ໄຂກອງປະຊຸມວຽກງານຈັດຕັ້ງຂອງອົງການໄອຍະການປະຊາຊົນທົ່ວປະເທດຄັ້ງທີ1ຄັ້ງວັນທີ 1 ກຸມພາ 2017

           ອົງການໄອຍະການປະຊາຊົນສູງສຸດ ໄດ້ຈັດກອງປະຊຸມວຽກງານຈັດຕັ້ງ ຂອງ ອົງການໄອຍະການປະຊາຊົນທົ່ວປະເທດ ຄັ້ງທີ 1 ຂຶ້ນ ໃນວັນທີ 1 ກຸມພາ ນີ້, ທີ່ ອົງການໄອຍະການປະຊາຊົນສູງສຸດ ໂດຍພາຍໄຕ້ການເປັນປະທານຂອງ ທ່ານ ຄຳສານ ສຸວົງ ກຳມະການສູນກາງ ພັກ, ເລຂາຄະນະພັກ, ຫົວໜ້າອົງການໄອຍະການປະຊາຊົນສູງສຸດ ໂດຍການເຂົ້າຮ່ວມເປັນກຽດຂອງ ທ່ານ ຈັນສີ ໂພສີຄຳ ກຳມະການກົມ ການເມືອງ ສູນກາງພັກ ເລຂາທິການສູນກາງພັກ ຫົວໜ້າ ຄະນະຈັດຕັ້ງສູນກາງພັກ, ຄະນະພັກ, ຄະນະນໍາອົງການໄອຍະການປະຊາຊົນ ສູງສຸດ, ບັນດາຫົວໜ້າກົມ-ຮອງກົມ, ຫ້ອງການ, ອົງການໄອຍະການປະຊາຊົນພາກ ແລະ ອົງການໄອຍະການປະຊາຊົນແຂວງ, ອົງການ ໄອຍະການທະຫານຂັ້ນສູງ ແລະ ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ເຂົ້າຮ່ວມ 150 ກ່ວາທ່ານ.

          ໃນພິທີ ທ່ານ ສົມບູນ ລາດສະບົວສີ ຫົວໜ້າກົມຈັດຕັ້ງ-ພະນັກງານ ໄດ້ຂຶ້ນຜ່ານບົດສະຫຼຸບລາຍງານວຽກງານຈັດຕັ້ງກໍ່ສ້າງພັກ ພະນັກງານ ແລະ ປັບປຸງກົງຈັກການຈັດຕັ້ງໄລະຍະ 5 ປີຜ່ານມາ ແລະ ວາງທິດທາງແຜນການໄລຍະ 5 ປີຕໍ່ໜ້າ ແລະ ວຽກງານຈຸດສຸມປະຈຳປີ2017ຂອງອົງການໄອຍະການປະຊາຊົນສູງສຸດໃນວາລະກອງປະຊຸມບັນດາຜູ້ແທນທີ່ເຂົ້າຮ່ວມຍັງໄດ້ຮັບຟັງການປະ

ກອບຄຳຄິດຄຳ ເຫັນໃສ່ບົດສະຫຼຸບລາຍງານວຽກງານຈັດຕັ້ງກໍ່ສ້າງພັກ-ພະນັກງານ ເພື່ອໃຫ້ມີເນື້ອໃນຄົບຖ້ວນສົມບູນ ພ້ອມນັ້ນຍັງ ໄດ້ຮັບຟັງໄອຍະການແຂວງຕ່າງຂຶ້ນປະກອບຄຳເຫັນໃນຫຼາຍຫົວຂໍ້ເຊັ່ນ:ວຽກງານກໍ່ສ້າງພັກ ໂດຍເນັ້ນການກໍ່ສ້າງສະມາຊິກພັກເຂັ້ມແຂງ,ໜ່ວຍພັກເຂັ້ມແຂງ-ຮູ້ນຳພາຮອບດ້ານ, ກົນໄກປະສານສົມທົບກັບພາກສ່ວນກ່ຽວຂ້ອງເປັນຕົ້ນເຈົ້າໜ້າທີ່ສືບສວນ-ສອບສວນ,ສານປະຊາຊົນ,ຍຸຕິທຳແລະ ການຍາດແຍ່ງເອົາການຊີ້ນຳຈາກຂັ້ນເທິງ, ການບຳລຸງກໍ່ສ້າງພະນັກງານທາງດ້ານຈຳນວນ, ຄຸນນະພາບໂດຍເນັ້ນ ດ້ານການເມືອງ ແນວຄິດ, ຄຸນສົມບັດສິນທຳປະຕິວັດ,ດ້ານວິຊາສະເພາະ, ການປະຕິບັດນະໂຍບາຍ ແລະ ການປະຕິບັດວິໃນ, ການປັບປຸງກົງຈັກການຈັດ ຕັ້ງໂດຍເນັ້ນການກຳນົດຕຳແໜ່ງງານ, ການບັນຈຸຊັບຊ້ອນຕຳແໜ່ງງານ ແລະ ອື່ນໆ .

 

 

ກອງປະຊຸມຄັ້ງນີ້ມີຈັດຂຶ້ນເພື່ອເຮັດໃຫ້ພະນັກງານສະມາຊິກພັກ-ພະນັກງານຢູ່ໃນຂົງເຂດວຽກງານໄອຍະການປະຊາຊົນແຕ່ລະຂັ້ນຮັບຮູ້ເຂົ້າ ໃຈເຊື່ອມຊຶມກຳແໜ້ນແລະເປັນເອກະພາບທາງດ້ານທັດສະນະ, ດ້ານດີ-ດ້ານອ່ອນໃນໄລຍະ 5 ປີຜ່ານມາໃນການເຄື່ອນໄຫວວຽກງານຈັດ ຕັ້ງແລະກໍ່ສ້າງພັກພະນັກງານ-ປັບປຸງກົງຈັກການຈັດຕັ້ງສະແດງອອກອັນທີ່ພົ້ນເດັ່ນ ດັ່ງນີ້: ຄະນະພັກ, ຄະນະນຳໄດ້ສຸມໃສ່ສຶກສາອົບຮົມ ການເມືອງ-ແນວຄິດ,ຖັນແຖວສະມາຊິກພັກ-ພະນັກງານໄອຍະການໃຫ້ມີຄວາມໜັກແໜ້ນທັງ 3 ດ້ານ, ຮັກສາຈັນຍາບັນ, ຈັນຍາທຳ ຂອງພະນັກງານໄອຍະການປະຊາຊົນດີຂຶ້ນເປັນກ້າວ.  

ການເຕີບໃຫຍ່ເຂັ້ມແຂງທາງດ້ານປະລິມານ ແລະ ຄຸນນະພາບໄດ້ຮັບການປັບປຸງສ້າງລະບົບກົນໄກການຄຸ້ມຄອງພະນັກງານມີທ່າ ກ້າວໜ້າຂະຫຍາຍຕົວລະບົບການຈັດຕັ້ງໄດ້ຮັບການປັບປຸງຕາມທິດທັນສະໄໝ, ການກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານໄປ ຄຽງຄູ່ກັບການສ້າງຖັນແຖວພະນັກງານສະມາຊິກພັກກ້າວສູ່ຄຸນນະພາບໃໝ່ໃນທົ່ວປະເທດມີ 59ໜ່ວຍ,ມີສະມາຊິກພັກທັງໝົດ 768 ສະຫາຍ ຍິງ 207 ສະຫາຍ ຈຳນວນພະນັກງານລັດຖະກອນທົ່ວອົງການໄອຍະການປະຊາຊົນ ມີ 1.618 ຄົນ, ຍິງ 545 ຄົນ ພະນັກງານໄອ ຍະການປະຊາຊົນຂັ້ນ 1 ມີ 53 ຄົນ, ຂັ້ນ 2 ມີ 73 ຄົນ, ຂັ້ນ 3 ມີ 166 ຄົນ, ຜູ້ຊ່ວຍພະນັກງານໄອຍະການ 142 ຄົນ, ໄອຍະການປະຊາຊົນອົງການໄອຍະການທະຫານມີ270 ຄົນ, ຍິງ 32 ຄົນ, ວຽກງານກໍ່ສ້າງພະນັກງານບຳລຸງວຽກງານໄອຍະການໄລຍະສັ້ນ 6 ຊຸດມີ 362 ຄົນ, ຍິງ 75 ຄົນ ແລະ ບຳລຸງທິດສະດີການເມືອງໄລຍະສັ້ນ 4 ຊຸດມີ 233 ຄົນ, ຍິງ 68 ຄົນ, ນອກນັ້ນ ຍັງສົ່ງພະນັກງານລັດຖະກອນໄປຍົກລະ ດັບຄວາມຮູ້ທາງດ້ານທິດສະດີ ແລະ ວິຊາສະເພາະໄລຍະສັ້ນໄດ້ຫຼາຍສົມຄວນ.    

2017-02-01

ປະຕິທິນ

Aug-2017
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ