວງ, ພ້ອມ​ທັງ​ກໍານົດ​ຂອບ​ເຂດ​ສິດ, ໜ້າ​ທີ່ ​ໃນ​ການ​ດໍາ​ເນີນ​ຄະດີ​ອາຍາ ຄືນ​ໃໝ່​ ໃຫ້​ແທດ​ເໝາະ​ກວ່າ​ເກົ່າ ແລະ ມື້​ທີ​ສອງ ​ຈະ​ໄດ້​ພ້ອມ​ກັນ ທົບ​ທວນຄືນ ການຈັດ​ຕັ້ງ​ປະຕິບັດ ກົດໝາຍ ວ່າ​ດ້ວຍ​ການ​ດໍາ​ເນີນ​ຄະດີ​ອາຍາ ສະບັບ​ປີ 2012 ຜ່ານ​ມາ ມີ​ຂໍ້ຫຍຸ້ງຍາກ, ຂໍ້​ສະ​ເໜີ ​ແລະ ວິທີ​ການ​ແກ້​ໄຂ ທີ່​ເໝາະ​ສົມ​ແນວ​ໃດ?​ ​ເພື່ອ​ເປັນຂໍ້​ມູນ​ທີ່​ສໍາຄັນ ກະກຽມ​ໃຫ້​ແກ່​ການ​ປັບປຸງ​ກົດໝາຍ ວ່າ​ດ້ວຍ​ການ​ດໍາ​ເນີນ​ຄະດີ​ອາຍາ ​ໃນ​ປີ 2017 ນີ້.

      ​ໃນ​ຕອນ​ທ້າຍ​ກອງ​ປະຊຸມ ຕາງໜ້າ​ໃຫ້​ຄະນະ​ນໍາ ອົງການ​ໄອ​ຍະ​ການ​ປະຊາຊົນ​ສູງ​ສຸດ ຍັງ​ໄດ້​ມອບ ຄອມ​ພີ​ວ​ເຕີ ນົດບຸກ ​ໃຫ້​​ແກ່ອົງການ​ໄອ​ຍະ​ການ​ປະຊາຊົນ ພາກ​ໃຕ້, ​ແຂວງ​ຈໍາປາ​ສັກ, ອັດ​ຕະປື, ​ເຊ​ກອງ, ສາລະ​ວັນ, ສະຫວັນ​ນະ​ເຂດ ​ແລະ ​ແຂວງ​ຄໍາ​ມ່ວນ ພາກສ່ວນ​ລະ 01 ​ເຄື່ອງ ລວມທັງ​ໝົດ 07 ​ເຄື່ອງ ​ເພື່ອ​ເປັນ​ເຄື່ອງມື​ຮັບ​ໃຊ້​ ໃຫ້​ແກ່​ການປະຕິບັດໜ້າທີ່​ວຽກ​ງານ​ໄອ​ຍະ​ການ ​ໃນ​ສະ​ເພາະ​ໜ້າ ​ແລະ ຍາວ​ນານ, ​ເປັນ​ກຽດ​ມອບ​ ​ໂດຍ​ແມ່ນ​ທ່ານ ​ໄຊຊະນະ ​ໂຄດ​ພູທອນ ຮ​ອງຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ​ແລະ ຮັບ​ໂດຍ​ ຄະນະ​ນໍາ ທີ່​ຕາງໜ້າ​ໃຫ້​ພາກສ່ວນ​ດັ່ງກ່າວ ກ່າວ​ຮັບ, ພ້ອມ​ທັງ ​ໃຫ້​ຄໍາ​ໝັ້ນ​ສັນຍາ​ວ່າ ຈະ​ນໍາ​ໃຊ້​ອຸບປະກອນ​ດັ່ງກ່າວ ​ເຂົ້າ​ໃນ​ການ​ພັດທະນາ​ວຽກ​ງານ​ໄອ​ຍະ​ການ​ປະຊາຊົນ ​ໃຫ້​ເກ​ີດປະ​ໂຫຍ​ດສູງ​ສຸດ.

2016-12-29

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ