ອົງການໄອຍະການປະຊາຊົນສູງສຸດປາຖະກະຖາ ວັນການສ້າງຕັ້ງອົງການໄອຍະການປະຊາຊົນ ຄົບຮອບ 27 ປີ (09/01/1990 – 09/01/2017)

ໃນຕອນບ່າຍຂອງວັນທີ6ມັງກອນ2017;ອົງການໄອຍະການປະຊາຊົນສູງສຸດໄດ້ຈັດປະຖະກະຖາກ່ຽວກັບວັນສ້າງຕັ້ງອົງການ
ໄອຍະການປະຊາຊົນຄົບຮອບ27ປີຂື້ນໂດຍການໃຫ້ກຽດເປັນປະທານຂອງທ່ານໄຊຊະນະ ໂຄດພູທອນຮອງຫົວໜ້າອົງການໄອຍະ
ການປະຊາຊົນສູງສຸດແລະຜູ້ເຂົ້າຮ່ວມມີຫົວໜ້າຫ້ອງການ,ຮອງຫົວໜ້າຫ້ອງການ,ຫົວໜ້າກົມ,ຮອງຫົວໜ້າກົມ, ສະຖາບັນຝຶກອົບຮົມໄອຍະການ,
 ອົງການໄອຍະການປະຊາຊົນພາກກາງ,ຫົວໜ້າພະແນກ,ຮອງຫົວໜ້າພະແນກແລະວິຊາການທັງໝົດ100ກວ່າຄົນ.

 ເນື່ອງໃນໂອກາດວັນສຳຄັນດັ່ງກ່າວທ່ານ ຮອງຫົວໜ້າອົງການໄອຍະການປະຊາຊົນສູງສຸດໄດ້ຍົກໃຫ້ເຫັນການກຳເນີດຂອງອົງ

ການໄອຍະການປະຊາຊົນເຊີ່ງໄດ້ຖືກສ້າງຕັ້ງຂື້ນດ້ວຍສະພາບແວດລ້ອມແລະຄວາມຈຳເປັນພາວະວິໄສ,ການປ່ຽນແປງໃຫມ່ຢ່າງຮອບດ້ານແລະ ມີຫລັກການຂອງພັກປະຊາຊົນປະຕິວັດລາວໄດ້ນໍາພາຕໍ່ສູ້ປົດປ່ອຍຊາດແມ່ນເພື່ອເຮັດໃຫ້ປະຊາຊົນບັນດາເຜົ່າໄດ້ມີຄວາມຮັ່ງມີຜາສຸກ ປະເທດຊາດມັ່ງຄັ່ງເຂັ້ມແຂງ, ສັງຄົມມີຄວາມປອງດອງມີປະຊາທິປະໄຕ ຍຸຕິທຳ ແລະ ສີວິໄລ.        

        ວຽກງານໄອຍະການເປັນວຽກໜຶ່ງທີ່ສຳຄັນປະກອບເຂົ້າໃນການຄຸ້ມຄອງລັດ ຄຸ້ມຄອງເສດຖະກິດ-ສັງຄົມເພື່ອປົກປັກຮັກສາຜົນປະໂຫຍດຂອງລັດ,ສັງຄົມສິດ ແລະ ຜົນປະໂຫຍດອັນຊອບທຳຂອງພົນລະເມືອງ ແລະ ທັງຮັບປະກັນໃຫ້ສັງຄົມມີຄວາມສະຫງົບ ຄວາມເປັນລະບຽບຮ້ອຍ ແລະ ມີຄວາມຍຸຕິທຳ.

       ກອງປະຊຸມສະໄໝສາມັນຂອງສະພາປະຊາຊົນສູງສຸດຊຸດທີIIໃນວັນທີ23ພະຈິກ ປີ 1989 ໄດ້ຮັບຮອງເອົາກົດໝາຍວ່າດ້ວຍອົງການໄອຍະການປະຊາຊົນແຫ່ງສປປລາວສະບັບທໍາອິດແລະ ປະກາດໃຊ້ໂດຍດຳລັດປະທານປະເທດສະບັບເລກທີ05ວັນທີ9ມັງກອນປີ1990 ເປັນຂີດໝາຍປະຫວັດສາດທີ່ສໍາຄັນຂອງອົງການໄອຍະການປະຊາຊົນໄດ້ມີການເຕີບໃຫຍ່ຂະຫຍາຍຕົວມາຮອດປະຈຸບັນ ຄົບຮອບ 27 ປີ (09/01/1990–09/01/2017)ຕະຫລອດໄລຍະ27ປີ, ອົງການໄອຍະການປະຊາຊົນໄດ້ມີການພັດທະນາເຕີບໃຫ່ຍເຂັ້ມແຂງທາງດ້ານການຈັດຕັ້ງແລະ ບຸກຄາລາກອນໄດ້ປະກອບສ່ວນຢ່າງຕັ້ງໜ້າເຂົ້າໃນການປົກປັກຮັກສາແລະ ພັດທະນາປະເທດຊາດເປັນຕົ້ນແມ່ນການປະຕິບັດຕາມກົດໜາຍສິດໜ້າທີ່ຂອງອົງການໄອຍະການປະຊາຊົນໃນການຕິດຕາມກວດກາການເຄົາລົບ ແລະປະຕິບັດກົດໜາຍໃຫ້ມີຄວາມຖືກຕ້ອງເປັນເອກະພາບພາຍໃນຂົງເຂດທົ່ວປະເທດ ແລະ ປະຕິບັດສິດໃນການສັ່ງຟ້ອງຜູ້ຖືກຫາຂັ້ນຕົ້ນ.

2017-01-06

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ