ອົງການໄອຍະການປະຊາຊົນສູງສຸດ ປາຖະກະຖາວັນສ້າງຕັ້ງກອງທັບປະຊາຊົນລາວ (ຄອບຮອບ 68 ປີ) ຄັ້ງວັນທີ 24 / ມັງກອນ / 2017

 ໃນຕອນເຊົ້າຂອງວັນທີ 24 ມັງກອນ 2017,ທີ່ອົງການໄອຍະການປະຊາຊົນສູງສຸດໄດ້ຈັດຕັ້ງປາຖະກະຖາວັນສ້າງຕັ້ງກ
ກອງທັບປະຊາຊົນລາວ ຄົບຮອບ68ປີ(20ມັງກອນ 1949-20ມັງກອນ 2017)ຂື້ນໃຫ້ກຽດເຜີຍແຜ່ເອກະສານໃນຄັ້ງນີ້
 ໂດຍທ່ານພົ/ວ ສອນທອງ ພົມລາວົງ ຮອງຫົວໜ້າກົມໃຫ່ຍການເມືອງກອງທັບ, ເຂົ້າຮ່ວມຟັງປະຖະກະຖາຄັ້ງນີ້ມີຄະນະພັກ,
 ຄະນະນຳອົງການໄອຍະການປະຊາຊົນສູງສຸດ, ບັນດາຫົວໜ້າກົມ, ຫ້ອງການ, ອົງການໄອຍະການປະຊາຊົນພາກກາງ
ແລະ ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານ, ເຂົ້າຮ່ວມ100 ກ່ວາຄົນ.

   ທ່ານຮອງຫົວໜ້າກົມໃຫ່ຍການເມືອງກອງທັບ ໄດ້ເລົ່າຄືນເຖິງວັນທີ 20 ມັງກອນ 1949 ແມ່ນວັນສ້າງຕັ້ງກອງທັບລາວອິດສະຫຼະ ( ກອງທັບປະຊາຊົນລາວໃນປັດຈຸບັນ ) ເຊິ່ງ ໄດ້ຮັບການ

ສ້າງຕັ້ງຂຶ້ນຢ່າງເປັນທາງການຢູ່ເຂດລາວຮຸ່ງພຽງສາ ເມືອງຊຽງຄໍ້ ແຂວງຫົວພັນ ໂດຍແມ່ນ ປະທານ ໄກສອນ ພົມວິຫານ ເປັນຜູ້ບັນຊາໂດຍກົງ; ນັບແຕ່ໄດ້ຮັບການສ້າງຕັ້ງມາພາຍໃຕ້ການນຳພາຂອງພັກທີ່ມີແນວທາງການເມືອງ ແລະ ການທະຫານອັນຖືກຕ້ອງ ແລະ

 ປະດິດສ້າງ, ກອງທັບປະຊາຊົນລາວ ໄດ້ເຕີບໃຫຍ່ເຂັ້ມແຂງ ແລະ ກ້າວຂຶ້ນຍາດເອົາ ໄຊຊະນະຢ່າງເນື່ອງນິດລຽນຕິດ, ຍິ່ງຕີຍິ່ງເຕີບໃຫຍ່ເຂັ້ມແຂງ

ໃນແຕ່ລະໄລຍະ. ອັນພົ້ນເດັ່ນແມ່ນໄລຍະປີ 1973-1975 ເປັນໄລຍະຕໍ່ສູ້ປົກປັກຮັກສາ ສັນຕິພາບ ຄວາມຖືກຕ້ອງປອງດອງຊາດ, ປຸກລະດົມຂົນຂວາຍ

ປະຊາຊົນບຸກໂຈມຕີຮອບດ້ານ ແລະ ນຳໃຊ້ 3 ບາດຄ້ອນຍຸດທະສາດ ( ການລຸກຮື້ຂຶ້ນຂອງມະຫາຊົນ,ການໜູນໜີບຂອງກຳລັງປະກອບອາວຸດ ແລະ ການແຍກຕົວອອກຂອງກຳລັງທະຫານສັດຕູ ) ຈົນສາມາດປົດປ່ອຍປະເທດຊາດຢ່າງສົມບູນ 

ແລະ ສ້າງຕັ້ງລະບອບສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ພ້ອມກັນນີ້ກອງທັບປະຊາຊົນລາວຍັງໄດ້ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດສ້າງຜົນງານໃນຫຼາຍດ້ານພົ້ນເດັ່ນແມ່ນສາມາດປ້ອງກັນ,ປົກປັກຮັກສາເຂດນຳແດນດີນ,ອຳນາດອະທິປະໄຕ ແລະ ຜືນແຜ່ນດີນອັນຄົບຖ້ວນໄດ້ຢ່າງໜັ້ນຄົງ.

ຈາກຜົນງານດັ່ງກ່າວ, ທ່ານຮອງຫົວໜ້າກົມໃຫ່ຍການເມືອງກອງທັບ ໄດ້ເນັ້ນໃຫ້ບັນດາສະຫາຍທີ່ຮັບຟັງ ປາຖະກະຖາ ຈົ່ງສືບຕໍ່ເສີມຂະຫຍາຍມູນເຊື້ອອັນພິລະອາດຫານຂອງກອງທັບ ປະຊາຊົນລາວ ໃຫ້ຕິດພັນ

ກັບການປົກປັກຮັກສາ ແລະ ສ້າງສາພັດທະນາປະເທດຊາດຢ່າງຮອບດ້ານໜັ້ນຄົງ.

2017-01-24

ປະຕິທິນ

May-2017
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ